PM નરેન્દ્ર મોદી 14 એપ્રિલે આસામની મુલાકાત લેશે, રૂપિયા 14,300 કરોડની ભેટ આપશે

PM Modi Assam Visit: વડાપ્રધાન નરેન્દ્ર મોદી 14 એપ્રિલે આસામની મુલાકાત લેશે. અહીં તેઓ 14,300 કરોડ રૂપિયાના વિવિધ પ્રોજેક્ટનું ઉદ્ઘાટન અને શિલાન્યાસ કરશે. આ દરમિયાન પીએમ મોદી ગુવાહાટી એઈમ્સ અને અન્ય ત્રણ મેડિકલ કોલેજ રાષ્ટ્રને સમર્પિત કરશે. આ સિવાય તે અહીં ‘આપકે દ્વાર આયુષ્માન’ અભિયાનની શરૂઆત કરશે. પીએમ મોદી આસામ એડવાન્સ્ડ હેલ્થ કેર ઈનોવેશન ઈન્સ્ટિટ્યૂટનો શિલાન્યાસ કરશે.

આ સિવાય વડાપ્રધાન બ્રહ્મપુત્રા નદી પર પલાશબારી અને સુલકુચીને જોડતા પુલનો શિલાન્યાસ કરશે. આ સાથે જ વડાપ્રધાન શિવસાગર રંગ ઘરના બ્યુટીફિકેશનના કામનો શિલાન્યાસ કરશે. આ સિવાય તે મેગા બિહુ ડાન્સનો આનંદ માણશે. આ ડાન્સમાં 10 હજારથી વધુ કલાકારો ભાગ લેશે. રાષ્ટ્રીય સમાચાર અહીં વાંચો.

ગુવાહાટી એઈમ્સ રાષ્ટ્રને સમર્પિત કરશે

PM મોદી AIIMS ગુવાહાટી ખાતે રૂ. 3400 કરોડથી વધુની કિંમતની વિવિધ યોજનાઓનો શિલાન્યાસ કરશે અને રાષ્ટ્રને સમર્પિત કરશે. તેનો શિલાન્યાસ મે 2017માં કરવામાં આવ્યો હતો. ગુવાહાટી AIIMSનું નિર્માણ 1120 કરોડ રૂપિયાથી વધુના ખર્ચે થઈ રહ્યું છે. આ AIIMSમાં 750 બેડ છે, તેમાં 30 આયુષ બેડ છે. આ સાથે, દર વર્ષે 100 એમબીબીએસ વિદ્યાર્થીઓ અહીં પ્રવેશ લઈ શકશે.

Web Stories View more

IPLનો સૌથી મોંઘો કેપ્ટન, એક મેચની કમાણી 1.92 કરોડ રૂપિયા

જો નાગા સાધુ તમારા ઘરે ભિક્ષા માંગવા આવે તો શું કરવું?

ભોજપુરી એક્ટ્રેસ મોનાલિસાની આ તસવીરો જોઈને ચાહકો થયા ઘાયલ

અમદાવાદના Coldplay કોન્સર્ટની લાઇવ સ્ટ્રીમ ક્યાં જોઈ શકશો, જાણો

ભારતનું એક એવું ગામ જ્યાં જૂતા-ચપ્પલ નથી પહેરતા લોકો ! જાણો શું છે કારણ

'બિગ બોસ 18' ના વિજેતાને કેટલા પૈસા મળ્યા, જુઓ ફોટો

આ પણ વાંચો-Karnataka Assembly Election: ભાજપે કર્ણાટક માટે ચૂંટણીના મુદ્દા જાહેર કર્યા, આવતીકાલે થઈ શકે છે ઉમેદવારોની જાહેરાત

આ હોસ્પિટલ ઉત્તર પૂર્વના લોકોને વિશ્વ કક્ષાની સુવિધા પૂરી પાડશે. તે જ સમયે, વડાપ્રધાન શ્રીમંત સાંકરદેવ કલાક્ષેત્ર ખાતે ગૌહાટી હાઈકોર્ટની પ્લેટિનમ જ્યુબિલી ઉજવણી નિમિત્તે આયોજિત કાર્યક્રમમાં ભાગ લેશે. વડા પ્રધાન સરસાજાઈ સ્ટેડિયમ ખાતે રૂ. 10 હજાર 900 કરોડથી વધુના પ્રોજેક્ટનું ઉદ્ઘાટન અને શિલાન્યાસ કરશે. આ સિવાય તેઓ પાંચ રેલવે પ્રોજેક્ટ રાષ્ટ્રને સમર્પિત કરશે.

જાણો PM મોદીનું સંપૂર્ણ શિડ્યુલ

-પીએમ મોદી બપોરે 12 વાગ્યાની આસપાસ AIIMS ગુવાહાટી પહોંચશે અને તેના નવા બનેલા કેમ્પસનું નિરીક્ષણ કરશે.

-આ પછી, એક જાહેર સમારંભમાં, તેઓ AIIMS ગુવાહાટી અને અન્ય ત્રણ મેડિકલ કોલેજો રાષ્ટ્રને સમર્પિત કરશે. ત્યાં તે ‘આપકે દ્વાર આયુષ્માન’ અભિયાન શરૂ કરશે.

-આ પછી, બપોરે 2:15 વાગ્યે, વડા પ્રધાન ગુવાહાટીમાં શ્રીમંત સાંકરદેવ કલાક્ષેત્રમાં ગુવાહાટી હાઈકોર્ટની પ્લેટિનમ જ્યુબિલી ઉજવણીમાં આયોજિત કાર્યક્રમમાં ભાગ લેશે.

-તે સાંજે 5 વાગ્યે ગુવાહાટીના સરુસજાઈ સ્ટેડિયમ પહોંચશે. અહીં તેઓ એક જાહેર કાર્યક્રમની અધ્યક્ષતા કરશે. અહીં પીએમ મોદી બિહુ કાર્યક્રમનો આનંદ માણશે. આ કાર્યક્રમમાં 10000 થી વધુ કલાકારો પરફોર્મ કરશે.

-આ દરમિયાન પીએમ મોદી બ્રહ્મપુત્રા નદી પર પલાશબારી અને સુલકુચીને જોડતા પુલનો શિલાન્યાસ કરશે.

દેશ અને દુનિયાના તાજા સમાચાર ગુજરાતીમાં વાંચો tv9gujarati.com પર  

 દેશ સાથે જોડાયેલા તમામ ન્યૂઝ માટે જોડાયેલા રહો…