તમે મફતમાં ચેક કરી શકો છો CIBIL સ્કોર, જાણો સમગ્ર પ્રોસેસ
CIBILની વેબસાઈટ સિવાય, તમે બેન્કિંગ સર્વિસીસ એગ્રીગેટર્સની વેબસાઈટ પર પણ ક્રેડિટ સ્કોર ચેક કરી શકો છો. ક્રેડિટ સ્કોર વ્યક્તિએ તેની લોન કેવી રીતે ચૂકવી છે અથવા તમામ પ્રકારના બિલની ચુકવણી પ્રત્યેના તેના વલણના આધારે તૈયાર કરવામાં આવે છે.
બેંક તમારી લોન મંજૂર કરશે કે નહીં તે નક્કી કરવામાં CIBIL સ્કોર મુખ્ય ભૂમિકા ભજવે છે. CIBIL સ્કોર 3 અંકનો છે. તે ગ્રાહકની ક્રેડિટ હિસ્ટ્રી વિશે જણાવે છે. તેને વ્યક્તિની ક્રેડિટ પ્રોફાઇલનો અરીસો કહી શકાય. ક્રેડિટ સ્કોર વ્યક્તિએ તેની લોન કેવી રીતે ચૂકવી છે અથવા તમામ પ્રકારના બિલની ચુકવણી પ્રત્યેના તેના વલણના આધારે તૈયાર કરવામાં આવે છે.
આ પણ વાંચો: અમેરિકામાં લેવાયેલા એક નિર્ણયથી ભારતમાં વધી શકે છે EMI, ક્યારે અટકશે મોંઘવારીમાં વધારો?
CIBIL સ્કોરની રેન્જ 300થી 900ની વચ્ચે છે. CIBIL સ્કોર 900ની નજીક છે, ગ્રાહકને લોન અથવા ક્રેડિટ કાર્ડ મળવાની શક્યતા વધુ છે. CIBIL દેશની ચાર ક્રેડિટ રેટિંગ એજન્સીઓમાંની એક છે.
CIBILની વેબસાઈટ સિવાય, તમે બેન્કિંગ સર્વિસ એગ્રીગેટર્સની વેબસાઈટ પર પણ ક્રેડિટ સ્કોર જોઈ શકો છો. CIBILની વેબસાઈટ પર તમારો ક્રેડિટ સ્કોર ચેક કરવાની મફત સુવિધા છે. તમે સબ્સ્ક્રિપ્શન પ્લાન લઈને પણ તેને ચેક કરી શકો છો. મફત સબ્સ્ક્રિપ્શન સાથે, તમે વર્ષમાં એકવાર તમારો વર્તમાન CIBIL રિપોર્ટ ચકાસી શકો છો. CIBIL પેઇડ પ્લાન પણ ઓફર કરે છે. આમાં તમને પસંદ કરેલ પ્લાનના આધારે ઘણી વધારાની સુવિધાઓ મળે છે.
CIBIL ક્રેડિટ સ્કોર ફ્રીમાં કેવી રીતે ચેક કરવો?
અમે જણાવી રહ્યા છીએ કે તમે કેવી રીતે CIBILની વેબસાઇટ પર તમારો ક્રેડિટ સ્કોર મફતમાં ચેક કરી શકો છો.
સ્ટેપ 1: CIBIL વેબસાઇટ પર લોગ ઇન કરો
CIBILની વેબસાઇટ https://www.cibil.com/ પર જાઓ અને પેજના ઉપરના જમણા ખૂણે ‘Get Your CIBIL Score’ પર ક્લિક કરો.
આ તમને સબ્સ્ક્રિપ્શન ઓપ્શન વાળા પેજ પર લઈ જશે. મફત વિકલ્પ માટે નીચે સ્ક્રોલ કરો.
સ્ટેપ 2: એકાઉન્ટ ક્રિએટ કરો
અહીં તમારે તમારું ઈમેલ આઈડી, નામ (આ એકાઉન્ટ માટે તે તમારું યુઝરનેમ હશે), પાસવર્ડ, આઈડી પ્રૂફ (જેમ કે પાન કાર્ડ, મતદાર આઈડી, પાસપોર્ટ નંબર, આધાર), જન્મ તારીખ, પિન કોડ અને મોબાઈલ નંબર દાખલ કરવો પડશે. આ વિગતો ભર્યા પછી, ‘એક્સેપ્ટ અને કંટીન્યૂ પર ક્લિક કરો.
સ્ટેપ 3: તમારી ઓળખ ચકાસો
આગળનું પગલું તમારી ઓળખ ચકાસવાનું છે. તમે આપેલા મોબાઈલ નંબર પર તમને વન-ટાઇમ પાસવર્ડ (OTP) મળશે. OTP દાખલ કરો અને ‘Continue’ પર ક્લિક કરો.
સ્ટેપ 4: ડેશબોર્ડ પર જાઓ
તમને તમારી નોંધણીની પુષ્ટિ દર્શાવતી નવી વિંડો પર લઈ જવામાં આવશે. આ અંગે તમને ઈ-મેલ પણ મોકલવામાં આવશે. તમારો ક્રેડિટ સ્કોર તપાસવા માટે ‘Go to Dashboard’ પર ક્લિક કરો.
સ્ટેપ 5: CIBIL સ્કોર જુઓ
તમને myscore.cibil.com પર લઈ જવામાં આવશે. અહીં તમે તમારો CIBIL સ્કોર અને CIBIL રિપોર્ટ મફતમાં ચકાસી શકો છો.
એકવાર તમે એકાઉન્ટ બનાવી લો તે પછી, તમે ‘મેમ્બર લોગિન’ પસંદ કરીને તમારો CIBIL સ્કોર https://myscore.cibil.com/ પર જોઈ શકો છો. લોગિન કરવા માટે તમારે તમારું ઈ-મેલ આઈડી અને પાસવર્ડ દાખલ કરવો પડશે. જો તમે તે જ વર્ષમાં ફરીથી તમારો CIBIL સ્કોર ઇચ્છતા હોવ, તો તમારે CIBILના પેઇડ પ્લાનમાં સબ્સ્ક્રાઇબ કરવું પડશે.
બિઝનેસના તમામ સમાચાર વાંચવા માટે અહીં ક્લિક કરો
