સતત સાતમા દિવસે બજારમાં તેજીને કારણે સેન્સેક્સ રેકોર્ડ 43 હજાર પર પહોંચી ગયો છે. બીએસઈ સેન્સેક્સ 680 પોઇન્ટના વધારા સાથે 43,277.65 અંકથી પણ આગળ કારોબાર કરી રહ્યો છે. નિફ્ટી 12631 પર કારોબાર કરી રહ્યો છે. બેન્કિંગ શેર્સ માર્કેટને તેજી તરફ દોરી રહ્યા છે. બેંક ઈન્ડેક્સમાં 946 પોઇન્ટનો ઉછાળો છે. આઇટી શેર્સ ઘટાડા સાથે કારોબાર કર્યો છે.
માર્કેટમાં ઉત્તમ વૃદ્ધિને કારણે BSE માં લિસ્ટેડ કંપનીઓની માર્કેટ કેપ પણ રૂ .165 લાખ કરોડને પાર કરી ગઈ છે. લાર્જકેપમાં આરઆઈએલનો શેર 2089 પર ટ્રેડ કરી રહ્યો છે. કંપનીની માર્કેટ કેપ પણ રૂ .14 લાખ કરોડની નજીક પહોંચી ગઈ છે. શેરમાં વધારાને કારણે એચડીએફસી બેંકની માર્કેટ કેપ પણ પ્રથમ વખત 7.60 લાખ કરોડને પાર કરી ગઈ છે. એચડીએફસી બેન્કનો શેર 3% વધીને 1393 પર ટ્રેડ કરી રહ્યો છે.
ભારતીય શેરબજારની છેલ્લી સ્થિતિ
બજાર સૂચકાંક વૃદ્ધિ
બીએસઈ – સેન્સેક્સ 43,277.65 +680.22 (1.60%)
એનએસઈ – નિફટી 12,631.10 +170.05 (1.36%)
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
Published On - 4:58 pm, Tue, 10 November 20