RBI MPC JUNE 2024 : રિઝર્વ બેંક ઓફ ઈન્ડિયાના ગવર્નર શક્તિકાંત દાસ આજે સવારે 10 વાગે દ્વિમાસિક નાણાકીય નીતિની જાહેરાત કરશે. ફુગાવા અંગેની ચિંતા વચ્ચે પોલિસી રેટ યથાવત રાખવાની શક્યતા છે. રિઝર્વ બેંક ઓફ ઈન્ડિયા (RBI) એ ફેબ્રુઆરી 2023 થી પોલિસી રેપો રેટને 6.5 ટકા પર યથાવત રાખ્યો છે.
નિષ્ણાતો માને છે કે ફુગાવાની ચિંતા વચ્ચે આરબીઆઈ પોલિસી રેટ પર યથાવત્ જાળવી રાખશે. જો કે, યુરોપિયન સેન્ટ્રલ બેંક અને બેંક ઓફ કેનેડાએ પોતપોતાના ચાવીરૂપ નીતિ દરોમાં ઘટાડો કરવાનું શરૂ કર્યું છે. RBIની મોનેટરી પોલિસી કમિટીની ચર્ચા બાદ સવારે 10 વાગ્યે દાસ નિર્ણયની જાણ કરશે.
Coming up:
Monetary Policy statement by #RBI Governor @DasShaktikanta
on June 07, 2024, at 10:00 am.
Watch live at: https://t.co/0yUZakOEyM
Post policy press conference telecast at 12:00 pm on the same day at https://t.co/NzKpjpoOGG#rbipolicy #rbigovernor #rbitoday… pic.twitter.com/GhV1FWI0Kg— ReserveBankOfIndia (@RBI) June 6, 2024
MPCની ત્રણ દિવસીય બેઠક બુધવારે શરૂ થઈ હતી. નિષ્ણાતોએ જણાવ્યું હતું કે આર્થિક વૃદ્ધિ ઝડપી થઈ રહી હોવાથી MPC પોલિસી રેટમાં ઘટાડો ટાળી શકે છે. SBI રિસર્ચના રિપોર્ટ અનુસાર, કન્ઝ્યુમર પ્રાઇસ ઇન્ડેક્સ પર આધારિત ફુગાવો મે મહિનામાં પાંચ ટકા રહેવાનો અંદાજ છે. એપ્રિલમાં છૂટક ફુગાવો 4.83 ટકા હતો.
RBIના MPCમાં છ સભ્યો છે. તેમાં બાહ્ય અને આરબીઆઈ બંને અધિકારીઓ છે. ગવર્નર દાસની સાથે RBI અધિકારી રાજીવ રંજન એક્ઝિક્યુટિવ ડિરેક્ટર તરીકે અને માઈકલ દેબબ્રત પાત્રા ડેપ્યુટી ગવર્નર છે. શશાંક ભીડે, આશિમા ગોયલ અને જયંત આર વર્મા બાહ્ય સભ્યો છે. તમને જણાવી દઈએ કે RBIની મોનેટરી પોલિસી કમિટીની બેઠક દર બે મહિને થાય છે.
રેપો રેટ હાલમાં 6.5 ટકા પર યથાવત છે. રિઝર્વ બેંકે છેલ્લા 7 વખત રેપો રેટમાં કોઈ ફેરફાર કર્યો નથી. એવું માનવામાં આવે છે કે આજે આઠમી વખત પણ રેપો રેટમાં કોઈ ફેરફાર થશે નહીં. રિઝર્વ બેંકે છેલ્લે ફેબ્રુઆરી 2023માં રેપો રેટ વધારીને 6.5 ટકા કર્યો હતો. પરંતુ ત્યાર બાદ હજુ સુધી કોઈ ઘટાડો થયો નથી.
રિઝર્વ બેંકની મોનેટરી પોલિસી કમિટીની બેઠક 5 જૂને શરૂ થઈ હતી અને ત્રણ દિવસ સુધી ચાલી હતી. આજે 7 જૂને રિઝર્વ બેંક જણાવશે કે પોલિસી રેટ સમાન સ્તરે રહેશે કે તેમાં ફેરફાર થશે. રિઝર્વ બેંકની પોલિસી બેઠક દર બે મહિનામાં એકવાર થાય છે.
Published On - 7:25 am, Fri, 7 June 24