મુકેશ અંબાણી કરતા 9 કરોડ રૂપિયા વધુ કમાય છે તેના આ કર્મચારી, મુંબઈ ઈન્ડિયન્સ સાથે છે ખાસ સંબંધ

શું તમે જાણો છો કે રિલાયન્સ ગ્રુપમાં એક એવો કર્મચારી છે જેનો પગાર મુકેશ અંબાણીના વાર્ષિક પગાર કરતા 9 કરોડ રૂપિયા વધુ છે. હા, આ સંપૂર્ણ રીતે સાચું છે. આ કર્મચારીનો રિલાયન્સની ક્રિકેટ ફ્રેન્ચાઈઝી મુંબઈ ઈન્ડિયન્સ સાથે પણ ખાસ સંબંધ છે.તે બીજું કોઈ નહીં પણ નિખિલ મેસવાણી છે.ચાલો મુકેશ અંબાણીની IPL ક્રિકેટ ફ્રેન્ચાઈઝી મુંબઈ ઈન્ડિયન્સના રોજિંદા કામ પર નજર કરીએ. ખાસ વાત એ છે કે આ સેલેરી મુકેશ અંબાણી કરતા વધારે છે. જો કે, તેનો સંબંધ માત્ર IPL અને મુંબઈ ઈન્ડિયન્સ સાથે જ નથી.

મોટા ભાઈ હિતલ મેસવાણીનું ગૃપમાં મોટું સ્થાન છે

મેસવાણી એવા લોકોમાંથી એક છે જેમણે રિલાયન્સ ઇન્ડસ્ટ્રીઝને સફળ સાહસ બનાવવા માટે સખત મહેનત કરી છે.નિખિલ મેસવાણીના મોટા ભાઈ હિતલ મેસવાણી પણ કંપનીના એક્ઝિક્યુટિવ ડિરેક્ટર છે.નિખિલ મેસવાણીના પિતા,રસિકલાલ મેસવાણી, ધીરુભાઈ અંબાણીના પિતરાઈ ભાઈ અને રિલાયન્સ ઈન્ડસ્ટ્રીઝના સ્થાપક નિર્દેશકોમાંના એક છે. મેસવાણી પરિવાર વર્ષોથી કંપનીની વૃદ્ધિ અને સફળતાનો અભિન્ન ભાગ રહ્યો છે.

વાર્ષિક પગાર 24 કરોડ રૂપિયા છે

મેસવાણી રિલાયન્સ ઇન્ડસ્ટ્રીઝમાં ટોચના એક્ઝિક્યુટિવ છે. મેસવાણી મુકેશ અંબાણીના પિતરાઈ ભાઈ છે અને 1986 થી કંપની સાથે છે. તેણે નાણાકીય વર્ષ 2021-22માં 24 કરોડ રૂપિયાની કમાણી કરી હતી, જે મુકેશ અંબાણીની કમાણી કરતા ઘણી વધારે છે. અંબાણીએ 10 વર્ષથી વધુ સમયથી તેમનો પગાર 15 કરોડ જ રાખ્યો છે. કોવિડ-19 મહામારીની કટોકટીમાં મદદ કરવા માટે તેણે છેલ્લા બે વર્ષથી પોતાનો પગાર પણ છોડી દીધો છે.

આ પણ વાંચો : Gold Price Today : આજે અમદાવાદમાં 1 તોલા સોનાનો ભાવ 62,175 રૂપિયા,રોકાણ કરવું જોઈએ કે વેચાણ? જાણો નિષ્ણાંતોનું મંતવ્ય

આ પ્રોજેક્ટ્સમાં સફળતા પણ અપાવી

મેસવાણી રિલાયન્સ ઇન્ડસ્ટ્રીઝના એક્ઝિક્યુટિવ ડિરેક્ટર્સમાંના એક છે અને તેમણે કંપનીની સફળતામાં મુખ્ય ભૂમિકા ભજવી છે. તેમણે પ્રોજેક્ટ ઓફિસર તરીકે તેમની કારકિર્દી શરૂ કરી અને એક્ઝિક્યુટિવ ડિરેક્ટર બન્યા. મેસવાણીએ જામનગર રિફાઈનરી સહિત કંપનીના અનેક મોટા પ્રોજેક્ટ્સમાં મહત્વની ભૂમિકા ભજવી છે. ટેલિકોમ અને રિટેલ સેક્ટરમાં કંપનીના પ્રવેશમાં પણ તેમની ભૂમિકા હતી.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

બિઝનેસના તમામ સમાચાર વાંચવા માટે જોડાયેલા રહો…