Global Market : વૈશ્વિક બજાર તરફથી રાહતના સમાચાર, આજે શેરબજારના ઘટાડા ઉપર લાગી શકે છે બ્રેક, જાણો નિષ્ણાતોનો અભિપ્રાય
છેલ્લા 6 દિવસમાં BSE સેન્સેક્સ ઘટીને 56598.28 પર આવી ગયો છે. આ કારણે BSE પર લિસ્ટેડ કંપનીઓનું માર્કેટ કેપ રૂ. 28,134,219 કરોડથી ઘટીને રૂ. 26,859,546 કરોડ થયું છે. નિફ્ટી 16858.60 ના સ્તર પર આવી ગયો છે.
ભારતીય શેરબજાર(Share Market)માં છેલ્લા 6 સેશનમાં ઘટાડો જોવા મળ્યો હતો. જો કે આજે શેરબજાર આજે ઘટાડાનો ટ્રેન્ડ તોડી શકે છે. વૈશ્વિક બજાર(Global Market)માં દેખીતી વૃદ્ધિને કારણે ભારતીય બજારમાં પણ આજે સકારાત્મક અસરજોવા મળી શકે છે. આ સકારાત્મક સેન્ટિમેન્ટની અસર સ્થાનિક રોકાણકારો પર પણ જોવા મળશે. શેરબજાર બુધવારે સપ્તાહના સતત ત્રીજા દિવસે ઘટાડા સાથે બંધ રહ્યું હતું. છેલ્લા 6 દિવસમાં BSE સેન્સેક્સ ઘટીને 56598.28 પર આવી ગયો છે. આ કારણે BSE પર લિસ્ટેડ કંપનીઓનું માર્કેટ કેપ રૂ. 28,134,219 કરોડથી ઘટીને રૂ. 26,859,546 કરોડ થયું છે. નિફ્ટી 16858.60 ના સ્તર પર આવી ગયો છે. આ સમયગાળા દરમિયાન બજારના રોકાણકારોને લગભગ 12.74 લાખ કરોડ રૂપિયાનું નુકસાન થયું છે.
વૈશ્વિક બજારની છેલ્લી સ્થિતિ (સવારે 8.35 એ અપડેટ)
| Name | Last | Chg% | Chg |
| Dow Jones | 29,683.74 | 1.88% | 548.75 |
| S&P 500 | 3,719.04 | 1.97% | 71.75 |
| Nasdaq | 11,051.64 | 2.05% | 222.13 |
| Small Cap 2000 | 1,715.24 | 3.17% | 52.73 |
| S&P 500 VIX | 30.18 | -7.42% | -2.42 |
| TR Canada 50 | 311.35 | 1.81% | 5.53 |
| Bovespa | 108,451 | 0.07% | 75 |
| DAX | 12,183.28 | 0.36% | 43.6 |
| FTSE 100 | 7,005.39 | 0.30% | 20.8 |
| Euro Stoxx 50 | 3,335.30 | 0.20% | 6.65 |
| Nikkei 225 | 26,269.50 | 0.36% | 95.52 |
| DJ New Zealand | 300.36 | 0.97% | 2.89 |
| Shanghai | 3,057.66 | 0.41% | 12.59 |
| Hang Seng | 17,391.00 | 0.81% | 140.12 |
| Taiwan Weighted | 13,531.80 | 0.49% | 65.73 |
| KOSPI | 2,187.78 | 0.85% | 18.49 |
| Karachi 100 | 41,435.13 | -0.20% | -83.1 |
| CSE All-Share | 9,958.87 | 0.99% | 97.25 |
યુએસ બજારમાં વેચાણ અટક્યું
અમેરિકાના તમામ મુખ્ય શેરબજારો પર મોંઘવારી અને મંદીનો ડર આજે ઓછો થયો છે. છેલ્લા કેટલાક દિવસોના ઘટાડા બાદ આજે બજાર લીલા નિશાનમાં જોવા મળ્યું હતું. S&P 500 1.97 ટકા વધીને 3,719.04 પોઈન્ટ પર છે જે સપ્તાહનું સર્વોચ્ચ સ્તર છે. આજે NASDAQએ પણ 2.05 ટકાનો ઉછાળો દર્શાવ્યો છે.
યુરોપિયન બજારોમાં તેજી દેખાઈ
યુરોપના શેરબજારોમાં પણ આજે લીલી ઝંડી જોવા મળી હતી. તમામ મુખ્ય શેરબજારોમાં ઉછાળો જોવા મળી રહ્યો છે. યુરોપના મુખ્ય શેરબજારમાં સમાવિષ્ટ જર્મનીનું સ્ટોક એક્સચેન્જ છેલ્લા ટ્રેડિંગ સેશનમાં 0.36 ટકાના વધારા સાથે બંધ થયું હતું જ્યારે ફ્રેન્ચ શેરબજાર 0.19 ટકા અને લંડનનું શેરબજાર 0.30 ટકાના વધારા સાથે બંધ થયું હતું.
એશિયન માર્કેટમાં ઘટાડા ઉપર લાગી બ્રેક
એશિયાના મોટાભાગના શેરબજારો આજે તેજી સાથે ખુલ્યા છે અને લીલા નિશાન પર ટ્રેડ કરી રહ્યા છે. સિંગાપોર સ્ટોક એક્સચેન્જમાં આજે સવારે 0.98 ટકાનો વધારો જોવા મળી રહ્યો છે જ્યારે જાપાનનો નિક્કી 0.88 ટકાના વધારા સાથે કારોબાર કરી રહ્યો છે. તાઈવાનનું શેરબજાર પણ 1.01 ટકાના વધારા સાથે કારોબાર કરી રહ્યું છે, જ્યારે દક્ષિણ કોરિયાનું કોસ્પી 1.73 ટકાના વધારા સાથે કારોબાર કરી રહ્યું છે.
Latest News Updates
