પોસ્ટ ઓફિસ સેવિંગ્સ એકાઉન્ટનું બેલેન્સ અને મિની સ્ટેટમેન્ટ ઓનલાઈન કેવી રીતે ચેક કરવું? અનુસરો આ સ્ટેપ્સ

સરકારે આ ત્રિમાસિક ગાળા માટે સુકન્યા સમૃદ્ધિ યોજનાના વ્યાજ દરમાં 0.20 ટકાનો વધારો કર્યો છે. આ સિવાય સરકારે કેટલાક પોસ્ટ ઓફિસ ટાઈમ ડિજિટ પરના દરમાં 0.10 ટકાનો વધારો કર્યો છે. સરકાર ત્રિમાસિક ધોરણે નાની બચત યોજનાઓના વ્યાજ દરોનું મૂલ્યાંકન કરે છે. જો તમે પણ કોઈ નાની બચત યોજનામાં ખાતું ખોલાવ્યું છે, તો અમે તમને જણાવવા જઈ રહ્યા છીએ કે તમે તમારા ખાતાની વિગતો જાણવા માટે ઈ-પાસબુક કેવી રીતે મેળવી શકો છો.

પોસ્ટ ઓફિસ સેવિંગ્સ બેંક (POSB) દ્વારા ડિપાર્ટમેન્ટ ઓફ પોસ્ટ્સ (DOP) લોકોને તેમના નાણાં બચાવવા અને રોકાણ કરવાની તક તરીકે વિવિધ પ્રકારના ખાતા ખોલવાની સુવિધા આપે છે. આ યોજનાઓના ખાતાધારકોને ભૌતિક પાસબુક આપવામાં આવે છે જેમાં વ્યવહારની એન્ટ્રી કરવામાં આવે છે. ખાતાધારકોની સુવિધામાં વધુ વધારો કરવા માટે ટપાલ વિભાગે પોસ્ટ ઓફિસ બચત બેંક યોજનાના ખાતાધારકો માટે ઈપાસબુક સુવિધા શરૂ કરી છે.

ePassbook કેવી રીતે ચેક કરવી

ePassbook ઓનલાઈન વેબપેજ દ્વારા ઘણી સુવિધાઓ પૂરી પાડે છે. તેમાં બેલેન્સ ઇન્ક્વાયરી, મિની સ્ટેટમેન્ટ અને સંપૂર્ણ સ્ટેટમેન્ટનો સમાવેશ થાય છે. તમે ઈન્ડિયા પોસ્ટની વેબસાઈટ પર જઈને ઈ-પાસબુક ચેક કરી શકો છો. OTP માન્યતા પછી વેબપેજ ePassbook ઍક્સેસ કરવાનો વિકલ્પ આપે છે. સ્કીમ પસંદ કર્યા બાદ ગ્રાહકે સંબંધિત ખાતાની વિગતો આપવી પડશે.

અન્ય OTP માન્યતા કરવામાં આવશે જેના પછી ગ્રાહકે જરૂરી સેવા એટલે કે બેલેન્સ પૂછપરછ અથવા મિની સ્ટેટમેન્ટ પસંદ કરવાની રહેશે. પસંદ કરેલ સેવાના આધારે તમે બેલેન્સ અથવા મિની સ્ટેટમેન્ટ જોઈ શકો છો. જરૂર પડ્યે મીની સ્ટેટમેન્ટ પણ ડાઉનલોડ કરી શકાય છે. મિની સ્ટેટમેન્ટ હાલમાં SB, PPF અને SSA યોજનાઓ માટે ઉપલબ્ધ છે.

કયા ખાતા માટે મિનિમમ બેલેન્સ કેટલું છે?

પોસ્ટ ઓફિસ સેવિંગ સ્કીમ હેઠળ, પોસ્ટ ઓફિસ સેવિંગ એકાઉન્ટ માટે રૂ. 500, નેશનલ સેવિંગ્સ રિકરિંગ ડિપોઝિટ એકાઉન્ટ માટે રૂ. 100, માસિક આવક યોજના માટે રૂ. 1000, ટાઈમ ડિપોઝીટ એકાઉન્ટ માટે રૂ. 1000, પબ્લિક પ્રોવિડન્ટ ફંડ એકાઉન્ટ માટે રૂ. 500 તેમજ સુકન્યા સમૃદ્ધિ એકાઉન્ટ માટે રૂ. 250 અને સિનિયર સિટીઝન સેવિંગ સ્કીમ માટે 1000 રૂપિયાની જરૂર છે.