AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

વિદેશમાં રહીને પણ સંસ્કાર ન ભૂલ્યા, દેશી ગર્લ પ્રિયંકા ચોપરાની દીકરી માલતીના મુખે ગુંજ્યો ગાયત્રી મંત્ર, તમે જોયો આ વીડિયો?

પ્રિયંકા ચોપરાની દીકરી માલતી મેરી ગાયત્રી મંત્રનો જાપ કરતી વીડિયોમાં જોવા મળી. પ્રિયંકાએ ખુશીથી દીકરીના વખાણ કર્યા. તે માલતીને ભારતીય અને પશ્ચિમી સંસ્કારો સાથે ઉછેરી રહી છે.

વિદેશમાં રહીને પણ સંસ્કાર ન ભૂલ્યા, દેશી ગર્લ પ્રિયંકા ચોપરાની દીકરી માલતીના મુખે ગુંજ્યો ગાયત્રી મંત્ર, તમે જોયો આ વીડિયો?
| Updated on: Nov 20, 2026 | 6:21 PM
Share

બોલિવૂડથી લઈને હોલિવૂડ સુધી પોતાની આગવી ઓળખ બનાવનાર અભિનેત્રી પ્રિયંકા ચોપરા અવારનવાર પોતાની પ્રોફેશનલ લાઇફની સાથે પર્સનલ લાઇફને લઈને પણ ચર્ચામાં રહે છે. હાલમાં જ પ્રિયંકાએ સોશિયલ મીડિયા પર એક એવો વીડિયો શેર કર્યો છે, જેણે લોકોનું ધ્યાન ખેંચ્યું છે. આ વીડિયોમાં તેની નાનકડી દીકરી માલતી મેરી ચોપરા જોનસ ગાયત્રી મંત્રનો જાપ કરતી જોવા મળે છે. દીકરીના મુખે ગાયત્રી મંત્ર સાંભળીને પ્રિયંકા પણ ખુશ થઈ ગઈ હતી અને તેણે પ્રેમથી ‘So Beautiful’ કહીને માલતીના વખાણ કર્યા હતા.

દીકરી માલતીના મુખે ગુંજ્યો ગાયત્રી મંત્ર

પ્રિયંકા ચોપરાએ તાજેતરમાં પોતાના ઇન્સ્ટાગ્રામ એકાઉન્ટ પર કેટલીક તસવીરો અને વીડિયોનો એક ખાસ સંગ્રહ શેર કર્યો હતો. આ પોસ્ટમાં તે પોતાની આગામી ફિલ્મ ‘Bluefly’ના શૂટિંગ દરમિયાન વિતાવેલી યાદગાર પળો શેર કરતી જોવા મળી હતી. આ તસવીરો અને વીડિયોમાં સૌથી વધુ ધ્યાન ખેંચ્યું માલતીના ગાયત્રી મંત્રના જાપે. વીડિયોમાં પ્રિયંકા પોતાની દીકરી માલતીને ખોળામાં લઈને બેઠી છે. બંને પ્રાર્થના કરી રહ્યાં હોય તેવું જોવા મળે છે. આ દરમિયાન માલતી બારીની બહાર જોતાં જોતાં ગાયત્રી મંત્રનો જાપ કરતી સંભળાય છે. માલતીએ મંત્રની છેલ્લી પંક્તિ પૂર્ણ કરી ત્યારે પ્રિયંકાએ તેને ‘So Beautiful’ કહીને બિરદાવી હતી.

ભારતીય સંસ્કૃતિ સાથે દીકરીનો ઉછેર કરી રહી છે પ્રિયંકા

પ્રિયંકા ચોપરા અને નિક જોનસ પોતાની દીકરી માલતીનો ઉછેર ભારતીય અને પશ્ચિમી બંને સંસ્કૃતિના સંસ્કારો સાથે કરી રહ્યાં છે. પ્રિયંકા અનેક પ્રસંગોએ દીકરી સાથે પૂજા-પાઠ કરતી જોવા મળી છે. તેણે માલતીને અયોધ્યાના રામ મંદિરમાં અને મુંબઈના સિદ્ધિવિનાયક મંદિરમાં પણ દર્શન કરાવ્યાં છે. બીજી તરફ, પરિવાર સાથે ક્રિસમસ, હેલોવીન, ઇસ્ટર અને થેંક્સગિવિંગ જેવા તહેવારોની ઉજવણી પણ કરે છે. આ રીતે માલતીને નાનપણથી જ વિવિધ સંસ્કૃતિઓ અને પરંપરાઓથી પરિચિત કરાવવામાં આવી રહી છે.

ફિલ્મના શૂટિંગ વચ્ચે પરિવાર સાથે સમય વિતાવી રહી છે પ્રિયંકા

પ્રિયંકા હાલમાં દિગ્દર્શક નિમરોડ એન્ટાલની ફિલ્મ ‘Bluefly’ના શૂટિંગમાં વ્યસ્ત છે. આ ફિલ્મમાં તેની સાથે માઇકલ ચિકલિસ, રસેલ ક્રો અને ડેનિયલ મેકફર્સન જેવા કલાકારો પણ જોવા મળશે. શૂટિંગની વ્યસ્તતા વચ્ચે પણ પ્રિયંકા પરિવાર સાથે સમય પસાર કરવાની તક છોડતી નથી. તેણે શેર કરેલી તસવીરોમાં બીચ પર લાંબી વોક કરતી, રેતીમાં રમતી માલતી, પોતાની માતા ડૉ. મધુ અખૌરી ચોપરા સાથે સમય વિતાવતી અને ફિલ્મના સેટ પર મસ્તી કરતી પળો જોવા મળે છે. એક તસવીરમાં માલતી પોતાની માતાની ફિલ્મની સ્ક્રિપ્ટ વાંચતી પણ જોવા મળે છે.

દીકરીના ઉછેર અંગે પ્રિયંકાએ આપી હતી ખાસ સલાહ

અગાઉ ફિલ્મ ‘The Bluff’ના પ્રમોશન દરમિયાન પ્રિયંકા ચોપરાએ યુવાઆ સાથેની વાતચીતમાં દીકરીના ઉછેર અંગે પોતાના વિચારો વ્યક્ત કર્યા હતા. તેણે જણાવ્યું હતું કે તેના પિતા તેને નાનપણથી જ પોતાની વાત રજૂ કરવાની પૂરતી સ્વતંત્રતા આપતા હતા. પિતા જ્યારે મિત્રો સાથે બેઠા હોય ત્યારે પણ જો પ્રિયંકાનો કોઈ અભિપ્રાય હોય તો તેઓ તેને પોતાની વાત કહેવાની તક આપતા હતા. પ્રિયંકાના જણાવ્યા અનુસાર, તેના પિતાએ તેને નાની ઉંમરથી જ પોતાની ઓળખ બનાવવાની અને નિર્ણય લેવાની સ્વતંત્રતા આપી હતી. હવે તે અને નિક જોનસ પણ માલતીના ઉછેરમાં આ જ અભિગમ અપનાવી રહ્યાં છે. પ્રિયંકાનું માનવું છે કે બાળક નાનું હોય ત્યારે પણ તેની વાત ધ્યાનથી સાંભળવી ખૂબ જરૂરી છે. જ્યારે બાળકને એવું લાગે કે તેની વાત સાંભળવામાં આવે છે અને તેને મહત્વ આપવામાં આવે છે, ત્યારે તેનો આત્મવિશ્વાસ વધે છે.

39 વર્ષની ઉંમરે માતા બની સામંથા રૂથ પ્રભુ, પતિ રાજ નિદિમોરુ સાથે પુત્રનું કર્યું સ્વાગત 

Follow Us
g clip-path="url(#clip0_868_265)">