Share Market Closing: સેન્સેક્સ 709 પોઈન્ટના વધારા સાથે 61,764 પર બંધ, અદાણીના શેરમાં ઘટાડો, 2 શેરમાં લોઅર સર્કિટ લાગી
આજે સેન્સેક્સમાં 709 પોઈન્ટનો વધારો જોવા મળ્યો એટલે કે 1 ટકાના વધારા સાથે 61,764 પોઈન્ટ પર બંધ થયો હતો. તે જ સમયે, નિફ્ટી 183 પોઈન્ટના વધારા સાથે 18,252ના સ્તરે પહોંચી ગયો હતો.
બેંકિંગ અને કન્ઝ્યુમર શેરોમાં ઉછાળાને પગલે સોમવારે ભારતીય શેરબજારો 1 ટકાથી વધુ ઉછળ્યા હતા. અર્થવ્યવસ્થામાં સુધારાના સંકેતો વચ્ચે એપ્રિલની શરૂઆતથી જ શેરબજારમાં તેજી જોવા મળી રહી છે. બધાની નજર હવે યુએસ ફુગાવાના ડેટા પર છે, જે બુધવારે અપેક્ષિત છે. આજે સેન્સેક્સમાં 709 પોઈન્ટનો વધારો જોવા મળ્યો એટલે કે 1 ટકાના વધારા સાથે 61,764 પોઈન્ટ પર બંધ થયો હતો. તે જ સમયે, નિફ્ટી 183 પોઈન્ટના વધારા સાથે 18,252ના સ્તરે પહોંચી ગયો હતો.
કોટક ઈન્સ્ટિટ્યૂશનલ ઈક્વિટીઝે એક તાજેતરના અહેવાલમાં જણાવ્યું હતું કે, “દેશની આર્થિક સ્થિતિ અંગેના તાજેતરના સંકેતોમાં સુધારો થયો છે. તેમાં વ્યાજ દરોમાં વધારો રોકવા અને ચૂકવણીના સંતુલનની દ્રષ્ટિએ સારી બાહ્ય સ્થિતિ જેવી બાબતોનો સમાવેશ થાય છે. “બજારે આ સૂચકાંકોને ઝડપી લીધા છે. એવું માનવામાં આવે છે કે કંપનીઓની આર્થિક સ્થિતિમાં સુધારો આવતા મહિનાઓમાં તેમની કામગીરી સુધરી શકે છે અને તેમની વૃદ્ધિમાં તેજી આવી શકે છે.
વધતા બજારમાં પણ અદાણીના શેરમાં ઘટાડો, 2 શેરમાં લોઅર સર્કિટ લાગી
અદાણીના શેરની આજની ગતિ ધીમી નજર આવી રહી છે અને જે શેરમાં તેજી છે તે પણ વધુ નથી. 2 શેરમાં લોઅર સર્કિટ વાગી છે અને બજાર વધવા છતાં અદાણીના શેરનો આ ઘટાડો કંઈક અંશે આશ્ચર્યજનક છે. આજે શેરબજારોની શરૂઆત તેજી સાથે થઈ છે અને તેની સાથે જ ઘણા બેંક શેર અને FMCG શેર્સમાં પણ જોરદાર તેજી જોવા મળી રહી છે.
અદાણી ગ્રુપના કયા શેરોમાં તેજી જોવા મળી
આજે અદાણી ગ્રુપના ત્રણ શેરોમાં તેજી જોવા મળી રહી છે અને તે છે અદાણી પોર્ટ્સ, એસીસી અને અંબુજા સિમેન્ટ્સ. આ શેરો મજબૂત રીતે ટ્રેડ થઈ રહ્યા છે અને અદાણી ગ્રુપના ચાર્ટમાં લીલા રંગમાં દેખાય છે. અદાણી પોર્ટ્સની મજબૂતાઈ 0.35 ટકા અને ACCના શેરમાં 0.46 ટકાનો વધારો છે. આ સિવાય અંબુજા સિમેન્ટ્સમાં 1.42 ટકાની સારી વૃદ્ધિ જોવા મળી રહી છે.
અદાણી ગ્રુપના શેરમાં ઘટાડો
અદાણી ગ્રૂપના ઘટતા શેરો પર નજર કરીએ તો ખબર પડે છે કે અદાણી ટ્રાન્સમિશન અને અદાણી ટોટલ ગેસના શેરમાં 5-5 ટકાની લોઅર સર્કિટ વાગી છે. અદાણી ગ્રીન એનર્જી 2.80 ટકા ડાઉન છે અને અદાણી એન્ટરપ્રાઇઝના શેરમાં 1.43 ટકાની નબળાઈ સાથે ટ્રેડિંગ ચાલી રહ્યું છે. અદાણી પાવર 0.96 ટકાના ઘટાડા સાથે ટ્રેડ કરી રહ્યો છે અને અદાણી વિલ્મર 0.57 ટકાના ઘટાડા સાથે સુસ્ત ટ્રેડ કરી રહ્યો છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ સમાચાર વાંચવા માટે જોડાયેલા રહો…
