Pawan Hans Disinvestment : સરકારે પવન હંસના હિસ્સાના વેચાણની કાર્યવાહી પર લગાવી બ્રેક, આ કારણે લેવાયો નિર્ણય
Pawan Hans Disinvestment : હેલિકોપ્ટર સર્વિસ પ્રોવાઈડર પવન હંસના ડિસઈન્વેસ્ટમેન્ટને મોટો આંચકો લાગ્યો છે. સરકારે તેને વેચવાનો નિર્ણય પાછો ખેંચી લીધો છે. મામલો એવો છે કે પવન હંસમાં સરકારનો હિસ્સો ખરીદનાર કન્સોર્ટિયમની કંપની પર NCLT કેસ પેન્ડિંગ છે. જ્યારે સરકારને આ બાબતની જાણ થઈ ત્યારે તેણે આ નિર્ણય લેવો પડ્યો છે.
હેલિકોપ્ટર સર્વિસ પ્રોવાઈડર પવન હંસના ડિસઈન્વેસ્ટમેન્ટને મોટો આંચકો લાગ્યો છે. સરકારે તેને વેચવાનો નિર્ણય પાછો ખેંચી લીધો છે. મામલો એવો છે કે પવન હંસમાં સરકારનો હિસ્સો ખરીદનાર કન્સોર્ટિયમની કંપની પર NCLT કેસ પેન્ડિંગ છે. જ્યારે સરકારને આ બાબતની જાણ થઈ ત્યારે તેણે આ નિર્ણય લેવો પડ્યો છે. સરકાર પવન હંસને રૂપિયા 211.40 કરોડમાં વેચવાની યોજના બનાવી રહી હતી. પવન હંસમાં સરકાર 51 ટકા અને ONGC 49 ટકા હિસ્સો ધરાવે છે. સરકાર તેનો 100 ટકા હિસ્સો વેચવા જઈ રહી હતી. સરકારે અત્યાર સુધીમાં તેને વેચવાનો 4 વખત નિષ્ફળ પ્રયાસ કર્યો છે.
પ્રક્રિયા કેમ રદ કરવી પડી?
ત્રણ કંપનીઓ પવન હંસમાં સરકારનો હિસ્સો ખરીદવા માટે મોબિલિટી બિડિંગમાં સામેલ છે. આ કન્સોર્ટિયમમાં બિગ ચાર્ટર પ્રાઈવેટ લિમિટેડ, મહારાજા એવિએશન પ્રાઈવેટ લિમિટેડ અને અલ્માસ ગ્લોબલ ઓપોર્ચ્યુનિટી ફંડ એસપીસી જેવી કંપનીઓનો સમાવેશ થાય છે. અલ્માસ ગ્લોબલ ઓપોર્ચ્યુનિટીઝ ફંડ SPC કંપની વિરુદ્ધ NCLTમાં કેસ ચાલી રહ્યો છે જ્યારે આ મામલો સામે આવ્યો ત્યારે સરકારે આ પ્રક્રિયા અધવચ્ચે જ રદ્દ કરી દીધી હતી.
DIPAM નું નિવેદન
DIPAMના એક નિવેદન અનુસાર NCLT અને NCLATના આદેશોની તપાસ કર્યા પછી પવન હંસ માટે સૌથી વધુ બોલી લગાવનાર સ્ટાર 9 મોબિલિટી કન્સોર્ટિયમને ડિસઇન્વેસ્ટમેન્ટ પ્રક્રિયામાંથી ગેરલાયક ઠેરવવાનો નિર્ણય લેવામાં આવ્યો છે. DIPAM અનુસાર કન્સોર્ટિયમ ગેરલાયક ઠરે કે તરત જ ડિસઇન્વેસ્ટમેન્ટ પ્રક્રિયા રદ કરવામાં આવે છે. આ સમગ્ર મામલાની જાણ થયા બાદ સ્ટાર 9 મોબિલિટીને કારણ બતાવો નોટિસ મોકલવામાં આવી હતી. સ્ટાર 9 મોબિલિટીનો જવાબ મળ્યા પછી, આ પ્રક્રિયાને રદ કરવાનો નિર્ણય લેવામાં આવ્યો છે. નોંધપાત્ર રીતે, સરકારે 2016 થી પવન હંસને વેચવાના ચાર નિષ્ફળ પ્રયાસો કર્યા છે. સરકારે 29 એપ્રિલ, 2022 ના રોજ પવન હંસમાં તેની 100 ટકા ઇક્વિટીના વેચાણ માટે સફળ બિડર તરીકે Star9 મોબિલિટીને મંજૂરી આપી હતી.
NCLATએ પણ અરજી ફગાવી દીધી હતી
NCLTના પ્રતિકૂળ આદેશ પછી Star9 મોબિલિટીની તરફેણમાં LOI ઈશ્યુ કરવામાં આવ્યો ન હતો. કન્સોર્ટિયમના સભ્યએ NCLTના આદેશ સામે નેશનલ કંપની લો એપેલેટ ટ્રિબ્યુનલ (NCLAT), (નવી દિલ્હી ખાતેની મુખ્ય બેંચ) સમક્ષ અપીલ દાખલ કરી હતી. NCLAT એ અપીલને ફગાવી દીધી હતી અને NCLTના મૂળ આદેશને સમર્થન આપ્યું હતું અને નિર્દેશ આપ્યો હતો કે NCLTનો આદેશ કોર્પોરેટ બાબતોના મંત્રાલય દ્વારા ધ્યાનમાં લેવામાં આવે અને નાદારી નિયમનકાર IBBIને મોકલવામાં આવે.
