‘માલિક’ વેચશે કંપનીના 77 લાખ શેર, બજારમાં મચી ગયો હડકંપ, રોકાણકારો થયા નિરાશ, શેર 4 ટકા તૂટ્યો
આ શેરમાં આજે 4 ટકાથી વધુનો ઘટાડો જોવા મળ્યો છે. અહેવાલો અનુસાર, કંપનીના પ્રમોટર્સ તેમનો હિસ્સો ઘટાડી શકે છે. પ્રમોટર્સ લગભગ 77 લાખ શેર વેચવાની યોજના બનાવી રહ્યા છે.
!['માલિક' વેચશે કંપનીના 77 લાખ શેર, બજારમાં મચી ગયો હડકંપ, રોકાણકારો થયા નિરાશ, શેર 4 ટકા તૂટ્યો](https://images.tv9gujarati.com/wp-content/uploads/2024/06/1-6.jpg?w=1280)
IndiGo Share Price: ઈન્ટરગ્લોબ એવિએશન લિમિટેડ (IndiGo)ના શેરમાં આજે 4 ટકાનો ઘટાડો જોવા મળ્યો છે.પ્રાપ્ત અહેવાલ મુજબ કંપનીના પ્રમોટર્સ તેમનો હિસ્સો 2 ટકા ઘટાડી શકે છે, આ સમાચારને કારણે આજે શેરબજારમાં કંપનીના શેરની સ્થિતી નબળી પડી છે.
મંગળવારે BSEમાં કંપનીના શેર રૂ. 4409.95 પર ખુલ્યા હતા. પરંતુ થોડા સમય પછી તે 4471.90 રૂપિયાના સ્તર પર પહોંચી ગયો. એટલે કે પ્રમોટરોએ તેમનો હિસ્સો વેચવાની વાતને કારણે શેર 4.40 ટકા તુટ્યો હતો. તમને જણાવી દઈએ કે, ઈન્ડિગોના પ્રમોટર્સ એન્ટરગ્લોબ એન્ટરપ્રાઈઝ છે.
77 લાખ શેર વેચી શકે છે
અહેવાલો અનુસાર, ઇન્ટરગ્લોબ એન્ટરપ્રાઇઝના વડા રાહુલ ભાટિયા 77 લાખ શેર વેચી શકે છે. આ માટે પ્રતિ શેરની કિંમત 4266 રૂપિયા નક્કી કરવામાં આવી છે. જે સોમવારે કંપનીના બંધ રૂ. 4566.60 કરતાં સસ્તું છે. તમને જણાવી દઈએ કે, આજે ઈન્ટરગ્લોબ એવિએશન લિમિટેડનું માર્કેટ કેપ ઘટીને 1,69.551 કરોડ રૂપિયા થઈ ગયું છે.
31 માર્ચ, 2024ના ડેટા મુજબ, એન્ટરગ્લોબ એન્ટરપ્રાઇઝિસનો કુલ હિસ્સો 37.75 ટકા હતો. શેરબજારમાં કંપનીની કામગીરીની વાત કરીએ તો છેલ્લા 6 મહિનામાં પોઝિશનલ રોકાણકારોને 60 ટકાનો નફો થયો છે. છેલ્લા એક વર્ષમાં કંપનીના શેરના ભાવમાં 82 ટકાથી વધુનો વધારો જોવા મળ્યો છે.
કંપનીનું 52 વીક હાઇ સ્થિતીની વાત કરીએ તો તે રૂ. 4,610 છે અને 52 વીક લો પ્રાઇસ રૂ. 2331.20 છે. મ્યુચ્યુઅલ ફંડનો કુલ હિસ્સો 12.38 ટકા હિસ્સો છે. વિદેશી રોકાણકારોનો હિસ્સો 23.66 ટકા છે.
કંપનીના માર્ચ ક્વાર્ટર વિશે માહિતી
કંપનીએ માર્ચ ક્વાર્ટરમાં રૂ. 919.20 કરોડનો ચોખ્ખો નફો કર્યો હતો. જે વાર્ષિક ધોરણે 26 ટકા વધુ છે. જાન્યુઆરીથી માર્ચ 2024 દરમિયાન કંપનીની આવક રૂ. 17,825.30 કરોડ હતી. EBITDAમાં 48.70 ટકાનો વધારો જોવા મળ્યો છે.
( શેરબજાર જોખમોને આધીન છે. કોઈપણ રોકાણ કરતા પહેલા નિષ્ણાતોની સલાહ લો.)