Stock Market : મજબૂત ગ્લોબલ સંકેતના પગલે શેરબજાર તેજી સાથે ખુલ્યું , SENSEX અને NIFTY માં 0.3%નો વધારો
આજે સેન્સેક્સ(Sensex) 100 પોઇન્ટની મજબૂતી સાથે 52651 પર ખુલ્યો છે તો બીજી તરફ નિફ્ટી(Nifty)એ 28 પોઇન્ટના વધારા સાથે કારોબાર શરૂ કર્યો છે.
ગ્લોબલ માર્કેટ(Global Market)ના મજબૂત સંકેતોની અસર વચ્ચે ભારતીય શેરબજા(Stock Market)માં આજે જોરદાર શરૂઆત થઇ છે. આજે સેન્સેક્સ(Sensex) 100 પોઇન્ટની મજબૂતી સાથે 52651 પર ખુલ્યો છે તો બીજી તરફ નિફ્ટી(Nifty)એ 28 પોઇન્ટના વધારા સાથે કારોબાર શરૂ કર્યો છે. અમેરિકાના સ્ટોક માર્કેટના મહત્વના સ્ટોક ઇન્ડેક્સ મંગળવારે રેકોર્ડ સ્તરે બંધ થયા છે તો એશિયન બજારોમાં પણ મજબૂત શરૂઆત થઈ હતી જેણે ભારતીય બજારોને પણ સારી અસર કરી હતી.
ભારતીય શેર બજારમાં સારી ખરીદી થઈ રહી છે. નિફ્ટીના મિડ કેપ ઇન્ડેક્સમાં પ્રારંભિક 0.25% ની મજબૂતાઈ દેખાઈ છે. નિફ્ટીના સ્મોલ કેપ ઇન્ડેક્સમાં અડધા ટકાનો ઉછાળો જોવા મળ્યો હતો. સેક્ટર ઈન્ડેક્સમાં નિફ્ટી મેટલ, નિફ્ટી ઓટો અને આઇટીમાં મજબૂત દર્શાવી રહ્યા છે.
આ અગાઉ છેલ્લા સ્તરમાં મંગળવારે સતત બીજા દિવસે શેરબજાર(STOCK MARKET) લાલ નિશાન નીચે બંધ થયું છે. આજે સવારે શેરબજારની ફ્લેટ શરૂઆત થઈ હતી. આજના સત્રના અંતે નિફ્ટી(NIFTY) 15750 ની નીચે બંધ થયો છે અને સેન્સેક્સ(SENSEX)એ 52549 પર કારોબાર પૂર્ણ કર્યો છે. દિવસના ઊપરી સ્તરોથી સેન્સેક્સે 185 અંકો સુધીના ગોથા લગાવ્યા છે જ્યારે નિફ્ટીએ 66 અંકો સુધી ગગડ્યો છે.
સેન્સેક્સ અને નિફ્ટી આજે વધારાની સાથે ખુલ્યા છે. શરૂઆતી કારોબારમાં સેન્સેક્સ 52,764.28 સુધી ઉછળ્યો છે જ્યારે નિફ્ટીએ 15,812.55 સુધી ઉપલું સ્તર નોંધાવ્યું છે. સેન્સેક્સ અને નિફ્ટીમાં 0.3 ટકા સુધી મજબૂતી જોવા મળી હતી.
સ્મૉલકેપ અને મિડકેપ શેરોમાં ખરીદારીનું વલણ જોવામાં આવી રહ્યુ છે. બીએસઈના મિડકેપ ઈન્ડેક્સ મજબૂતીનીમાં દેખાઈ રહ્યો છે જ્યારે બીએસઈના સ્મૉલકેપ ઈન્ડેક્સમાં વધારા સાથે કારોબાર થઈ રહ્યો છે. બેન્ક નિફ્ટી તેજી સાથે કારોબાર કરી રહ્યો છે.
NSE પર ઉપલબ્ધ પ્રોવિઝનલ ડેટા મુજબ 29 જૂનના રોજ વિદેશી સંસ્થાકીય રોકાણકારો (FII) એ 116 કરોડ રૂપિયાના અને સ્થાનિક સંસ્થાકીય રોકાણકારો (DII) એ રૂ 1,810 કરોડના શેરની ખરીદી કરી હતી.
અમેરિકાના બજારોમાં સારી સ્થિતિ દેખાઈ હતી. ડાઉ જોન્સ 0.03% , નાસ્ડેક 0.19% અને એસ એન્ડ પી 500 ઇન્ડેક્સ 0.03% વધ્યો ચેહ. યુરોપિયન બજારોમાં પણ તેજી જોવા મળી હતી. એશિયાઈ બજાર વધારાની સાથે કારોબાર કરી રહ્યા છે. SGX NIFTY 41 અંક ઉપર દેખાઈ રહ્યુ છે. નિક્કેઈ 0.01 ટકાનો મામૂલી વધારાની સાથે 28,815.10 ની આસપાસ છે અને શંઘાઈ કમ્પોઝિટમાં 0.22 અંકનો વધારો જોવા મળી રહ્યો છે.
Latest News Updates
