Gold Price Today : સોનાની માંગમાં વધારો થયો, જાણો આજે કઈ કિંમતે વેચાઈ રહ્યું છે સોનું

Gold Price Today :  વૈશ્વિક બજારમાં અસ્થિરતાને કારણે આજે ભારતીય બુલિયન માર્કેટમાં પણ વધ-ઘટ  જોવા મળી રહી છે. આજે સવારના કારોબારમાં સોનાની કિંમત ત્રણ મહિનાની નવી સપાટીથી ઉપર પહોંચી ગઈ છે. ચાંદીના ભાવમાં પણ વધારો થયો છે. ભાવ વધારા છતાં સોનાના વાયદાના ભાવ 50 હજાર અને ચાંદીના ભાવ 60 હજારની નીચે છે. મલ્ટીકોમોડિટી એક્સચેન્જ (MCX) પર આજે સવારે 24 કેરેટ સોનાની વાયદાની કિંમત 87 રૂપિયા વધીને 49,960 રૂપિયા પ્રતિ 10 ગ્રામ થઈ ગઈ હતી. અગાઉ સોનાની કિંમત ત્રણ મહિનાની નીચી સપાટીએ પહોંચી હતી. સવારના કારોબારમાં સોનું રૂ. 49,930 પર ખુલ્યું  હતું

ચાંદીની ચમકમાં વધારો

સોનાની તર્જ પર આજે ચાંદીના ભાવમાં પણ ઉછાળો જોવા મળ્યો છે. માંગમાં વધારો થવાને કારણે આજે સવારે એમસીએક્સ પર ચાંદીના વાયદાના ભાવ રૂ. 269 વધી રૂ. 59,531 પ્રતિ કિલોગ્રામ થયા હતા. અગાઉ 59,437 રૂપિયાથી ખુલ્લેઆમ બિઝનેસ શરૂ થયો હતો. માંગમાં સતત વધારાને કારણે તેની કિંમત ટૂંકા સમયમાં 0.45 ટકા વધીને 59,531 થઈ ગઈ છે. છેલ્લા કેટલાક ટ્રેડિંગ સેશન દરમિયાન ચાંદીમાં પણ સતત ઘટાડો જોવા મળી રહ્યો છે.

વૈશ્વિક બજારની સ્થિતિ

વૈશ્વિક બજારમાં આજે સોના અને ચાંદીના ભાવમાં નરમાશ જોવા મળી રહી છે. યુએસ માર્કેટમાં સોનાની હાજર કિંમત 0.21 ટકા ઘટીને 1,808.84 ડોલર પ્રતિ ઔંસ થઈ હતી જ્યારે ચાંદીની હાજર કિંમત 21.6 ડોલર પ્રતિ ઔંસ હતી. આ સમયગાળા દરમિયાન ચાંદીની કિંમતમાં 0.79 ટકાનો ઘટાડો થયો છે. નિષ્ણાતોનું માનવું છે કે આગામી સમયમાં વૈશ્વિક બજારમાં સોના અને ચાંદીના ભાવમાં તેજી જોવા મળી શકે છે.

કિંમતો અંગે અનુમાન શું છે?

નિષ્ણાતોના મતે યુએસ ફેડ રિઝર્વ દ્વારા વ્યાજદરમાં વધારો કર્યા બાદ બજાર પર પણ દબાણ વધ્યું છે. અમેરિકા, યુરોપ સહિત વિશ્વભરના શેરબજારો હજુ પણ દબાણ હેઠળ છે અને રોકાણકારોને પણ તેમના નાણાં ગુમાવવાનો ડર છે. આવી સ્થિતિમાં, તેને સુરક્ષિત સ્થાન માનીને લોકો ફરીથી સોના તરફ વળ્યા છે અને પીળી ધાતુની ખરીદી વધારી રહ્યા છે. ભારતીય બુલિયન માર્કેટમાં લગ્નસરાની સિઝનના કારણે માંગ છે. આ જ કારણ છે કે વૈશ્વિક બજારમાં ઘટાડા છતાં સ્થાનિક બજારમાં સોનું અને ચાંદી મોંઘા થઈ રહ્યા છે.