બ્રિટનમાં સરકાર બદલતા Tata Stee ને ફાયદો થશે કે નુકસાન ?

બ્રિટનમાં નવી લેબર સરકારે સંકેત આપ્યો છે કે તે ટાટા સ્ટીલમાં નોકરીના નુકસાનને અટકાવવા પર ધ્યાન કરાશે. રિપોર્ટ અનુસાર કીર સ્ટારમરની આગેવાની હેઠળની નવી સરકાર કંપની સાથે વાતચીત કરી રહી છે. ટાટા, બ્રિટનની સૌથી મોટી સ્ટીલ ઉત્પાદક, કંપનીએ એક કાર્બન-ઇન્ટેસિવ બ્લાસ્ટ ફર્નેસ બંધ કરવાનું શરૂ કર્યું, સપ્ટેમ્બરમાં બીજી ફર્નેસ પણ બંધ થવાની શક્યતા છે, જેના પરિણામે પોર્ટ ટેલબોટ, દક્ષિણ વેલ્સમાં 2,800 નોકરીઓ જશે. રોઇટર્સના અહેવાલ મુજબ, નવી સરકાર કંપનીને લોઅર-કાર્બન ટેક્નોલોજી તરફ ટ્રાંજિશન કરવા માટે પણ સમર્થન આપી રહી છે.

નવી સરકારને 500 મિલિયન પાઉન્ડ ($635 મિલિયન) સહાય પેકેજ પર હસ્તાક્ષર કરવાની જરૂર પડશે જે અગાઉની સરકાર ટાટા સ્ટીલ સાથે લોઅર-કાર્બન ઇલેક્ટ્રિક આર્ક ફર્નેસ બનાવવામાં મદદ કરવા માટે સંમત હતી, પરંતુ યુનિયન ટાટા પાસે હજુ વધારે સારા કરારની આશા રાખી રહ્યું છે. જે અનઇચ્છનીય છટણી અટકાવે.

નોકરીની ગેરંટી પર સરકારનું ધ્યાન

એક અહેવાલ અનુસાર, સરકારના મંત્રી જોનાથન રેનોલ્ડ્સે કહ્યું, “અમે આને મોટી પ્રાથમિકતા તરીકે જોઈએ છીએ.” હું એ સુનિશ્ચિત કરવા જઈ રહ્યો છું કે નોકરીની ગેરંટી એ વાટાઘાટોનો એક ભાગ છે જે અમે કરી રહ્યા છીએ.’ દેશની સૌથી મોટી સ્ટીલ ઉત્પાદક કંપનીની ચેતવણીને પગલે કર્મચારીઓએ હડતાળ કરવાની યોજના મુલતવી રાખ્યા પછી સરકારનું ધ્યાન કેન્દ્રિત થયું. ટાટા સ્ટીલે સંકેત આપ્યો હતો કે જો હડતાળ થશે તો તેની બંને ફર્નેસ પહેલેથી જ બંધ થઈ જશે.

અહેવાલ મુજબ, પ્લાન્ટ સાઇટ્સ પર કાર્યરત લગભગ 1,500 કામદારો, જેમને 17 જૂને ઓવરટાઇમ પર પ્રતિબંધ મૂકવામાં આવ્યો હતો, તેઓ પણ 8 જુલાઈથી હડતાળ પર જવાના હતા. યુનિયને તેની હડતાળને મુલતવી રાખવાનો નિર્ણય કર્યો જ્યારે કંપનીએ પુષ્ટિ કરી કે તે તેની કામગીરીમાં ભવિષ્યના રોકાણો વિશે વાટાઘાટો શરૂ કરી રહી છે. આ ચર્ચા બાદ હડતાલ મોકૂફ રહી છે.