સોનામાં રોકાણ કરવાનું વિચારી રહ્યા છો? જાણો શું છે નિષ્ણાંતોની સલાહ

સોનું હાલમાં રૂ. 50,000 પ્રતિ 10 ગ્રામ પર ટ્રેડ કરી રહ્યું છે. શુક્રવારે આંતરરાષ્ટ્રીય બજારોમાં સોનું 1898 પ્રતિ ઔંસના સ્તરે બંધ થતાં પહેલાં 1900 ડૉલર પ્રતિ ઔંસ પર ટ્રેડ થયું હતું. સોનામાં તાજેતરનો વધારો મુખ્યત્વે રશિયા અને યુક્રેન વચ્ચેના તણાવ અને ડોલર સામે રૂપિયાની નબળાઈને કારણે થયો છે. MCX પર સોનું પ્રતિ 10 ગ્રામ ₹50,123 સુધી જોવા મળ્યું છે.

જો કે, રશિયા અને યુક્રેન વચ્ચેના તણાવમાં થોડો ઘટાડો થવાથી સ્થાનિક અને વિદેશી બંને બજારોમાં થોડો ફાયદો થયો છે. આ કિસ્સામાં સોનાના રોકાણકારો માટે એ જાણવું મહત્વપૂર્ણ છે કે સોનાની આ તેજી ચાલુ રહેશે કે શું નફો બુક કરવાનો સમય આવી ગયો છે?

સોનાના ભાવમાં હજુ વધારો થવાની સંભાવના

કોમોડિટી બજારના નિષ્ણાતો કહે છે કે સોનાની હાજર કિંમત તેના 1900 ડોલરથી 1910 ડોલર પ્રતિ ઔંસના ટાર્ગેટ ઝોન પર પહોંચી ગઈ છે અને હવે પ્રોફિટ બુકિંગને કારણે તેમાં થોડો સુધારો જોવા મળી શકે છે. તેમનું એમ પણ કહેવું છે કે યુક્રેન અને રશિયા વચ્ચે તણાવ ઓછો થયો હોવા છતાં વૈશ્વિક મોંઘવારી અંગે ચિંતા યથાવત છે. પરિણામે સોનાના ભાવમાં સતત વધારો થશે. નોંધપાત્ર વાત એ છે કે વ્યાજદરમાં વધારો કરવા અંગે યુએસ ફેડના વલણને બજાર પહેલેથી જ પચાવી ચૂક્યું છે.

કોમોડિટી નિષ્ણાતો માને છે કે આંતરરાષ્ટ્રીય બજારમાં હાજર સોનાના ભાવ 1865 ડોલરની આસપાસ પણ આવી શકે છે અને આ સ્તરની આસપાસ 3-4 મહિનાના સમયગાળાને ધ્યાનમાં લેતા 2000 ડોલર પ્રતિ ઔંસના લક્ષ્ય માટે નવી ખરીદી કરવી જોઈએ. સ્થાનિક બજાર વિશે વાત કરીએ તો કોમોડિટી નિષ્ણાતો કહે છે કે MCX સોનું 3-4 મહિનાના સમયગાળામાં 52000ના સ્તરને સ્પર્શી શકે છે.

ઘટાડા માટે રાહ જોવી પડશે

મોતીલાલ ઓસવાલના અમિત સજેજા કહે છે કે સોનામાં ઘટાડા માટે રાહ જોવી પડશે. 49300 રૂપિયા પ્રતિ 10 ગ્રામની આસપાસ ખરીદી પર 47500 રૂપિયા સ્ટૉપલોસ સાથે ધીમે ધીમે ખરીદી કરી શકાય IIFL સિક્યોરિટીઝના અનુજ ગુપ્તા કહે છે કે 51,000 રૂપિયાના તાત્કાલિક લક્ષ્ય સાથે સોનું ખરીદી શકાય છે. જો તે 3-4 મહિના સુધી રહે તો આપણે 52,000 પ્રતિ 10 ગ્રામ સ્તર જોઈ શકીએ છીએ.

આ પણ વાંચો : જો LIC IPO અંગે સરકારની તમામ ગણતરીઓ સાચી પડશે તો શેરબજારમાં અનેક રેકોડ બનશે, જાણો વિગતવાર

આ પણ વાંચો : Sovereign Gold માં રોકાણ નફાનો સોદો સાબિત થઇ રહ્યો છે, જાણો કેવી રીતે મળશે સારું રિટર્ન