RBIની અત્યાર સુધીની સૌથી મોટી કાર્યવાહી : મુથૂટ ફાઇનાન્સ સહિત 6 મોટી કંપનીઓને ફટકાર્યો ભારે દંડ, નોટિફિકેશન જાહેર

કેન્દ્રીય બેંકના નિયમોનું પાલન કરવું દરેક નાણાકીય સંસ્થા માટે ફરજિયાત છે. જો નિયમોનું ઉલ્લંઘન કરવામાં આવે તો આરબીઆઈ દંડ લગાવી શકે છે, અને જરૂર પડ્યે લાયસન્સ પણ કેન્સલ કરી શકે છે. હવે આરબીઆઈએ નિયમોની અવગણના કરનારી 6 મોટી કંપનીઓ પર કડક કાર્યવાહી કરી છે.

છ કંપનીઓ પર ફટકારાયો દંડ

આરબીઆઈએ અલગ-અલગ રેગ્યુલેટરી નિયમોનું પાલન ન કરવા બદલ છ કંપનીઓ પર પેનલ્ટી (RBI Penalty) લગાવી છે. આ કંપનીઓમાં જાણીતી નોન-બેંક લેન્ડર મુથૂટ ફાઇનાન્સ પણ સામેલ છે.

• કઈ કંપની પર કેટલો દંડ લાગ્યો?

જાહેર કરાયેલા નોટિફિકેશન અનુસાર:

• અવેલ ફાઇનાન્સિયલ સર્વિસીસ (Avail Financial Services): ₹6.20 લાખનો દંડ
• Commercial / નોન-બેંક લેન્ડર મુથૂટ ફાઇનાન્સ (Muthoot Finance): ₹5.80 લાખનો દંડ
• સત્ય માઇક્રોકેપિટલ(Satya MicroCapital): ₹3.10 લાખનો દંડ
• પૅન એમામી કોસ્મેડ (PAN Emami Cosmed): ₹3.10 લાખનો દંડ
• ધની લોન્સ એન્ડ સર્વિસીસ (Dhani Loans and Services): ₹2.70 લાખનો દંડ
• મુથૂટ વ્હીકલ એન્ડ એસેટ ફાઇનાન્સ (Muthoot Vehicle and Asset Finance): ₹2.70 લાખનો દંડ

દંડ લગાવવાનું મુખ્ય કારણ શું છે?

• મુથૂટ ફાઇનાન્સ: આરબીઆઈએ જણાવ્યું કે આ કંપની ખાતાઓના જોખમ વર્ગીકરણ (Risk Categorization) ની સમયાંતરે સમીક્ષા કરવાની વ્યવસ્થા લાગુ કરવામાં નિષ્ફળ રહી હતી. આ ઉપરાંત, શંકાસ્પદ વ્યવહારોની અસરકારક ઓળખ અને રિપોર્ટિંગ માટે મજબૂત સોફ્ટવેરનો ઉપયોગ કરવામાં આવ્યો ન હતો.
• અવેલ ફાઇનાન્સિયલ સર્વિસીસ: આ કંપનીના મેનેજિંગ ડિરેક્ટર અન્ય બે NBFC ના મિડલ લેયરમાં ડિરેક્ટર તરીકે કાર્યરત હતા અને કંપનીએ રેગ્યુલેટરી સિંગલ પાર્ટી એક્સપોઝર લિમિટનું ઉલ્લંઘન કર્યું હતું.
• પૅન એમામી કોસ્મેડ: આ કંપનીએ પક્ષકારોના એક જ જૂથને ક્રેડિટ એક્સપોઝર આપવા માટે નક્કી કરાયેલી રેગ્યુલેટરી મર્યાદાનો ભંગ કર્યો હતો.
• સત્ય માઇક્રોકેપિટલ: આ કંપની લોન રિસ્ટ્રક્ચરિંગ (પુનર્ગઠન) પછી કેટલાક ખાતાઓને નિયમ મુજબ ‘નોન-પર્ફોર્મિંગ એસેટ્સ’ (NPA) તરીકે વર્ગીકૃત કરવામાં નિષ્ફળ રહી હતી.

SIP Myths: 2,000ની SIP થી કરોડપતિ બનવાની ફોર્મ્યુલા કેટલી સાચી? પહેલા જાણી લો તેની પાછળની અસલી રમત, નહિતર પસ્તાવો થશે