Zomato પરથી ફુડ મગાવવું પડશે મોંઘુ, કંપનીએ પ્લેટફોર્મ ફીમાં 25 ટકાનો વધારો કર્યો
Food Delivery App: ફૂડ ડિલિવરી પ્લેટફોર્મ Zomatoએ પ્લેટફોર્મ ફીમાં 25 ટકાનો વધારો કર્યો છે. આ વધારો ગત શનિવારથી જ લાગુ થઈ ગયો છે. હવે ગ્રાહકોએ દરેક ઓર્ડર પર 4 રૂપિયાના બદલે 5 રૂપિયા પ્લેટફોર્મ ફી ચૂકવવી પડશે. જો ગ્રાહકો Zomato ગોલ્ડના સભ્યો હોય તો પણ તેમણે પ્લેટફોર્મ ફી ચૂકવવી જરૂરી છે.
Zomato Platform Fee: જો તમે પણ ઓનલાઈન પ્લેટફોર્મ ઝોમેટો પરથી ફૂડ ઓર્ડર કરો છો, તો આ તમારા માટે ઉપયોગી સમાચાર છે, ઓનલાઈન ફૂડ ડિલિવરી પ્લેટફોર્મ Zomatoએ તેની પ્લેટફોર્મ ફીમાં 25 ટકા એટલે કે પ્રતિ ઓર્ડર પાંચ રૂપિયા કરી દીધો છે.
Zomatoએ ગયા વર્ષે ઓગસ્ટમાં 2 રૂપિયાની પ્લેટફોર્મ ફી રજૂ કરી હતી અને બાદમાં તેને વધારીને 3 રૂપિયા કરી દીધી હતી.હવે ફરી તેમાં વધારો કરવામાં આવ્ય છે.
નવા વર્ષે પણ પ્લેટફોર્મ ફીમાં વધારો કરવામાં આવ્યો હતો
નવા વર્ષના એક દિવસ પહેલા રેકોર્ડ ફૂડ ઓર્ડર્સથી ઉત્સાહિત, તેણે મુખ્ય બજારોમાં તેની ફરજિયાત પ્લેટફોર્મ ફી જાન્યુઆરીમાં રૂ. 3 પ્રતિ ઓર્ડરથી વધારીને રૂ. 4 કરી હતી, નવા પ્લેટફોર્મ ચાર્જ Zomato ગોલ્ડ સહિત તમામ ગ્રાહકો પર લાદવામાં આવ્યો છે. કંપનીએ તેની ઇન્ટર-સિટી ફૂડ ડિલિવરી સેવા સ્થગિત કરી દીધી હતી.
કેટલો ચાર્જ આપવો પડશે
આ ચાર્જ Zomato દ્વારા વસૂલવામાં આવતો ડિલિવરી ચાર્જ ઉપરાંત વધારાનો ચાર્જ છે. જો કે, Zomato ગોલ્ડ મેમ્બરએ ડિલિવરી ચાર્જ ચૂકવવો પડતો નહોતો. પરંતુ મેમ્બરને પણ હવે પ્લેટફોર્મ ફી ચૂકવવી પડશે. નોંધનીય છે કે Zomatoનું પોતાનું ક્વિક-કોમર્સ પ્લેટફોર્મ Blinkit પણ દરેક ઓર્ડર પર હેન્ડલિંગ ચાર્જ તરીકે ઓછામાં ઓછા 2 રૂપિયા વસૂલે છે.
હવે Zomato લગ્ન-પાર્ટી ઓર્ડર પણ લેશે
ઓનલાઈન ફૂડ ડિલિવરી પ્લેટફોર્મ Zomato એ 50 લોકોની ભાગીદારી સાથે ઈવેન્ટ્સ માટે સામાન પહોંચાડવા માટે દેશમાં પ્રથમ વખત મોટા ઓર્ડર લેવાની જાહેરાત કરી છે. Zomatoના ચીફ એક્ઝિક્યુટિવ ઓફિસર (CEO) દીપેન્દ્ર ગોયલે સોશિયલ મીડિયા પ્લેટફોર્મ ‘X’ પર તેમની કેટલીક પોસ્ટમાં આ માહિતી આપી હતી.
ગોયલે કહ્યું, “આજે અમે ભારતની પ્રથમ મુખ્ય ઓર્ડર ટુકડીને રજૂ કરવા માટે રોમાંચિત છીએ. આ ટુકડી તમારા બધા મોટા ઓર્ડર જેમ કે મોટા જૂથો, પાર્ટીઓ અને ઇવેન્ટ્સને સરળતાથી હેન્ડલ કરવામાં સક્ષમ હશે. આ ટુકડી, સંપૂર્ણપણે ઇલેક્ટ્રિક વાહનો પર આધારિત, 50 લોકો સુધી ઓર્ડર પહોંચાડવા માટે રચાયેલ છે.