એચડીએફસી કેપિટલ એડવાઈઝરમાં પોતાનો 10 ટકા હિસ્સો વેચશે HDFC, અબુ ધાબી ઇન્વેસ્ટમેન્ટ ઓથોરિટી સાથે 184 કરોડમાં ડીલ

હાઉસિંગ ડેવલપમેન્ટ ફાઈનાન્સિયલ કોર્પોરેશન (HDFC)એ જણાવ્યું હતું કે તે એચડીએફસી કેપિટલ એડવાઇઝર્સ લિમિટેડનો (HDFC Capital advisors) 10 ટકા હિસ્સો અબુ ધાબી ઈન્વેસ્ટમેન્ટ ઓથોરિટી (ADIA)ની પેટાકંપનીને વેચશે. આ ડીલ 184 કરોડ રૂપિયામાં થઈ છે. એચડીએફસી કેપિટલની સ્થાપના વર્ષ 2016માં કરવામાં આવી હતી. આ કંપની એચડીએફસી કેપિટલ એફોર્ડેબલ રિયલ એસ્ટેટ ફંડ 1 અને 3 માટે ઈન્વેસ્ટમેન્ટ મેનેજર તરીકે કામ કરે છે. એચડીએફસી કેપિટલ એડવાઈઝર્સ એ સબસિડિયરી કંપની છે, જેમાં 100% હિસ્સો એચડીએફસી પાસે છે. તે પ્રાઈવેટ ઈક્વિટી ફંડનું સંચાલન કરે છે જે રિયલ એસ્ટેટ સેક્ટરમાં રોકાણ કરે છે.

શેરબજારને આપેલી માહિતીમાં HDFC તરફથી કહેવામાં આવ્યું છે કે આ ટ્રાન્ઝેક્શન 30 એપ્રિલ 2022 સુધીમાં પૂર્ણ થઈ જશે. HDFC કેપિટલના 2.35 લાખ શેર અબુ ધાબી ઈન્વેસ્ટમેન્ટ ઓથોરિટીને વેચવામાં આવી રહ્યા છે. શેર દીઠ કિંમત 7841.49 રૂપિયા નક્કી કરવામાં આવી છે. આ ડીલ પછી HDFC કેપિટલ એડવાઈઝર્સ લિમિટેડ સંપૂર્ણ સબસિડિયરી કંપની તરીકે નહી રહે. આ હોલી ઓન્ડનું ટેગ દૂર કરશે. જો કે તે HDFCની પેટાકંપની બની રહેશે.

HDFC-HDFC બેંકનું મેગા મર્જર થશે

તાજેતરમાં એચડીએફસી અને એચડીએફસી બેંકે મર્જરની જાહેરાત કરી હતી. જો કે આ મર્જરને પૂર્ણ થવામાં લગભગ 18-24 મહિનાનો સમય લાગી શકે છે. મર્જરની યોજના મુજબ સોદો પૂર્ણ થયા પછી જાહેર શેરધારકો HDFC બેન્કનો 100 ટકા હિસ્સો ધરાવશે અને HDFCના વર્તમાન શેરધારકો બેન્કનો 41 ટકા હિસ્સો ધરાવશે. પ્રસ્તાવિત ડીલ હેઠળ HDFC લિમિટેડના દરેક 25 ઈક્વિટી શેર માટે HDFC બેન્કના 42 ઇક્વિટી શેર્સ પ્રાપ્ત થશે.

Web Stories View more

ભારતની એ જેલ, જ્યાં કેદીઓ સામેથી માંગે છે મોત!, ત્યાં જાય છે તે ક્યારેય પાછા નથી આવતા

સવારે ઉઠતાની સાથે દેખાય આ 6 વસ્તુઓ, તો સમજો કિસ્મત ચમકવાની છે !

Darshan Raval Wedding: બોલિવુડની હિરોઈનો કરતા પણ વધારે સુંદર છે દર્શન રાવલની પત્ની ! જુઓ-Photo

Agriculture Tips : ઘરે સરળતાથી બનાવો આ 4 ખાતર, જાણો

આજનું રાશિફળ તારીખ : 19-01-2025

Insomnia Reason : કયા વિટામિનની ઉણપને કારણે ઊંઘ નથી આવતી ? જાણી લો

મર્જરનું કામ આગામી નાણાકીય વર્ષના બીજા ક્વાર્ટર સુધીમાં પૂર્ણ થઈ જશે

આ જાહેરાત બાદ HDFCના વાઈસ ચેરમેન અને CEO કેકી મિસ્ત્રીએ જણાવ્યું હતું કે આ મર્જર એચડીએફસી બેંકને વૈશ્વિક માપદંડો દ્વારા એક મોટી ધીરાણકર્તા બનાવશે. આનાથી HDFC બેન્કમાં FII હિસ્સા માટે વધુ જગ્યા ઉભી થશે. HDFC-HDFC બેંકનું મર્જર નાણાકીય વર્ષ 2023-24ના બીજા કે ત્રીજા ક્વાર્ટર સુધીમાં પૂર્ણ થવાની અપેક્ષા છે. HDFCની કુલ સંપત્તિ 6.23 લાખ કરોડ રૂપિયા છે, જ્યારે HDFC બેન્ક પાસે 19.38 લાખ કરોડ રૂપિયાની સંપત્તિ છે. HDFC બેંક પાસે 68 કરોડનો વિશાળ ગ્રાહક આધાર છે.

આ પણ વાંચો :  ફ્યુચર રિટેલના શેરધારકોની આજે મહત્વની બેઠક, 45% દેવું રિલાયન્સને ટ્રાન્સફર કરવાની દરખાસ્ત