STOCKS UPDATE : પ્રારંભિક સત્રમાં ક્યા શેર વધ્યા અને કયા શેર ઘટ્યા, કરો એક નજર

આજે સપ્તાહની શરૂઆતમાં ભારતીય શેરબજાર નરમાશની સ્થિતિ દેખાડી રહ્યા છે. બેન્કિંગ શેરમાં વેચવાલીના પેગલે શેરબજાર નુકશાન સાથે આગળ વધી રહ્યું છે. છેલ્લા ઘણા સમયની તેજી ઉપર આજે બજારમાં બ્રેક લાગવાના સંકેત મળી રહ્યા છે જોકે વૈશ્વિક બજારોની નબળી સ્થિતિ પણ આજે બજારને લાલ નિશાન તરફ ધકેલી રહી છે. પ્રારંભિક સત્રમાં ૨૦૦ સુધી ગગડ્યા બાદ સેન્સેક્સ રિકવર થતો નજરે પડી રહ્યો છે સવારે ૯.૪૦ વાગે સેન્સેક્સ 0.24% મુજબ 114.68 અંકના નુકશાન સાથે 46,846.૦૧ ઉપર નજરે પડ્યો હતો તો નિફટી 46.95 અંક ગગડી 0.34% નીચે 13,713.60 ઉપર દર્જ થયો હતો

સ્મૉલકેપ અને મિડકેપ શેરોમાં વેચવાલીનું દબાણ જોવામાં આવી રહ્યુ છે. બીએસઈના મિડકેપ ઈન્ડેક્સ 0.5 ટકાની નબળાઈ દેખાય રહી છે જ્યારે નિફ્ટીના મિડકેપ 100 ઈન્ડેક્સમાં 0.6 ટકાનો ઘટાડો દર્જ કરવામાં આવી રહ્યો છે. બીએસઈના સ્મૉલકેપ ઈન્ડેક્સ 0.2 ટકાના ઘટાડાની સાથે કારોબાર થઈ રહ્યો છે.

બેન્કિંગ, મેટલ, પીએસયુ બેન્ક, પ્રાઇવેટ બેન્ક, ઑટો, ફાઈનાન્સ સર્વિસિઝ, એફએમસીજી અને રિયલ્ટી શેરોમાં વેચવાલી જોવાને મળી રહી છે. બેન્ક નિફ્ટી 1 ટકા ઘટાડાની સાથે ૩૦૦ અંક નીચે 30406 ના સ્તર પર કારોબાર કરી રહ્યા છે.આજે આઈટી અને ફાર્મા શેરોમાં ખરીદારીનું વલણ છે.

પ્રારંભિક સત્રમાં શેરબજારમાં ક્યા શેર વધ્યા અને કયા શેર ઘટ્યા તે ઉપર કરીએ એક નજર

દિગ્ગજ શેર ઘટ્યા : ગેલ, ટાટા મોટર્સ, આઈસીઆઈસીઆઈ બેન્ક, ટાટા સ્ટીલ, એમએન્ડએમ, ઓએનજીસી, એક્સિસ બેન્ક અને બીપીસીએલ વધ્યા : એલએન્ડટી, રિલાયન્સ, સન ફાર્મા, સિપ્લા, એચડીએફસી બેન્ક, એચયુએલ અને ડૉ.રેડ્ડીઝ

મિડકેપ શેર ઘટ્યા : કેનેરા બેન્ક, સીજી કંઝ્યુમર, ઑયલ ઈન્ડિયા, એમએન્ડએમ ફાઈનાન્શિયલ અને ફેડરલ બેન્ક વધ્યા : ફ્યુચર રિટેલ, બેન્ક ઑફ ઈન્ડિયા, ઑબરોય રિયલ્ટી, જેએસડબ્લ્યુ એનર્જી અને મેક્સ ફાઈનાન્શિયલ

સ્મૉલકેપ શેર ઘટ્યા : તેનલા પ્લેટફોર્મસ, ટીવીએસ ઈલેક્ટ્રોનિક્સ, સુવેન લાઈફ, દિવાન હાઉસિંગ અને સ્પાઈસ જેટ વધ્યા : કિરી ઈન્ડસ્ટ્રીઝ, ગોલ્ડિઅમ ઈન્ટર, મહા સિમલેસ, બિરલાસોફ્ટ અને શિપિંગ કૉર્પ