Petrol-Diesel Price Today : સતત ચોથા દિવસે મોંઘુ થયું તમારા વાહનનું ઇંધણ, જાણો આજે કેટલો પડશે તમારા ખિસ્સા ઉપર બોજ

Petrol-Diesel Price Today : ઓઈલ કંપનીઓએ ફરી એકવાર પેટ્રોલ અને ડીઝલના ભાવમાં વધારો કરવાની જાહેરાત કરી છે. આજે દેશની મોટી ઓઈલ માર્કેટિંગ કંપનીઓએ ફરી એકવાર પેટ્રોલ અને ડીઝલ(Petrol Diesel Price Hike)ના ભાવમાં વધારો કર્યો છે. આજે સોમવારે 28 માર્ચે દિલ્હીમાં પેટ્રોલમાં 30 પૈસા અને ડીઝલમાં 35 પૈસા પ્રતિ લિટરનો વધારો થયો છે. દિલ્હીમાં એક લિટર પેટ્રોલ માટે 99.41 રૂપિયા ચૂકવવા પડશે તો બીજી તરફ એક લીટર ડીઝલની કિંમત રૂ. 90.77 છે. જણાવી દઈએ કે છેલ્લા 7 દિવસમાં આજે તેલની કિંમતોમાં 6મી વખત વધારો કરવામાં આવ્યો છે. આ સતત બીજા સપ્તાહે પેટ્રોલ અને ડીઝલના ભાવમાં વધારો થયો છે.

પેટ્રોલ 4 રુપિયા મોંઘુ થયું

ઓઇલ કંપનીઓએ 22 માર્ચથી પેટ્રોલ અને ડીઝલના ભાવમાં વધારો કરવાનું શરૂ કર્યું હતું, આ બાદથી અત્યાર સુધીમાં 7 દિવસમાં એક લિટર પેટ્રોલના ભાવમાં રૂ. 4 પ્રતિ લિટર વધારો થયો છે. 22 માર્ચ અને 23 માર્ચે તેલની કિંમતમાં સતત બે દિવસ 80-80 પૈસાનો વધારો કરવામાં આવ્યો હતો. 24 માર્ચે કિંમતોમાં કોઈ ફેરફાર થયો ન હતો પરંતુ ત્યારથી તેલના ભાવમાં સતત વધારો થઈ રહ્યો છે. જેના કારણે દેશભરમાં તેલ મોંઘુ થઈ ગયું છે.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ રૂ. 99.41 અને ડીઝલ રૂ. 90.77 પ્રતિ લીટર
• મુંબઈમાં પેટ્રોલ રૂ. 114.19 અને ડીઝલ રૂ. 98.50 પ્રતિ લીટર
• ચેન્નાઈ પેટ્રોલ રૂ. 105.18 અને ડીઝલ રૂ. 95.33 પ્રતિ લીટર
• કોલકાતા પેટ્રોલ રૂ. 108.85 અને ડીઝલ રૂ. 93.92 પ્રતિ લીટર

ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 99.32 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 93.56 રૂપિયા પ્રતિ લીટર છે. દેશમાં સૌથી મોંઘુ ઇંધણ રાજસ્થાન શ્રીગંગાનગર માંછે જ્યાં પેટ્રોલ 116.34 રૂપિયા પ્રતિ લીટર અને ડીઝલ 100.53 રૂપિયા પ્રતિ લીટર વેચાઈ રહ્યું છે.

ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.

આ પણ વાંચો : Bank Strike : બેંક કર્મચારીઓ આજથી બે દિવસ હડતાળ ઉપર ઉતરશે, જાણો કેમ ભરાયું પગલું

આ પણ વાંચો :  FPI : આ વર્ષે FPI એ ભારતીય બજારમાંથી 1.14 લાખ કરોડ ઉપાડ્યા, સતત 6 મહિનાથી વેચાણ કરી રહ્યા છે