ITR ફાઈલ કર્યા પછી હવે રિફંડ ક્યારે આવશે? આ રીતે સ્ટેટસ ચેક કરો

ઈન્કમ ટેક્સ રિટર્ન (ITR)ફાઈલ કરવાની છેલ્લી તારીખ 31 જુલાઈ રાખવામાં આવી હતી. જેમણે ITR ફાઈલ કર્યું છે તેઓ હવે રિફંડ(Refund)ની રાહ જોઈ રહ્યા છે. તમામ કરદાતાઓના મનમાં આ વાત ચાલી રહી છે કે અમારા ખાતામાં રિફંડના રૂપમાં કેટલી રકમ આવશે. પરંતુ આ વખતે કરદાતાઓએ રિફંડ માટે વધુ રાહ જોવી પડશે નહીં.

તમારું રિફંડ 16 દિવસની અંદર આવી શકે છે. કારણ કે નાણાકીય વર્ષ 2022-23માં ટેક્સ રિફંડ માટેનો સરેરાશ સમય ઘટાડીને 16 દિવસ કરવામાં આવ્યો છે જ્યારે નાણાકીય વર્ષ 2021-22માં તે 26 દિવસનો હતો.

રિફંડ કોને મળે છે ?

જો તમે જરૂરિયાત કરતાં વધુ ટેક્સ ભર્યો છે, તો આવી સ્થિતિમાં આવકવેરા વિભાગ દ્વારા તમને આવકવેરા રિફંડ આપવામાં આવે છે. ખાસ વાત એ છે કે તમે ઈન્કમ ટેક્સ રિટર્ન ફાઈલ કરો અને ઈ-વેરિફિકેશનની પ્રક્રિયા પછી જ રિફંડની પ્રક્રિયા શરૂ થાય છે. જો સંપૂર્ણ પ્રક્રિયા કર્યા પછી, આવકવેરા વિભાગને લાગે છે કે તમારા દ્વારા કરવામાં આવેલ રિફંડનો દાવો સાચો છે, તો તમને SMS અને ઇમેઇલ દ્વારા તેની જાણ કરવામાં આવશે. તેમાં જણાવવામાં આવશે કે રિફંડ માટે તમારા ખાતામાં કેટલી રકમ મોકલવામાં આવશે. આ દરમિયાન એસએમએસ દ્વારા રિફંડ સિક્વન્સ નંબર પણ મોકલવામાં આવે છે. આ માહિતી આવકવેરા કાયદાની કલમ 143 (1) હેઠળ કરદાતાઓને મોકલવામાં આવે છે.

Web Stories View more

મહાયુતિ સરકારના ફેવરિટ છે આ સેક્ટર, આ શેર પર છે રોકાણકારોની નજર

IPL Auction ની શરૂઆતમાં જ કાવ્યા મારનને પ્રીટિ ઝિન્ટાએ આપ્યો ઝટકો ! આ ફાસ્ટ બોલર હાથમાંથી ગયો

અમદાવાદમાં હવે અંબાણીની જેમ કરી શકાશે પાણી વચ્ચે લગ્નનું આયોજન, જાણો ક્યાં

કુંડળીમાં ગ્રહોને મજબૂત કરવા લલાટ પર કરો આ તિલક

Amla with Honey : આમળા અને મધ એકસાથે ખાવાથી થાય છે ગજબના ફાયદા

આજનું રાશિફળ તારીખ : 24-11-2024

ખાસ વાત એ છે કે સ્ટેટ બેંક ઓફ ઈન્ડિયા રિફંડની પ્રક્રિયા કરે છે. રિફંડની રકમ સીધી કરદાતાઓના ખાતામાં મોકલવામાં આવે છે. નહિંતર, તે ચેક અથવા ડિમાન્ડ ડ્રાફ્ટ દ્વારા તમારા સરનામા પર પણ મોકલી શકાય છે. તેથી, ITR ફાઇલ કરતી વખતે, બેંકની વિગતો અને વર્તમાન સરનામું યોગ્ય રીતે ભરવું જોઈએ, કારણ કે રિફંડની રકમ આ ખાતામાં આવશે.

આ રીતે રિફંડની સ્થિતિ તપાસો

•  રિફંડની સ્થિતિ તપાસવા તમારે ઈ-ફાઈલિંગ પોર્ટલ www.incometaxindiaefiling.gov.in પર જવું પડશે.
•  PAN, ID, પાસવર્ડ, જન્મ તારીખ અને કેપ્ચા દાખલ કરીને લોગિન કરો.
• આ પછી માય એકાઉન્ટ વિભાગ પર ક્લિક કરો. પછી રિવ્યુ રિટર્ન/ફોર્મ પર ટેપ કરો.
•  ડ્રોપ ડાઉન મેનૂમાંથી ટેક્સ રિટર્ન અને નાણાકીય વર્ષ પસંદ કરો.
• હવે તમારા એક્નોલેજ  નંબર પર ક્લિક કરો.
• ક્લિક કરવા પર તમારા કમ્પ્યુટર સ્ક્રીન પર એક પોપ-અપ દેખાશે જે રિટર્ન ફાઇલિંગની ટાઈમલાઈન બતાવશે.
•  અહીં તમને મૂલ્યાંકન વર્ષ, સ્થિતિ, નિષ્ફળતાનું કારણ અને ચુકવણીની રીત પણ બતાવવામાં આવશે.