રોજગાર ક્ષેત્રે સારા સમાચાર : ચાલુ નાણાકીય વર્ષના પ્રથમ અર્ધવાર્ષિક ગાળામાં વધુ નોકરીઓનું સર્જન થવાની અપેક્ષા

મોટાભાગના ચીફ એક્ઝિક્યુટિવ ઓફિસર્સ (CEO) માને છે કે ચાલુ નાણાકીય વર્ષના પ્રથમ છ મહિનામાં તેમની કંપનીમાં રોજગાર(Employment) સર્જનની સંભાવનાઓ વધુ સારી રહેશે. જો કે, તેમનો અભિપ્રાય એ પણ છે કે નાણાકીય નીતિ(Monetary Policy)નું વલણ પ્રથમ અર્ધવાર્ષિક ગાળામાં કડક રહેશે. કોન્ફેડરેશન ઓફ ઈન્ડિયન ઈન્ડસ્ટ્રી (CII)ના સર્વેમાં આ તારણ બહાર આવ્યું છે. તાજેતરનો સર્વે CII દ્વારા 2022-23 માટે તેની બીજી રાષ્ટ્રીય પરિષદની બેઠકમાં કરવામાં આવ્યો હતો. તેમાં દેશભરમાંથી 136 સીઈઓએ ભાગ લીધો હતો.છેલ્લા બે વર્ષમાં ઈલેક્ટ્રિક વ્હીકલ સેક્ટરમાં રોજગારમાં 108 ટકાનો વધારો થયો છે.

GDP વૃદ્ધિ 7-8% રહેવાની અપેક્ષા: સર્વે

સીઆઈઆઈએ કહ્યું કે સર્વેમાં સામેલ 57 ટકા સીઈઓએ કહ્યું કે ગ્રોસ ડોમેસ્ટિક પ્રોડક્ટ (GDP)નો વૃદ્ધિ દર સાતથી આઠ ટકાની વચ્ચે રહેશે. તે જ સમયે 34 ટકા માને છે કે જીડીપી વૃદ્ધિ દર સાત ટકાથી ઓછો રહેશે.

આ ઉપરાંત, લગભગ અડધા અથવા 49 ટકા સીઈઓએ જણાવ્યું હતું કે ચાલુ નાણાકીય વર્ષ(Financial year)ના પ્રથમ અર્ધવાર્ષિક ગાળામાં ગ્રામીણ માંગ ગયા વર્ષના સમાન સમયગાળા કરતાં વધુ સારી રહેશે.

CIIએ જણાવ્યું હતું કે સર્વેના પરિણામો સૂચવે છે કે મોંઘવારીમાં તીવ્ર વધારાને કારણે મોટા ભાગના CEO માને છે કે નાણાકીય વલણ વધુ કડક બનશે. બીજી તરફ એકંદરે પ્રથમ અર્ધવાર્ષિક (એપ્રિલ-સપ્ટેમ્બર) માટે આઉટલૂક મજબૂત જણાય છે. સર્વેમાં સામેલ 44 ટકા સીઈઓએ કહ્યું કે તેમની કંપનીની આવક પ્રથમ છ મહિનામાં 10 થી 20 ટકા વધશે. તે જ સમયે, 32 ટકા માને છે કે તેમની કંપનીની આવક 20 ટકાથી વધુ વધશે.

લગભગ 45 ટકા સીઈઓએ જણાવ્યું હતું કે તેમની કંપનીનો નફો પ્રથમ અર્ધવાર્ષિક ગાળામાં 10 ટકાથી વધુ વધશે. તે જ સમયે, 40 ટકા માને છે કે તેમની કંપનીના નફામાં વૃદ્ધિ 10 ટકાથી ઓછી હશે.

CIIના ડાયરેક્ટર જનરલ ચંદ્રજીત બેનર્જીએ જણાવ્યું હતું કે આ સર્વેના પરિણામો ભારતીય ઉદ્યોગની લડાયક ક્ષમતાને દર્શાવે છે. આ સિવાય સર્વેક્ષણના પરિણામો સૂચવે છે કે ઊંચા ફુગાવાના પડકારો હોવા છતાં, નિકાસ મોરચે તેમજ સ્થાનિક સ્તરે વ્યવસાયિક પ્રદર્શન હકારાત્મક રહેશે.

આ સિવાય તમને જણાવી દઈએ કે છેલ્લા બે વર્ષમાં ઈલેક્ટ્રિક વ્હીકલ સેક્ટરમાં રોજગારમાં 108 ટકાનો વધારો થયો છે. શનિવારે CIEL HR સર્વિસિસના અભ્યાસમાં આ વાત કહેવામાં આવી છે. રોજગારની દ્રષ્ટિએ, ઇવી સેક્ટરમાં એન્જિનિયરિંગ વિભાગનો દબદબો છે.