ફ્યુચર રિટેલ બંધ કરવા જઈ રહી છે તેના મોટા ભાગના બીગ બજાર, રિલાયન્સ ટૂંક સમયમાં કરશે ટેકઓવર

ભારતની બીજી સૌથી મોટી રિટેલર ફ્યુચર રિટેલ  (Future Retail) લિમિટેડે તેની મોટાભાગની ઓનલાઈન અને ઓફલાઈન કામગીરી અટકાવી દીધી છે. સ્ટોર્સ રવિવારે બંધ રહ્યા છે. ફ્યુચર દ્વારા લીઝની સમયસર ચુકવણીને કારણે તેની હરીફ રિલાયન્સ (Reliance) તેના સુપરમાર્કેટનો કબજો લેવા જઈ રહી છે. રોઇટર્સના અહેવાલ મુજબ, રિલાયન્સ ઇન્ડસ્ટ્રીઝ લિમિટેડ ફ્યુચર સ્ટોર્સને રિબ્રાન્ડ કરશે. કારણ કે કંપની તેમના માટે રિલાયન્સને ચૂકવણી કરવામાં નિષ્ફળ રહી છે. રિલાયન્સ લોકપ્રિય બિગ બજાર (Big Bazaar) શૃંખલાના મોટાભાગના આઉટલેટ્સ બંધ કરી દેશે. જો કે ફ્યુચર પાસે 1700 થી વધુ આઉટલેટ્સ ઉપલબ્ધ છે, પરંતુ રિલાયન્સ જે 200 સ્ટોર્સને રિબ્રાન્ડ કરશે તે બિગ બજાર હશે.

બિગ બજારની શરૂઆત લગભગ બે દાયકા પહેલા કિશોર બિયાની દ્વારા કરવામાં આવી હતી. આ ક્ષેત્રમાં મોટા પાયે પરિવર્તન કરવા બદલ બિયાનીને ભારતના રિટેલ કિંગ કહેવામાં આવતા હતા.

કંપનીઓએ નથી આપી કોઈ પ્રતિક્રિયા

રિપોર્ટ અનુસાર, ફ્યુચર અને રિલાયન્સે આ મામલે હજુ સુધી કોઈ પ્રતિક્રિયા આપી નથી. ફ્યુચરે શનિવારે સ્ટોક એક્સચેન્જને જણાવ્યું હતું કે કંપની તેની કામગીરીમાં ઘટાડો કરી રહી છે. બિગ બજારે એક ટ્વિટર યુઝરને કહ્યું કે જેઓ બંધ અંગે ફરિયાદ કરી રહ્યા હતા કે તેઓ એ જાણ કરીને ખેદ વ્યક્ત કરે છે કે સ્ટોર્સ હવે બે દિવસથી કામ કરી રહ્યા નથી. ફ્યુચરની ઈ-કોમર્સ મોબાઈલ એપ અને વેબસાઈટ પણ ઓનલાઈન ઓર્ડર લેવા માટે ઉપલબ્ધ નથી.

રિલાયન્સનું આ પગલું મોટું છે. કારણ કે તેણે વર્ષ 2020 થી 3.4 અબજ ડોલરની ડીલ કરવાના અસફળ પ્રયાસો કર્યા હતા, જેમાં તેણે ફ્યુચરની રિટેલ એસેટ્સ હસ્તગત કરવાની હતી. ફ્યુચરની સંલગ્ન Amazon.com Inc એ કોન્ટ્રેક્ટના ઉલ્લંઘનને કારણ બતાવતા ટ્રાન્ઝેક્શન બંધ કરી દીધુ હતુ. ફ્યુચરે કોઈપણ ગેરરીતિનો ઇનકાર કર્યો છે.

રિલાયન્સે કર્મચારીઓને નોકરીની ઓફર પણ કરી

રિલાયન્સે દેવાથી ડૂબેલા કેટલાક ફ્યુચર સ્ટોર્સની લીઝ તેના નામે ટ્રાન્સફર કરી હતી, પરંતુ ફ્યુચરે ચૂકવણી કરી ન હોવાથી હવે તે ટેકઓવર કરી રહી છે. રિલાયન્સે સ્ટોરના કર્મચારીઓને હાલની શરતો પર નોકરીની ઓફર પણ કરી છે. રિપોર્ટ અનુસાર, બિગ બજારના એક કર્મચારીએ રવિવારે કહ્યું કે ભારતના તમામ કર્મચારીઓ, ગ્રાહકો અને તમામ લોકો, અમે બધા બિગ બજાર બ્રાન્ડ સાથે જોડાયેલા છીએ. તેથી, દુઃખ અનુભવાય છે કે આ બધું થઈ રહ્યું છે.

ફ્યુચર-રિલાયન્સ ડીલના માર્ગને અવરોધતા, એમેઝોન લાંબા સમયથી દલીલ કરી રહ્યું છે કે ફ્યુચરે 2019ના સોદાની શરતોનું ઉલ્લંઘન કર્યું હતું જેમાં યુએસ કંપનીએ ભારતીય કંપનીમાં 200 મિલિયન ડોલરનું રોકાણ કર્યું હતું. એમેઝોનને અત્યાર સુધી સિંગાપોરના આર્બિટ્રેટર અને ભારતની કોર્ટનું સમર્થન મળ્યું છે.

આ પણ વાંચો :  Multibagger Stocks: 35 પૈસાના આ શેરે કર્યો કમાલ, 6 મહીનામાં 1 હજાર રૂપિયાના 8 લાખ થયા