ECONOMY: ઐતિહાસિક GST કલેક્શન બાદ ડિસેમ્બરમાં વધુ એક સિદ્ધિ, e-invoicesમાં પણ રેકોર્ડ સ્તરે વધારો નોંધાયો

ડિસેમ્બરમાં જીએસટી કલેક્શન 1.15 લાખ કરોડ રૂપિયાના રેકોર્ડ સ્તરે નોંધાયું છે. સરકારે જાહેર કરેલા તાજેતરના આંકડા મુજબ ડિસેમ્બર મહિનામાં કુલ 6.03 કરોડ જીએસટી e-invoices જનરેટ થયા છે. નવેમ્બર મહિનામાં કુલ 5.89 કરોડ e-invoices સામે આ સંખ્યા મોટી છે. 1 ઓક્ટોબર 2020થી 500 કરોડથી વધુ ટર્નઓવરવાળી કંપનીઓને બિઝનેસ ટૂ બિઝનેસ ટ્રાન્ઝેક્શન માટે e-invoices બનાવવી ફરજીયાત કરાયા છે.

માહિતી અને પ્રસારણ મંત્રાલયે જાહેર કરેલી માહિતી મુજબ e-invoices સિસ્ટમ લાગુ થયાને ત્રણ મહિનાથી વધુનો સમય થઈ ગયો છે. આ સિસ્ટમ જીએસટીના ઈતિહાસમાં ગેમ ચેન્જર હોવાનું સાબિત થઈ રહ્યું છે. છેલ્લા ત્રણ મહિનામાં 37 હજારથી વધુ કરદાતાઓએ 16.80 કરોડથી વધુનુ ઈન્વૉઈસેસ રેફરન્સ નંબર (IRN) બનાવ્યું છે.

ઓક્ટોબરમાં કુલ 4.95 કરોડ ઈન્વોઈસ જનરેટ થયા હતા. નવેમ્બરમાં આ આંકડો 5.89 કરોડ અને ડિસેમ્બરમાં 6.03 કરોડ હતો. સરકારે 1 જાન્યુઆરી 2021થી e-invoices સંબંધિત નિયમોમાં ફેરફાર કર્યા છે. હવે 100 કરોડથી વધુના વાર્ષિક ટર્નઓવરવાળી કંપનીઓ IRN એટલે કે ઈન્વોઈસ રેફરન્સ નંબર પણ જનરેટ કરી શકે છે.

આ પણ વાંચો: IIM અમદાવાદના ઐતિહાસિક લુઈસ કહાન બિલ્ડીંગને તોડવાનો નિર્ણય ખેંચાયો પાછો