Opening Bell : સેન્સેક્સ-નિફ્ટીનું કામકાજ તેજીથી શરૂ, આ શેરોના આધારે રોકાણકારોની સંપત્તિમાં કરોડોનો વધારો
Opening Bell : BSE સેન્સેક્સ 218 પોઈન્ટના વધારા સાથે 74,466 પોઈન્ટના લેવલે ખુલ્યો છે, જ્યારે નેશનલ સ્ટોક એક્સચેન્જનો નિફ્ટી 64 પોઈન્ટના વધારા સાથે 22,578 પોઈન્ટના લેવલે ખુલ્યો છે.
Stock Market Opening Bell : અઠવાડિયાના પ્રથમ ટ્રેડિંગ દિવસે શેરબજારની કામગીરી પોઝિટિવ નોંધ પર શરૂ થઈ છે. BSE સેન્સેક્સ 218 પોઈન્ટના વધારા સાથે 74466 પોઈન્ટના સ્તરે ખુલ્યો છે, જ્યારે નેશનલ સ્ટોક એક્સચેન્જનો નિફ્ટી 64 પોઈન્ટના વધારા સાથે 22578 પોઈન્ટના લેવલ પર ખુલ્યો છે.
શેરબજારની શરૂઆતના કલાકોમાં નિફ્ટી મિડકેપ 100, બીએસઈ સ્મોલ કેપ, નિફ્ટી આઈટી, નિફ્ટી બેન્ક, નિફ્ટી ઓટો, નિફ્ટી ફાર્મા, નિફ્ટી એફએમસીજી અને નિફ્ટી ફાઈનાન્સિયલ સર્વિસ ઈન્ડેક્સમાં વધારો નોંધાઈ રહ્યો છે.
ટોપ લુઝર્સમાં છે આટલી કંપનીઓના શેર
Top Gainers Today : શેરબજારના ટોપ ગેનર્સની વાત કરીએ તો આ યાદીમાં કોટક બેંક, એસબીઆઈ લાઈફ, એચડીએફસી બેંક અને બજાજ ફિનસર્વના શેરનો સમાવેશ થાય છે, જ્યારે ટોપ લુઝર્સની યાદીમાં ભારતી એરટેલ, એપોલો હોસ્પિટલ, આઈસીઆઈસીઆઈ બેંક, ડીવીઝ લેબ, આઈશર મોટર્સ, અદાણીનો સમાવેશ થાય છે.
શેરબજારના રોકાણકારોને મલ્ટિબેગર રિટર્ન આપતી કંપનીઓ વિશે વાત કરીએ તો, હિન્દુસ્તાન ઝિંક, એક્સિસ બેન્ક, એશિયન પેઇન્ટ્સ, ટાટા કન્ઝ્યુમર, ઇન્ફોસિસ લિમિટેડ, કોટક મહિન્દ્રા બેન્ક, એનટીપીસી લિમિટેડ, ટાટા કન્સલ્ટન્સી સર્વિસિસ, ઓએનજીસી અને એચસીએલ ટેકના શેરમાં વધારો થયો હતો. વિપ્રો લિમિટેડ નબળાઈ પર ટ્રેડ થઈ રહ્યો છે.
ગૌતમ અદાણી ગ્રુપ સ્ટોક્સ : શેરબજારમાં આવેલી તેજી વચ્ચે ગૌતમ અદાણી ગ્રૂપની 9 લિસ્ટેડ કંપનીઓના શેરમાં ઉછાળો જોવા મળ્યો હતો, જ્યારે અદાણી પોર્ટ્સના શેર શરૂઆતમાં થોડી નબળાઈ સાથે ટ્રેડ થઈ રહ્યા હતા.
પ્રી-ઓપન માર્કેટની સ્થિતિ
સોમવારે શેરબજારમાં ટ્રેડિંગ પોઝિટિવ નોંધ પર શરૂ થવાની ધારણા હતી. પ્રી-ઓપન માર્કેટમાં BSE સેન્સેક્સ 346 પોઈન્ટના વધારા સાથે 74594 પોઈન્ટના સ્તરે કામ કરી રહ્યો હતો. જ્યારે નિફ્ટી 68 પોઈન્ટના વધારા સાથે 22581 પોઈન્ટના સ્તરે કામ કરી રહ્યો હતો. ગિફ્ટ નિફ્ટી તરફથી એવા સંકેતો મળ્યા હતા કે શેરબજારની કામગીરી પોઝિટિવ નોંધ પર શરૂ થઈ શકે છે.
એશિયન બજારોમાં તેજીની અસર
સોમવારે શરૂઆતી કારોબારમાં એશિયન શેરબજારોમાં મજબૂતી જોવા મળી રહી છે. શુક્રવારે ભારતીય શેરબજારો સતત ત્રીજા સપ્તાહમાં સાપ્તાહિક ઉછાળા સાથે બંધ થયા હતા. ગયા અઠવાડિયે ભારતીય રિઝર્વ બેંકે તેની નાણાકીય નીતિ સમીક્ષામાં દરોમાં કોઈ ફેરફાર કર્યો ન હતો. શેરબજારના નિષ્ણાતોનું કહેવું છે કે હવે કંપનીઓના ચોથા ક્વાર્ટરના પરિણામોની અસર બજાર પર જોવા મળી શકે છે.
