Tata Group વધુ બે કંપનીઓનું કરી શકે છે મર્જર, જાણો શું છે પ્લાન?
Tata Group તેની લિસ્ટેડ કંપનીઓની સંખ્યા 29થી ઘટાડીને 15 કરવાની યોજના બનાવી રહ્યું છે. ટાટા ગ્રૂપની હોલ્ડિંગ કંપની ટાટા સન્સ પાસે વિવિધ ક્ષેત્રોમાં ઘણી અનલિસ્ટેડ એન્ટિટી છે.
Tata Groupની કંપનીઓના મર્જરની પ્રક્રિયા ચાલુ હોવાથી ટાટા ગ્રૂપ હવે તેની વધુ બે કંપનીઓને ટૂંક સમયમાં મર્જ કરી શકે છે. આના થોડા દિવસો પહેલા ટાટા ગ્રુપે 7 પેટાકંપનીઓને ટાટા સ્ટીલ સાથે મર્જ કરી હતી. હવે ટાટા ગ્રુપની ઓટો કંપનીમાં પણ મર્જરની શક્યતા છે. તમને જણાવી દઈએ કે ટાટા મોટર્સના ફાઇનાન્સથી સંબંધિત બે કંપનીઓ – ટાટા મોટર્સ ફાઇનાન્સ સોલ્યુશન્સ એટલે કે TMFSL અને ટાટા મોટર્સ ફાઇનાન્સ લિમિટેડ એટલે કે TMFL બોર્ડ મર્જર પર વિચારણા કરવા જઈ રહી છે. આ મંથન 3 ઓક્ટોબરની બોર્ડ મિટિંગમાં થશે. આ બંને કંપનીઓ ટાટા મોટર્સની ફાઇનાન્સનું ધ્યાન રાખે છે.
ટાટા મોટર્સની પેટાકંપની મોટર્સ ફાઇનાન્સ હોલ્ડિંગ્સ TMFLમાં 97 ટકા હિસ્સો ધરાવે છે. આ સિવાય હિસ્સો ટાટા મોટર્સ ફાઇનાન્સ સોલ્યુશન્સ પાસે છે. આ વર્ષે માર્ચ સુધી ટીએમએફએલની લોન બુક રૂ. 28,204 કરોડ હતી, જ્યારે ટીએમએફએસએલની લોન બુક રૂ. 8,085 કરોડ હતી. તમને જણાવી દઈએ કે ટાટા જૂથ તેની લિસ્ટેડ કંપનીઓની સંખ્યા 29 થી ઘટાડીને 15 કરવાની યોજના બનાવી રહ્યું છે.
ટાટા સન્સ પાસે ઘણા અનલિસ્ટેડ યુનિટ્સ છે
ટાટા ગ્રૂપની લિસ્ટેડ કંપનીઓ અને ગ્રૂપની હોલ્ડિંગ કંપની ટાટા સન્સ પાસે વિવિધ ક્ષેત્રોમાં ઘણી અનલિસ્ટેડ એન્ટિટી છે. ફાઇનાન્સ સેક્ટરની વાત કરીએ તો ટાટા સન્સ પાસે ટાટા કેપિટલ છે. ટાટા સન્સ બે વીમા સાહસોમાં પણ સીધો હિસ્સો ધરાવે છે. ટાટા મોટર્સના કિસ્સામાં, કંપની પાસે ટાટા મોટર્સ ફાઇનાન્સ હોલ્ડિંગ્સ હેઠળ બે ઓટો ફાઇનાન્સ કંપનીઓ છે.
આ કંપનીઓનું મર્જર
તમને જણાવી દઈએ કે થોડા દિવસો પહેલા ટાટા ગ્રુપે મેટલ્સ સાથે જોડાયેલી તમામ કંપનીઓને મર્જ કરી દીધી હતી. ટાટા ગ્રૂપે ટાટા સ્ટીલ સાથે મર્જ કરેલી 7 કંપનીઓમાં ટાટા સ્ટીલ લોંગ પ્રોડક્ટ્સ, ધ ટીનપ્લેટ કંપની ઓફ લિ., ટાટા મેટાલિક્સ લિ., ટીઆરએફ લિ., ઈન્ડિયન સ્ટીલ એન્ડ વાયર પ્રોડક્ટ્સ લિ., ટાટા સ્ટીલ માઈનિંગ લિમિટેડ અને એસ એન્ડ ટી માઈનિંગ લિમિટેડ કંપનીનો સમાવેશ થાય છે.