જો આધાર કાર્ડને લગતી કોઈ સમસ્યા હોય તો આ નંબરને ડાયલ કરો, તરત જ મળી જશે ઉકેલ

આજે દરેક વ્યક્તિ માટે આધાર કાર્ડ(Aadhaar Card) એક મહત્વપૂર્ણ દસ્તાવેજ છે. આધાર વિના તમે ઘરથી લઈને બેંક સુધી કોઈ પણ કામ કરી શકતા નથી એટલે કે તમામ કામ માટે તમારે આધાર નંબરની જરૂર છે. તો આવી સ્થિતિમાં જો તમને આધારને લઈને કોઈ સમસ્યા હોય અથવા તમારે તમારા નજીકના આધાર કેન્દ્રને શોધવાનું હોય તો હવે તમે આ કામને મિનિટોમાં નિપટાવી શકો છો. UIDAIએ આ અંગે નંબર જાહેર કર્યો છે. UIDAI એ આધાર સંબંધિત તમામ કામ માટે ફોન કરીને એક નંબર જાહેર કર્યો છે. તે નંબર જેના પર તમારા આધાર સંબંધિત તમામ સમસ્યાઓ દૂર થઈ શકે છે. આ નંબર UIDAI દ્વારા આપવામાં આવ્યો છે. UIDAIએ ટ્વિટ કરીને આ અંગેની માહિતી પણ આપી છે.

નંબર 12 ભાષાઓમાં કામ કરે છે

આધાર સંબંધિત કોઈપણ સમસ્યા માટે તમારે ફક્ત 1947 પર કૉલ કરવો પડશે અને તમારી બધી સમસ્યાઓ સરળતાથી હલ થઈ જશે. આ નંબર લગભગ 12 ભાષાઓમાં કામ કરે છે તેથી કોઈપણ રાજ્યના લોકો આ નંબર પર કૉલ કરીને સંપર્ક કરી શકે છે.

તમે આ ભાષાઓમાં મદદ મેળવી શકો છો

આ નંબર ડાયલ કરીને તમે હિન્દી, અંગ્રેજી, તેલુગુ, કન્નડ, તમિલ, મલયાલમ, પંજાબી, ગુજરાતી, મરાઠી, ઉડિયા, બંગાળી, આસામી અને ઉર્દૂમાં વાત કરી શકો છો. આધાર માટે 1947 ડાયલ કરો તમારી પસંદગીની ભાષામાં વાતચીત કરી શકે છે.

મફતમાં કૉલ કરી શકો છો

આ નંબર સંપૂર્ણપણે નિઃશુલ્ક છે એટલે કે આ નંબર પર કૉલ કરવા માટે કોઈ ચાર્જ નહીં લાગે. આ સાથે તમે IVRS મોડ પર 24 કલાકમાં ગમે ત્યારે આ નંબર પર કૉલ કરી શકો છો.

તમે કયા સમયે કૉલ કરી શકો છો તે જાણો

આ સાથે, આ સુવિધા માટે કોલ સેન્ટરના પ્રતિનિધિઓ સવારે 7 થી 11 (સોમવારથી શનિવાર) સુધી ઉપલબ્ધ છે. બીજી તરફ, પ્રતિનિધિઓ રવિવારે સવારે 8 થી સાંજના 5 વાગ્યા સુધી ઉપલબ્ધ હોય છે.

આ પણ વાંચો : Multibagger Stocks: 1.69 રૂપિયાના મલ્ટિબેગર સ્ટોકે 7000 ટકા રિટર્ન આપ્યું, રોકાણકારોના 1 લાખ 71 લાખ થયા

આ પણ વાંચો : Petrol Diesel Price Today : ઈન્ડિયન ઓઈલ રશિયા પાસેથી તેલ નહીં ખરીદે! શું ફરી મોંઘુ થશે ઇંધણ, જાણો લેટેસ્ટ રેટ

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો