LIC IPO : LIC પોલિસી ખરીદનારાઓ માટે ખુશખબર, PAN અપડેટ કરશો તો IPO માં મળશે આ વિશેષ લાભ, જાણો વિગતવાર
એલઆઈસીએ ડીમેટ ખાતા વિશે પણ વાત કરી છે. IPOમાં હિસ્સો લેતા પહેલા, ડીમેટ ખાતું હોવું અથવા ખોલવું જરૂરી છે. જો ગ્રાહક પાસે આ ખાતું નથી, તો તેણે તેને પોતાના ખર્ચે શરૂ કરાવવું જોઈએ.
ભારતીય જીવન વીમા નિગમ (LIC) તેની જાહેર ઓફર અથવા IPO લાવવાની તૈયારીમાં છે. IPO આવતા પહેલા LICએ તેના પોલિસીધારકોને એક મહત્વપૂર્ણ માહિતી આપી છે. LICએ કહ્યું છે કે તમામ પોલિસીધારકોએ તેમનો PAN તાત્કાલિક અપડેટ કરવો જોઈએ જેથી કરીને તેમને IPOમાં ભાગ લેવાની તક મળી શકે. સૂચિત યોજના અનુસાર, કુલ IPOના 10 ટકા પોલિસીધારક માટે અનામત રાખવામાં આવશે પરંતુ તેનો લાભ ત્યારે જ મળશે જ્યારે પાન કાર્ડ અપડેટ થશે.
LICએ જાહેર નોટિસમાં જણાવ્યું છે કે, IPOમાં ભાગ લેવા માટે પોલિસીધારકોએ ખાતરી કરવી પડશે કે LICના રેકોર્ડમાં તેમનો PAN અપડેટ થયેલ છે. આ ઉપરાંત, દેશમાં કોઈપણ જાહેર ઓફરમાં ભાગ લેવા માટે ગ્રાહક પાસે માન્ય ડીમેટ ખાતું હોવું જરૂરી છે. નોટિસમાં કહેવામાં આવ્યું છે કે LIC તેના ગ્રાહકોને પરમેનન્ટ એકાઉન્ટ નંબર અથવા PAN અપડેટ કરવાની સતત સલાહ આપી રહી છે કારણ કે IPOમાં ભાગ લેવા માટે તે સૌથી મહત્વપૂર્ણ KYC છે. IPO જારી કરતી વખતે ગ્રાહકોનો PAN અપડેટ કરવો સૌથી મહત્વપૂર્ણ છે કારણ કે તેના વિના IPO ખરીદી શકાતો નથી. IPOની નિયમનકારી મંજૂરી માટે PAN અપડેટ મહત્વપૂર્ણ છે.
ડીમેટ એકાઉન્ટ પણ જરૂરી છે એલઆઈસીએ ડીમેટ ખાતા વિશે પણ વાત કરી છે. IPOમાં હિસ્સો લેતા પહેલા, ડીમેટ ખાતું હોવું અથવા ખોલવું જરૂરી છે. જો ગ્રાહક પાસે આ ખાતું નથી, તો તેણે તેને પોતાના ખર્ચે શરૂ કરાવવું જોઈએ. ડીમેટ ખાતું ખોલાવવું હોય, PAN જારી કરવું હોય, ડીમેટ ખાતું જાળવવું હોય કે અન્ય સંબંધિત ખર્ચાઓ, ગ્રાહકોએ તે પોતાના ખર્ચે ચૂકવવા પડશે. LIC આવો કોઈ ખર્ચ ઉઠાવશે નહીં.
સરકારની તૈયારી યુનિયન કેબિનેટે જુલાઈ, 2021માં LICનો અમુક હિસ્સો વેચવાનીજાહેરાત કરી હતી. તે પછી LIC તેનો IPO અને શેર્સ લઈને આવશે, જેના દ્વારા લોકો તેમાં હિસ્સો લઈ શકશે. LIC દેશની સૌથી મોટી વીમા કંપની છે અને તેના કરોડો ગ્રાહકો છે. એલઆઈસીના કેટલા શેર વેચવામાં આવશે અથવા કેટલા શેર દૂર કરવામાં આવશે તે નક્કી કરવા માટે એક પેનલની રચના કરવામાં આવી છે, જેનું નેતૃત્વ કેન્દ્રીય નાણામંત્રી કરે છે. એલઆઈસીના ડિસઈન્વેસ્ટમેન્ટ માટે સરકારે પહેલાથી જ એલઆઈસી એક્ટમાં ફેરફાર કર્યા છે. આ માટે ફાયનાન્સ એક્ટ 2022 લાવવામાં આવ્યો છે.
આ પણ વાંચો : Upcoming IPO : ડિસેમ્બરમાં 10 કંપનીઓ IPO લાવશે, 10000 કરોડ એકત્ર કરવાનો લક્ષ્યાંક
આ પણ વાંચો : LPG Portability : હવે તમે પસંદગીના ડિસ્ટ્રીબ્યુટર પાસે LPG Cylinder મંગાવી શકશો , જાણો કેવી રીતે?
