Stock Market : આ અઠવાડિયા દરમિયાન નાના સ્ટોક્સમાં મોટી કમાણી, રોકાણકારોની સંપત્તિમાં 6 લાખ કરોડ રૂપિયાનો વધારો
BSE મિડ કેપ સેક્ટર ઈન્ડેક્સ સપ્તાહ દરમિયાન 3.5 ટકા વધીને બંધ થયો છે. બીજી તરફ સ્મોલ કેપ (Small Cap Index) ઇન્ડેક્સ 3.7 ટકા વધ્યો છે. આ સિવાય લાર્જ કેપ ઈન્ડેક્સમાં 1 ટકાનો વધારો જોવા મળ્યો છે.
ઉતાર-ચઢાવની વચ્ચે પસાર થયેલું અઠવાડિયું (Stock Market This Week) નાના અને મધ્યમ શેરોમાં રોકાણ કરનારા રોકાણકારો માટે કમાણીનું સપ્તાહ સાબિત થયું છે. જો કે, આ સમયગાળા દરમિયાન મુખ્ય સૂચકાંકો (Sensex and Nifty) માં મર્યાદિત વધારો થયો છે. ગયા સપ્તાહે શેરબજારમાં ભારે અસ્થિરતા રહી હતી. ફેડરલ રિઝર્વ તરફથી કડકાઈના સંકેતો બાદ વિદેશી રોકાણકારોએ બજારમાંથી નાણાં ઉપાડવાનું ચાલુ રાખ્યું હતું, જેના કારણે બજાર 5 સેશનમાં 3 દિવસ સુધી ઘટાડા સાથે બંધ થયું હતું. જો કે સપ્તાહના પ્રથમ અને છેલ્લા દિવસે ખરીદીની મદદથી સેન્સેક્સ અને નિફ્ટીમાં મર્યાદિત વધારો જોવા મળ્યો હતો, જોકે બીજી તરફ મિડકેપ અને સ્મોલકેપ સેક્ટરના (Small cap index) સૂચકાંકોમાં તેજી જોવા મળી હતી.
આ સપ્તાહે રોકાણકારોએ 6 લાખ કરોડ રૂપિયાની કમાણી કરી
શેરબજારમાં આ સપ્તાહના ઉછાળાની વચ્ચે આ સમયગાળા દરમિયાન રોકાણકારોની કુલ સંપત્તિમાં 6 લાખ કરોડ રૂપિયાથી વધુનો વધારો થયો છે. વધારા સાથે BSE પર લિસ્ટેડ તમામ કંપનીઓનું કુલ માર્કેટ કેપ સપ્તાહના અંતે 274.10 લાખ કરોડ રૂપિયાના સ્તરે પહોંચી ગયું છે. એક સપ્તાહ પહેલા આ આંકડો 267.88 લાખ કરોડ રૂપિયાના સ્તરે હતો. એટલે કે એક સપ્તાહમાં કંપનીઓના કુલ બજાર મૂલ્યમાં 6.22 લાખ કરોડ રૂપિયાનો વધારો થયો છે.
રશિયા-યુક્રેનની કટોકટી અને ફેડરલ રિઝર્વ તરફથી મળેલા કઠિન સંકેતોને કારણે આ સપ્તાહે બજાર દબાણ હેઠળ હતું. જો કે બીજી તરફ રિઝર્વ બેંકના અંદાજ મુજબ પોલિસી સમીક્ષામાં સપ્તાહના અંતે બજારમાં તેજી જોવા મળી હતી. તે જ સપ્તાહ દરમિયાન, HDFC બેંક અને HDFC મર્જરના સમાચાર સાથે સેન્ટિમેન્ટ્સ વધુ સારા બન્યા. જેના કારણે સપ્તાહના અંતે બજાર નફાકારક રહેવામાં સફળ રહ્યું.
આ અઠવાડિયે કેવો રહ્યો કારોબાર
આ પણ વાંચો : PM Narendra Modi ની આ યોજનાએ રેકોર્ડબ્રેક 34.42 કરોડથી વધુ લાભાર્થીઓને 18.60 લાખ કરોડ રૂપિયાની લોન આપી
