Central Coalfields Limited Recruitment 2021: એપ્રેન્ટિસની ભરતી માટે મળી રહી છે ઉત્તમ તક, જાણો અરજી કરવાની રીત
એપ્રેન્ટિસની જગ્યાઓ પર ભરતી માટે ઉમેદવારોની પસંદગી મેરિટના આધારે કરવામાં આવશે. રસ ધરાવતા અને પાત્ર ઉમેદવારો 5મી ડિસેમ્બર 2021 સુધીમાં ઑનલાઇન અરજી કરી શકે છે.
Central Coalfields Limited Recruitment 2021:સેન્ટ્રલ કોલફિલ્ડ્સ લિમિટેડ (CCL)એ એપ્રેન્ટિસ એક્ટ 1961 હેઠળ વિવિધ ટ્રેડ્સમાં એપ્રેન્ટિસની જગ્યાઓની ભરતી માટે નોટિફિકેશન બહાર પાડયું છે. રસ ધરાવતા અને લાયક ઉમેદવારો 5 ડિસેમ્બર અથવા તે પહેલાં સત્તાવાર વેબસાઇટ apprenticeshipindia.org દ્વારા CCL ભરતી ૨૦૨૧(CCL Recruitment 2021) માટે ઑનલાઇન અરજી કરી શકે છે. 2021.
આ પ્રક્રિયા દ્વારા ઇલેક્ટ્રિશિયનની 190 જગ્યાઓ, ફીટરની 150 જગ્યાઓ, મશિનિસ્ટની 10 જગ્યાઓ, ટર્નરની 10 જગ્યાઓ, પ્લમ્બરની 7 જગ્યાઓ, ઇલેક્ટ્રોનિક મિકેનિકની 10 જગ્યાઓ, કાર્પેન્ટરની 2 જગ્યાઓ, બુક બાઈન્ડરની 2 જગ્યાઓ, ફોટોગ્રાફરની 3 જગ્યાઓ ભરવામાં આવશે. આ ઉપરાંત ગાર્ડનરની 10 જગ્યાઓ, પેઇન્ટરની 2 જગ્યાઓ, રિસેપ્શનિસ્ટની 2 જગ્યાઓ, ટેલરની 2 જગ્યાઓ, સરદારની 10 જગ્યાઓ, ફૂડ પ્રોડક્શનની 1 જગ્યા અને એકાઉન્ટન્ટની 30 જગ્યાઓ સહિત કુલ 539 જગ્યાઓ માટે નિમણુંક આપવામાં આવશે. ટ્રેડ એપ્રેન્ટિસની આ જગ્યાઓ માટે પસંદ કરાયેલ ઉમેદવારોને દર મહિને રૂ 7000નું સ્ટાઈપેન્ડ આપવામાં આવશે.
સત્તાવાર નોટિફિકેશન અનુસાર સેન્ટ્રલ કોલફિલ્ડ્સ લિમિટેડમાં એપ્રેન્ટિસની વિવિધ જગ્યાઓ પર ભરતી માટે ઉમેદવારોએ માન્ય બોર્ડમાંથી ધોરણ 10 પાસ કર્યું હોવું જોઈએ. આ ઉપરાંત ઉમેદવાર પાસે સંબંધિત વેપારમાં NCVT/SCVT દ્વારા જારી કરાયેલ ITI પ્રમાણપત્ર હોવું જોઈએ.
વય મર્યાદા વિશે વાત કરીએ તો, ઉમેદવારની લઘુત્તમ વય 18 વર્ષ અને મહત્તમ વય 30 વર્ષ નક્કી કરવામાં આવી છે. જો કે, સરકારી નિયમો મુજબ SC/ST વર્ગના ઉમેદવારો માટે ઉપલી વય મર્યાદામાં 5 વર્ષની અને OBC શ્રેણીના ઉમેદવારો માટે 3 વર્ષની છૂટછાટ હશે. વિગતવાર માહિતી માટે તમે સત્તાવાર નોટિફિકેશન જોઈ શકો છો.
એપ્રેન્ટિસની જગ્યાઓ પર ભરતી માટે ઉમેદવારોની પસંદગી મેરિટના આધારે કરવામાં આવશે. રસ ધરાવતા અને પાત્ર ઉમેદવારો 5મી ડિસેમ્બર 2021 સુધીમાં સત્તાવાર પોર્ટલ apprenticeshipindia.org પર CCL એપ્રેન્ટિસ ભરતી 2021 માટે ઑનલાઇન અરજી કરી શકે છે. વધુ વિગતો માટે સત્તાવાર વેબસાઇટ ચેક કરો.
આ પણ વાંચો : Railway Recruitment 2021: રેલવેમાં આ પદ માટે ભરતી જાહેર, જાણો ભરતીની સમગ્ર વિગતો
આ પણ વાંચો : આ રિયલ એસ્ટેટ કંપની 1000 લોકોને નોકરી આપશે, તમામ પોસ્ટ પર નવા કર્મચારીઓની થશે ભરતી
