IRCTC Travel Insurance: ટ્રેન ટિકિટ બુક કરતી વખતે માત્ર 45 પૈસામાં મળે છે 10 લાખનો વીમો, જાણો કેવી રીતે

શું તમે ક્યારેય ધ્યાન આપ્યું છે કે ટ્રેન ટિકિટ બુક કરતી વખતે એક નાનું બોક્સ દેખાય છે, જેમાં લખ્યું હોય છે – “શું તમે ટ્રાવેલ ઇન્શ્યોરન્સ ઈચ્છો છો?” મોટાભાગના લોકો આ બોક્સને અવગણીને આગળ વધી જાય છે. પરંતુ શું તમને ખબર છે કે આ નાનકડા બોક્સમાં ફક્ત 45 પૈસામાં 10 લાખ રૂપિયા સુધીનું સુરક્ષા કવચ છુપાયેલું છે? આ પ્રકારના વીમાને ઇન્શ્યોરન્સ ઇન્ડસ્ટ્રીની ભાષામાં “એમ્બેડેડ ઇન્શ્યોરન્સ” કહેવામાં આવે છે. બજાજ જનરલ ઇન્શ્યોરન્સ લિમિટેડના ચીફ ટેક્નિકલ ઓફિસરના જણાવ્યા મુજબ, આજકાલ કોઈપણ પ્રોડક્ટ કે સર્વિસ ખરીદતી વખતે વીમો પણ સાથે જ મળી જાય છે – અલગથી કંઈ કરવાની જરૂર નથી.

એમ્બેડેડ ઇન્શ્યોરન્સ એટલે શું

પહેલાના સમયમાં વીમો ખરીદવો એટલે લાંબી પ્રોસેસ – એજન્ટને મળવું, ફોર્મ ભરવા, પ્રીમિયમની સરખામણી કરવી. પરંતુ હવે સમય બદલાઈ ગયો છે. તમે જ્યારે ઓનલાઇન સ્માર્ટફોન ખરીદો છો, ત્યારે ચેકઆઉટ પેજ પર જ તમને ડેમેજ કે ચોરી સામે કવરેજનો વિકલ્પ મળે છે. બસ એક ક્લિકમાં આ સુવિધા મળી જાય છે. ટ્રેન કે ફ્લાઇટ ટિકિટ બુક કરતી વખતે પણ આવું જ થાય છે. ટ્રેન ટિકિટ સાથે તો માત્ર 45 પૈસામાં 10 લાખ રૂપિયાનું ઇન્શ્યોરન્સ કવરેજ મળી જાય છે.

આ ટેક્નોલોજી કેવી રીતે કામ કરે છે

• આ સુવિધા શક્ય બની છે ટેક્નિકલ ઇન્ટિગ્રેશનના કારણે. ઇન્શ્યોરન્સ કંપનીઓ અને ડિજિટલ પ્લેટફોર્મ API ના માધ્યમથી એકબીજા સાથે જોડાયેલા હોય છે, જેના કારણે ગ્રાહકોને સસ્તા દરે અને સરળતાથી વીમો મળી જાય છે.
• IDC ના રિપોર્ટ પ્રમાણે, ભારતમાં કન્ઝ્યુમર ઇલેક્ટ્રોનિક્સનું બજાર ઝડપથી વધી રહ્યું છે. વર્ષ 2024માં જ સ્માર્ટફોનની શિપમેન્ટ 150 મિલિયન યુનિટને પાર કરી ગઈ હતી. આ સાથે એમ્બેડેડ ઇન્શ્યોરન્સનું બજાર પણ એટલી જ ઝડપથી વધી રહ્યું છે.

બે પ્રકારના હોય છે એમ્બેડેડ ઇન્શ્યોરન્સ

• ઓટોમેટિક – પ્રોડક્ટની કિંમતમાં જ વીમો સામેલ હોય છે, ગ્રાહકને અલગથી કંઈ પસંદ કરવાની જરૂર નથી.
• ઓપ્ટ-ઇન – ગ્રાહકને નજીવું પ્રીમિયમ ચૂકવીને વીમો લેવો કે નહીં તે પસંદ કરવાનો વિકલ્પ મળે છે.

આજકાલ સ્માર્ટફોનમાં પહેલેથી જ એક્સિડન્ટલ ડેમેજ, ચોરી અને એક્સટેન્ડેડ વોરંટી જેવી સુવિધાઓ સામેલ હોય છે. Flipkart, Amazon જેવા ઓનલાઇન પ્લેટફોર્મ ઉપરાંત Reliance Digital અને Croma જેવા સ્ટોરમાં પણ આ સુવિધા મળે છે. લેપટોપ, ટેબ્લેટ અને સ્માર્ટવોચ જેવા ડિવાઇસ માટે પણ આવું જ ઇન-બિલ્ટ કવરેજ મળે છે.

શું છે આના ફાયદા

• અલગથી કોઈ એજન્ટ કે એપ્લિકેશનની જરૂર નથી
• પ્રીમિયમ ખૂબ જ ઓછું, ખિસ્સા પર ભાર નહીં
• ભરોસાપાત્ર બ્રાન્ડ તરફથી કવરેજ મળે છે
• કંઈ અનિચ્છનીય બને તો મોટી સુરક્ષા મળે છે

કેટલા સમય માટે મળે છે આ વીમો

એક રિસર્ચ મુજબ, એમ્બેડેડ ઇન્શ્યોરન્સના કારણે પ્રોડક્ટ લોન્ચ થવાનો સમય 12 મહિનાથી ઘટીને હવે થોડા અઠવાડિયા જ રહી ગયો છે. આ ઇન્શ્યોરન્સ કંપનીઓ માટે પણ ફાયદાકારક છે અને ડિજિટલ પ્લેટફોર્મ માટે પણ આકર્ષક બની ગયું છે. આ ઉપરાંત ઇલેક્ટ્રોનિક ગેજેટ્સ માટે એક્સટેન્ડેડ વોરંટી પણ સારો વિકલ્પ છે, જેમાં ઓરિજિનલ વોરંટી પૂરી થયા બાદ પણ મરામત કે બદલવાનો ખર્ચ કવર થાય છે.

Breaking News: મુંબઈમાં આભ ફાટતાં ગુજરાત-મુંબઈ રેલવે વ્યવહાર ખોરવાયો, વંદે ભારત અને તેજસ સહિત અનેક ટ્રેનો અધવચ્ચે અટવાઈ