ITR Filing : FORM 16 વગર પણ Income Tax Return ફાઇલ કરી શકાય છે, અનુસરો આ 5 સ્ટેપ્સ

નાણાકીય વર્ષ 2021-22 અને આકારણી વર્ષ 2022-23 માટે આવકવેરા રિટર્ન ફાઇલ કરવાની છેલ્લી તારીખ(ITR Filing Last Date) 31 જુલાઈ 2022 છે. જો તમે હજુ સુધી તમારા એમ્પ્લોયર દ્વારા તમને ઈન્કમ ટેક્સ રિટર્ન ફાઈલ કરવા માટે ફોર્મ-16 નથી આપ્યું તો ચિંતા કરવાની કોઈ જરૂર નથી. તમે ફોર્મ-16 વગર પણ આવકવેરા રિટર્ન ફાઇલ કરી શકો છો. નોકરી કરનાર દરેક કર્મચારીએ દર વર્ષે આવકવેરા રીટર્ન (ITR) ફાઇલ કરવું પડે છે. નિયત આવક હેઠળ આવતા કર્મચારીઓએ ITR ફાઇલ કરવા માટે ફોર્મ 16 (From 16 )સબમિટ કરવું ખૂબ જ મહત્વપૂર્ણ છે. આ ફોર્મ તેઓ કંપની પાસેથી મેળવે છે. પરંતુ જો કોઈક સંજોગોમાં તમારી પાસે ફોર્મ 16 ન હોય તો તમારે ચિંતા કરવાની જરૂર નથી. તમે તેના વગર અન્ય રીતે રિટર્ન ફાઇલ કરી શકો છો.

1. ફોર્મ 16 કંપની દ્વારાતમારા પગારમાંથી કાપવામાં આવેલા ટેક્સની વિગતો જણાવે છે. તેથી રિટર્ન ફાઇલ કરતી વખતે આ માહિતી આપવી મહત્વપૂર્ણ રહે છે. પરંતુ જો આ ફોર્મ ઉપલબ્ધ ન હોય તો તમે ફોર્મ 26AS અથવા ટેક્સ ક્રેડિટ સ્ટેટમેન્ટ, ભાડા કરાર અને પગારની સ્લીપથી કામ ચાવી શકો છે.
2. ફોર્મ 26AS પણ ઉપયોગી થશે જો તમારી પાસે ફોર્મ 16 નથી તો તમે ફોર્મ 26AS ની મદદ લઈ શકો છો. અહીં તમને કર કપાતથી સંબંધિત માહિતી મળશે. તમને આ કંપનીમાંથી પણ મળશે. તમે તેમાંની માહિતીને તમારી સેલરી સ્લિપ સાથે મેચ કરીને ચકાસી પણ શકો છો.
3. અન્ય આવકની માહિતી આપો ITR ફાઇલ કરતી વખતે તમારા અન્ય સોર્સમાંથી થતી આવક વિશે પણ માહિતી આપો. આમાં મકાન ભાડાથી લઈને મ્યુચ્યુઅલ ફંડ્સ અથવા અન્ય વ્યવસાયો સુધીની દરેક બાબતો શામેલ છે.
4. વિગતો ભરવા માટે તમારા કુલ ટેક્સની ગણતરી કરો અને પછી ફોર્મ 26AS સાથે મેચ કરો. એકવાર માહિતી ખરાઈ થઈ જાય પછી તેને ITRમાં ફાઇલ કરો.
5. સેલરી સ્લીપ સમસ્યા હલ કરશે. જો તમારી પાસે ફોર્મ 16 નથી તો તમે તમારી કંપની પાસેથી મંથલી સેલેરી સ્લીપ મેળવી શકો છો. આ તમને દર મહિને તમારા પગારમાં કેટલો ટેક્સ ઉમેરવામાં આવે છે તે જોવાની મંજૂરી આપશે. જે વર્ષ માટે તમારે આઇટીઆર ફાઇલ કરવા માંગો છો તે નાણાકીય વર્ષની પગારની સ્લીપ મેળવો. તેમાં તમને ટીડીએસ કપાત, પીએફ, પ્રોફેશનલ ટેક્સ, ઈન હેન્ડ સેલેરી સહીતની માહિતી મળશે.