મોદી રાજમાં દેશની તિજોરી છલકાઈ, 10 વર્ષમાં ટેક્સ કલેક્શનમાં 173%નો વધારો
PM Narendra Modi ના શાશનમાં નાણાકીય વર્ષ 2022-23માં સરકારના ડાયરેક્ટ ટેક્સ કલેક્શનમાં 10 વર્ષ પહેલાની સરખામણીમાં 173 ટકાનો વધારો થયો છે. બીજી તરફ આવકવેરા રિફંડની રકમમાં ઘટાડો કરવામાં આવે તો સરકારનું ટેક્સ કલેક્શન 2013-14ની સરખામણીમાં 160 ટકા વધુ છે.
વડાપ્રધાન નરેન્દ્ર મોદીના કાર્યકાળ દરમિયાન ટેક્સ કલેક્શનને લઈને ઘણા સુધારા કરવામાં આવ્યા હતા અને હવે તેના ફાયદા પણ દેખાઈ રહ્યા છે. નાણાકીય વર્ષ 2022-23માં સરકારના ડાયરેક્ટ ટેક્સ કલેક્શનમાં 10 વર્ષ પહેલાની સરખામણીમાં 173 ટકાનો વધારો થયો છે. બીજી તરફ આવકવેરા રિફંડની રકમમાં ઘટાડો કરવામાં આવે તો સરકારનું ટેક્સ કલેક્શન 2013-14ની સરખામણીમાં 160 ટકા વધુ છે. નાણાકીય વર્ષ 2022-23માં સરકારનો ગ્રોસ ડાયરેક્ટ ટેક્સ જે મુખ્યત્વે આવકવેરો અને કોર્પોરેટ આવકવેરાના કલેક્શન રૂ. 19.68 લાખ કરોડ રહ્યું છે. આ 2013-14ના રૂ. 7.21 લાખ કરોડ કરતાં 173 ટકા વધુ છે. એટલું જ નહીં રિફંડની ગણતરી કર્યા પછી 2022-23માં સરકારનું નેટ ડાયરેક્ટ ટેક્સ કલેક્શન રૂ. 16.61 લાખ કરોડ થયું છે જે 10 વર્ષ પહેલાં માત્ર રૂ. 6.38 લાખ હતું. હતી. એટલે કે સરકારની ચોખ્ખી આવકમાં 160 ટકાનો વધારો થયો છે.
CBDTએ નવા આંકડા જાહેર કર્યા
ટેક્સ કલેક્શન સંબંધિત આ નવા આંકડા સેન્ટ્રલ બોર્ડ ઓફ ડાયરેક્ટ ટેક્સિસ (CBDT) દ્વારા બહાર પાડવામાં આવ્યા છે. આવકવેરા વિભાગ સંબંધિત અંતિમ નિર્ણય સીબીડીટી દ્વારા લેવામાં આવે છે. નાણાકીય વર્ષ 2022-23 માટેના આ આંકડા હજુ પણ કામચલાઉ છે, તે પછીથી વધુ સુધરશે. આ સાથે સીબીડીટીએ નાણાકીય વર્ષ 2021-22ના અપડેટેડ આંકડા પણ જાહેર કર્યા છે.
જો આપણે જીડીપીના પ્રમાણમાં ડાયરેક્ટ ટેક્સ કલેક્શન જોઈએ તો તે નાણાકીય વર્ષ 2013-14માં જીડીપીના 5.62 ટકા જેટલું હતું. જ્યારે 2021-22માં તે વધીને 5.97 ટકા થયો હતો.
મોદી સરકારના કાર્યકાળમાં ટેક્સ કલેક્શન વધારવા માટે નોટબંધી, GST, આવકવેરા રિટર્ન ભરવાની પ્રક્રિયાને સરળ બનાવવા, લોકોના ખાતામાં વહેલામાં વહેલી તકે રિફંડ મેળવવા, કાળા નાણા પર ટાસ્ક ફોર્સ બનાવવા જેવા અનેક સુધારા કરવામાં આવ્યા છે. નવી આવકવેરા સાઇટ બની છે.
GST કલેક્શનમાં પણ વધારો
થોડા દિવસો પહેલા સરકારે ગુડ્સ એન્ડ સર્વિસ ટેક્સ કલેક્શન એટલેકે જીએસટી કલેક્શનનો ડેટા પણ જાહેર કર્યો હતો. માર્ચ 2023માં તે 1.6 લાખ કરોડ રૂપિયા થઈ ગયો છે. તે જ સમયે, નાણાકીય વર્ષ 2022-23 દરમિયાન, ગ્રોસ GST કલેક્શન 22 ટકા વધીને 18.1 લાખ કરોડ રૂપિયા પર પહોંચી ગયું છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ જિલ્લાના સમાચાર વાંચવા માટે જોડાયેલા રહો…
