દમણમાં મોનસુન ફેસ્ટીવલનો પ્રારંભ, આનંદીબેન પટેલે યુવાનોને નશામુક્ત રહેવા કરી ભાવુક અપીલ- Video
કેન્દ્રશાસિત પ્રદેશ દમણમાં મોનસુન ફેસ્ટિવલનો ભવ્ય પ્રારંભ થયો છે. આ તકે મુખ્ય અતિથિ તરીકે ઉત્તર પ્રદેશના રાજ્યપાલ આનંદીબેન પટેલ ખાસ ઉપસ્થિત રહ્યા હતા. આ પ્રસંગે તેમણે યુવાનોને નશામુક્ત રહેવા અને મહિલાઓના સશક્તિકરણ પર ખાસ મુક્યો
કેન્દ્રશાસિત પ્રદેશ દમણમાં 23 થી 30 ઓગસ્ટ દરમિયાન આયોજિત મોન્સૂન ફેસ્ટિવલનો ભવ્ય પ્રારંભ થયો છે. આ ફેસ્ટિવલનું ઉદ્ઘાટન ઉત્તર પ્રદેશના રાજ્યપાલ અને ગુજરાતના પૂર્વ મુખ્યપ્રધાન આનંદીબેન પટેલની હાજરીમાં થયું હતું.
આ પ્રસંગે આનંદીબેન પટેલે કાર્યક્રમમાં ઉપસ્થિત લોકોને સંબોધતા મહિલા સશક્તિકરણ પર વિશેષ ભાર મૂક્યો હતો. તેમણે જણાવ્યું હતું કે, મહિલાઓ ધારે તો કંઈપણ કરી શકે છે અને તેમનામાં અપાર શક્તિ રહેલી છે. આ સાથે જ, તેમણે દમણના લોકોને અને ખાસ કરીને યુવાનોને નશામુક્તિ માટે ભાવુક અપીલ કરી હતી.
આનંદીબેન પટેલે યુવાનોને સ્પષ્ટ શબ્દોમાં કહ્યું હતું કે, “નશો કરીને તમારું જીવન બગાડતા નહીં.” તેમણે વડાપ્રધાન નરેન્દ્ર મોદીના “નશા મુક્ત ભારત”ના સંકલ્પનું સ્મરણ કરાવતા યુવાનોને તમામ પ્રકારના નશાનો ત્યાગ કરવા હાકલ કરી હતી. તેમણે નશાના કારણે પરિવાર અને યુવાનોના જીવન પર થતી વિનાશક અસરો વિશે પણ ધ્યાન દોર્યું હતું. દમણ મોન્સૂન ફેસ્ટિવલના મંચ પરથી અપાયેલો આ નશામુક્તિનો સંદેશ હાલ વ્યાપક ચર્ચાનો વિષય બન્યો છે.
2 સપ્ટેમ્બરથી મંગળનું નક્ષત્ર પરિવર્તન, આ ત્રણ રાશિઓને થશે ભરપૂર ધનલાભ, મળશે પદોન્નતિની ખુશખબરી
વડોદરા મનપાની સામાન્ય સભામાં યુસુફ પઠાણને પ્લોટ આપવાની દરખાસ્ત મંજૂર
ભરૂચમાં 66 કરોડના ખર્ચે બનેલા બ્રિજમાં 100 દિવસમાં મોટી તિરાડો! Video
Breaking News : રાજકોટની સિવિલ હોસ્પિટલના કોલ્ડ સ્ટોરેજમાં મૃતદેહ સડી
સુરત મ્યુનિસિપલ કમિશનરના નામે ઠગાઈનો પ્રયાસ, વોટ્સએપ પર મોકલ્યા મેસેજ

