GST Meeting: આજથી GST કાઉન્સિલની બેઠક, ટેક્સના દરમાં થઈ શકે છે ફેરફાર, જાણો શું છે સરકારની યોજના?
GST Meeting Date: GST કાઉન્સિલ (GST Council) ની બેઠક આજે એટલે કે મંગળવારથી શરૂ થઈ રહી છે. આ બેઠક ચંદીગઢમાં યોજાશે. બેઠકમાં ઇલેક્ટ્રીક વાહનોથી લઇને ટેક્સના દરો (Tax Rate) પર થશે ચર્ચા.
GST કાઉન્સિલની (GST Meeting) બેઠક આજે એટલે કે મંગળવારથી શરૂ થઈ રહી છે. ચંદીગઢમાં યોજાનારી બેઠકમાં કેટલીક વસ્તુઓના ટેક્સના દરમાં ફેરફાર કરવામાં આવી શકે છે. આ સિવાય રાજ્યોને વળતરની વ્યવસ્થા અને નાના ઈ-કોમર્સ સપ્લાયરોના રજીસ્ટ્રેશન નિયમોમાં રાહત જેવા મુદ્દાઓ પર પણ બેઠક દરમિયાન ચર્ચા કરવામાં આવશે. GST કાઉન્સિલ (GST Council Meeting) ની 47મી બેઠક કેન્દ્રીય નાણાં પ્રધાન નિર્મલા સીતારમણની અધ્યક્ષતામાં અને તમામ રાજ્યો અને કેન્દ્રશાસિત પ્રદેશોના પ્રતિનિધિઓનો સમાવેશ થાય છે. જે 28-29 જૂનના રોજ યોજાવાની છે. તમને જણાવી દઈએ કે કાઉન્સિલની બેઠક છ મહિના પછી યોજાઈ રહી છે.
ટેક્સના દરમાં ઘટાડો થઇ શકે છે
તમને જણાવી દઈએ કે બેઠકમાં વિપક્ષ શાસિત રાજ્યો વળતરની ચુકવણી અંગે ચર્ચા કરી શકે છે. અધિકારીઓની કમિટી અથવા ફિટમેન્ટ કમિટી દ્વારા પ્રસ્તાવિત દરો પર વિચારણા કરવામાં આવશે. સમિતિએ કૃત્રિમ અંગો અને ઓર્થોપેડિક પ્રત્યારોપણ પર સમાન 5% GST દરની ભલામણ કરી છે. તો મહત્વની ગણાતી વાતમાં સમિતિએ રોપ-વે મુસાફરી પરનો GST દર હાલના 18 ટકાથી ઘટાડીને પાંચ ટકા કરવાની ભલામણ પણ કરી છે.
ઇલેક્ટ્રિક વાહનો પર GST ઘટાડવાની માંગ
આ સિવાય ઈલેક્ટ્રિક વાહનો માટેના જીએસટી દરો અંગે સ્પષ્ટતા આવી શકે છે. જે મુજબ ઇલેક્ટ્રિક વાહનો, બેટરીથી સજ્જ હોય કે ન હોય તેના પર પાંચ ટકાના દરે ટેક્સ લાગી શકે છે. GST કાઉન્સિલમાં રાજ્યોના નાણા મંત્રીઓના જૂથના બે અહેવાલો પણ રજૂ કરવામાં આવશે.
The 47th meeting of the GST Council, headed by Union Finance Minister @nsitharaman and comprising representatives of all states and UTs, is scheduled to be held in Chandigarh on 28th and 29th June 2022.@nsitharamanoffc @FinMinIndia pic.twitter.com/OQ0sMwVO2v
— DD News (@DDNewslive) June 28, 2022
વળતર ભંડોળની અછતને પહોંચી વળવા માટે લીધેલી લોન
GST કાઉન્સિલની બેઠકમાં વિપક્ષ શાસિત રાજ્યો મહેસૂલી ખાધનું વળતર ચાલુ રાખવાની ભલામણ કરશે. બીજી તરફ કેન્દ્ર સરકાર કડક નાણાકીય સ્થિતિને ટાંકીને આવા કોઈપણ પગલાને રોકવા માંગશે. GST વળતર ભંડોળની અછતને પહોંચી વળવા માટે કેન્દ્રએ 2020-21માં રૂ. 1.1 લાખ કરોડ અને 2021-22માં રૂ. 1.59 લાખ કરોડની લોન લીધી હતી અને તેને રાજ્યોને આપી હતી.
લખનઉમાં થઇ હતી 45મી બેઠક
લખનૌમાં GST કાઉન્સિલની 45મી બેઠક બાદ કેન્દ્રીય નાણાપ્રધાન નિર્મલા સીતારમણે કહ્યું હતું કે આવકની અછત માટે રાજ્યોને વળતર ચૂકવવાની સિસ્ટમ આવતા વર્ષે જૂનમાં સમાપ્ત થઈ જશે. દેશમાં 1 જુલાઈ, 2017 થી ગુડ્સ એન્ડ સર્વિસ ટેક્સ લાગુ કરવામાં આવ્યો હતો અને GST ના અમલીકરણને કારણે કોઈપણ આવકની ખોટ સામે રાજ્યોને પાંચ વર્ષના સમયગાળા માટે વળતરની ખાતરી આપવામાં આવી હતી.
ઓનલાઈન ગેમિંગ પર 28% GST લાગી શકે છે
બેઠકમાં ઓનલાઈન ગેમિંગ, કેસિનો અને હોર્સ રેસિંગની કુલ આવક પર 28 ટકા GST વસૂલવાની દરખાસ્ત પર ચર્ચા થવાની શક્યતા છે. GST કાઉન્સિલની બેઠકમાં મેઘાલયના મુખ્ય પ્રધાન કોનરાડ સંગમાની આગેવાની હેઠળના પ્રધાનોના જૂથ દ્વારા સુપરત કરાયેલા અહેવાલ પર વિચારણા થઈ શકે છે. GOM એ તેના રિપોર્ટમાં ભલામણ કરી છે કે ઓનલાઈન ગેમિંગના સમગ્ર મૂલ્ય પર ટેક્સ લગાવવો જોઈએ. જેમાં ખેલાડી દ્વારા ગેમમાં ભાગ લેવા માટે ચૂકવવામાં આવતી એન્ટ્રી ફીનો સમાવેશ થાય છે. તો હોર્સ રેસિંગના કિસ્સામાં GOM એ સૂચન કર્યું છે કે, સટ્ટો લગાવવા માટે જમા કરવામાં આવેલી સંપૂર્ણ રકમ પર GST વસૂલવો જોઈએ.
ઈ-વે બિલ અને ઈ-ચલાન ફરજિયાત બનાવવા પર વિચારણા
કાઉન્સિલ રૂ. 2 લાખ અને તેનાથી વધુ મૂલ્યના સોના/કિંમતી પથ્થરોની આંતર-રાજ્ય આવન-જાવન માટે ઇ-વે બિલ અને ઇ-ચલણ ફરજિયાત બનાવવા અંગે પણ વિચારણા કરશે. આ વ્યવસ્થા 20 કરોડ રૂપિયાથી વધુ વાર્ષિક ટર્નઓવર ધરાવતી કંપનીઓ માટે હશે. આ સાથે GST કાઉન્સિલ નાના વ્યવસાયોને ઇ-કોમર્સ પ્લેટફોર્મનો ઉપયોગ કરવા માટે ફરજિયાત નોંધણી ધોરણોમાંથી મુક્તિ આપી શકે છે. આ સાથે રૂ. 1.5 કરોડ સુધીનું ટર્નઓવર ધરાવતા ઈ-કોમર્સ સપ્લાયર્સને કમ્પોઝિશન સ્કીમ પસંદ કરવાની મંજૂરી આપવામાં આવશે. જે નીચા ટેક્સ દરો અને સરળ અનુપાલન ઓફર કરે છે.