તમારૂ બેંક એકાઉન્ટ SBIમાં હોય તો તમે 30 નવેમ્બર બાદ આ સેવાનો ઉપયોગ નહીં કરી શકો
સ્ટેટ બેંક ઓફ ઈન્ડિયાએ જાહેરાત કરી છે કે, તેમના ખાતેદાર આગામી 30 નવેમ્બર સુધી જ રૂપિયા મોકલવા માટે એક સિસ્ટમનો ઉપયોગ કરી શકશે. 30 નવેમ્બર બાદ એ સિસ્ટમથી રૂપિયા કોઈને મોકલી નહીં શકાય.
SBI એ જાહેરાત કરી છે કે 30 નવેમ્બર, 2025 પછી mCASH સુવિધા બંધ કરવામાં આવશે. આ ફેરફાર બાદ, ગ્રાહકો લાભાર્થી ઉમેર્યા વિના mCASH લિંક દ્વારા પૈસા મોકલી શકશે નહીં કે પૈસાનો દાવો કરી શકશે નહીં. બેંકે વપરાશકર્તાઓને UPI, IMPS, NEFT અને RTGS જેવા અન્ય ડિજિટલ વિકલ્પો અપનાવવાની સલાહ આપી છે.
SBI mCASH: SBIના ટુંકા નામે ઓળખાતી દેશની સૌથી મોટી જાહેર ક્ષેત્રની બેંક એટલે, સ્ટેટ બેંક ઓફ ઈન્ડિયા. SBI એ તેના ખાતા ધારકો માટે એક મોટો ફેરફાર કરી રહી છે. સ્ટેટ બેંક ઓફ ઈન્ડિયાએ જાહેરાત કરી છે કે તે આગામી 30 નવેમ્બર બાદથી mCASH સુવિધા બંધ કરી રહી છે. આ સુવિધા હવે 30 નવેમ્બર, 2025 પછી OnlineSBI અને YONO Lite પર ઉપલબ્ધ રહેશે નહીં. આનો અર્થ એ છે થયો કે SBIના ખાતા ધારકો, લાભાર્થી ઉમેર્યા વિના mCASH લિંક દ્વારા રૂપિયા મોકલી શકશે નહીં કે રૂપિયા મેળવવાનો દાવો કરી શકશે નહીં. SBI એ તેના બધા ખાતા ધારકોને અન્ય ડિજિટલ ચુકવણી વિકલ્પોનો ઉપયોગ કરવાની સલાહ આપી છે.
SBI એ mCASH સુવિધા કેમ બંધ કરી?
SBI એ જણાવ્યું હતું છે કે, mCASH સુવિધા બંધ કરવા પાછળનું કારણ એ છે કે હવે વધુ સારા, ઝડપી અને વધુ સુરક્ષિત ડિજિટલ ચુકવણી વિકલ્પો ઉપલબ્ધ છે. બેંકે જણાવ્યું હતું કે, ખાતેદારો અને બેંકના ગ્રાહકો UPI, IMPS, NEFT અને RTGS જેવા વિકલ્પોનો સરળતાથી ઉપયોગ કરી શકે છે. આ પદ્ધતિઓ રૂપિયાની લેડવ દેવડ માટે વધુ સુરક્ષિત અને ઝડપી મનાય છે.
mCASH સુવિધા શું હતી અને તે કેવી રીતે કાર્ય કરતી હતી?
mCASH એક એવી સુવિધા હતી, જે ગ્રાહકોને લાભાર્થી ઉમેર્યા વિના મોબાઇલ નંબર અથવા ઇમેઇલ ID નો ઉપયોગ કરીને રૂપિયા મોકલવાની મંજૂરી આપતી હતી. રૂપિયા પ્રાપ્તકર્તા SMS અથવા ઇમેઇલ દ્વારા પ્રાપ્ત લિંક અને 8-અંકના પાસકોડનો ઉપયોગ કરીને તેમના બેંક ખાતામાં રૂપિયાનો દાવો કરી શકતા હતા. mCASH સુવિધાનો ઉપયોગ, SBI સિવાયની કોઈપણ બેંકના ગ્રાહકો કરી શકતા હતા.
ગ્રાહકોએ mCASH નો ઉપયોગ કેવી રીતે કર્યો ?
mCASH નો ઉપયોગ કરવા માટે, ગ્રાહકોએ SBI mCASH એપ ડાઉનલોડ કરવી પડતી હતી. ત્યારબાદ તેઓએ MPIN સેટ કરીને લોગ ઇન કરવું પડતું હતું. લિંક અને પાસકોડનો ઉપયોગ પછી તેમના બેંક ખાતામાં પૈસાનો દાવો કરવા અને ટ્રાન્સફર કરવા માટે થતો હતો. એકવાર ખાતાની વિગતો સાચવવામાં આવી જાય, પછી વધુ વ્યવહારો સરળ બની જતા હતા.
mCASH બંધ થયા પછી ગ્રાહકોએ શું કરવું ?
SBI એ તેના ખાતેદારો અને ગ્રાહકોને અન્ય ડિજિટલ ચુકવણી વિકલ્પોનો ઉપયોગ કરવાની સલાહ આપી છે. જેવી કે UPI, BHIM, SBI Pay, IMPS, NEFT અને RTGS જેવી પદ્ધતિઓ દરેક જગ્યાએ ઉપલબ્ધ છે અને તેને સુરક્ષિત અને ઝડપી માનવામાં આવે છે. આનાથી ગ્રાહકોને અલગ એપ ડાઉનલોડ કરવાની કે પાસકોડનો દાવો કરવાની જરૂરિયાત દૂર કરીને પણ ફાયદો થશે.
આ નિર્ણયથી કોને અસર થશે?
mCASHનો ઉપયોગ કરતા SBIના ખાતેદારો અને ગ્રાહકો હવે આ સુવિધાનો ઉપયોગ કરી શકશે નહીં. જોકે, બેંક માને છે કે, આજે મોટાભાગના લોકો UPI અથવા IMPS જેવા વિકલ્પોનો ઉપયોગ કરે છે, તેથી તેમને કોઈ સમસ્યાનો સામનો કરવો પડશે નહીં. નવી સિસ્ટમ ડિજિટલ ચુકવણીઓને વધુ સારી અને વધુ સુરક્ષિત બનાવશે.
આ પણ વાંચોઃ SBI માંથી રૂપિયા 60 લાખની Home Loan લેવા તમારો પગાર કેટલો હોવો જોઈએ અને EMI કેટલી આવશે?
