Google ખર્ચ ઘટાડવા 12000 કર્મચારીઓની છટણી કરશે, ક્યા વિભાગના કર્મચારી નોકરી ગુમાવશે?
વિશ્વનું સૌથી મોટું સર્ચ એન્જિન Google ચલાવતી મૂળ કંપની Alphabet Inc.એ 2024ની શરૂઆતમાં કર્મચારીઓ માટે ચિંતાજનક જાહેરાત કરી છે. ગૂગલ દ્વારા છટણી કરવામાં આવી રહી છે જે કુલ 12,000 લોકોની રોજગારીને અસર કરશે.
વિશ્વનું સૌથી મોટું સર્ચ એન્જિન Google ચલાવતી મૂળ કંપની Alphabet Inc.એ 2024ની શરૂઆતમાં કર્મચારીઓ માટે ચિંતાજનક જાહેરાત કરી છે. ગૂગલ દ્વારા છટણી કરવામાં આવી રહી છે જે કુલ 12,000 લોકોની રોજગારીને અસર કરશે. ગૂગલનું કહેવું છે કે તેણે વિવિધ વિભાગોમાં છટણી કરી છે. ખર્ચ ઘટાડવા માટે આ પગલું ભરવામાં આવ્યું છે.
ગૂગલે કેમ છટણી કરવી પડી?
ગૂગલે એક નિવેદનમાં જણાવ્યું છે કે ખર્ચ ઘટાડવા માટે તેણે હાર્ડવેર, વૉઇસ અસિસ્ટન્સ અને એન્જિનિયરિંગ ટીમમાં કામ કરતા કર્મચારીઓની છટણી કરી છે. આ છટણી કરવામાં આવી છે કારણ કે ‘Google કંપનીએ તેની ટોચની પ્રાથમિકતા પર ધ્યાન કેન્દ્રિત કરવું પડશે.’ આ ઉપરાંત કંપની ‘ભવિષ્યમાં મહત્વપૂર્ણ તકોમાં યોગ્ય રીતે રોકાણ કરવાની તૈયારી કરી રહી છે.’
દુનિયાભરમાં કર્મચારીઓ નોકરી ગુમાવશે
Google નું કહેવું છે કે, “અમારી કેટલીક ટીમો માળખાકીય ફેરફારો કરી રહી છે જેમાં વિશ્વભરની કેટલીક સ્થિતિઓને દૂર કરવી તેમાં સામેલ હોઈ શકે છે.” ગૂગલે અગાઉ અંગેના સંકેત આપતા કહ્યું હતું કે તે માત્ર કેટલાક પદોને દૂર કરી રહ્યું છે જે મોટાભાગે અદ્યતન હાર્ડવેર ટીમને અસર કરશે. અત્રે ઉલ્લેખનીય છે કે ગૂગલ અને તેની પેરેન્ટ કંપની આલ્ફાબેટ દ્વારા ખર્ચ ઘટાડવાના માર્ગો નક્કી કર્યા પછી આ છટણી કરવામાં આવી છે.
આ પણ વાંચો : આ 5 વ્યવહારો પર આવકવેરા વિભાગ રાખે છે ચાંપતી નજર…નિયમનો ભંગ કરશો તો મળશે નોટિસ
12,000 લોકોને નોકરી પરથી છૂટા કરાશે
લગભગ એક વર્ષ પહેલા ગૂગલે સંકેત આપી દીધા હતા. આ સમયે કંપનીએ કહ્યું હતું કે તે 12,000 લોકોને અથવા તેના લગભગ 6% કર્મચારીઓને નોકરીમાંથી ઘર તરફનો રસ્તો બતાવશે. આ અઠવાડિયાની શરૂઆતમાં એમેઝોને તેના પ્રાઇમ વિડિયો અને સ્ટુડિયો યુનિટમાં સેંકડો કર્મચારીઓને પણ નોકરીમાંથી કાઢી મુકવામાં આવ્યા હતા. કંપની તેના લાઇવસ્ટ્રીમિંગ પ્લેટફોર્મ ટ્વિચ પર કામ કરતા લગભગ 500 કર્મચારીઓને કામ પરથી છૂટા કરવાની પણ યોજના પર વિચાર શરુ કર્યો છે. આ અહેવાલથી કંપનીના કર્મચારીઓ ચિંતાતુર બન્યા છે.
ગૂગલ વિશ્વનું સૌથી મોટું સર્ચ એન્જિન છે. કંપનીનું મોબાઇલ ફોન સોફ્ટવેર એન્ડ્રોઇડ વિશ્વભરમાં લોકપ્રિય છે. આ સિવાય કંપનીની જીમેલ, યુટ્યુબ અને મેપ્સ સર્વિસના યુઝર્સની સંખ્યા અબજોમાં છે.
આ પણ વાંચો : નવા વર્ષે માત્ર 10 દિવસમાં સોનાના ભાવમાં થયો ઘટાડો, પરંતુ સોનાનું વેચાણ કરતી કંપનીએ આપ્યું 10 ટકાથી વધારે રિટર્ન