સાવધાન! 20,000 રૂપિયાનું આ Scam તમારી સાથે થઈ શકે છે, આ રીતે બચાવો પોતાને

UPI પેમેન્ટ સિસ્ટમની શરૂઆતથી દેશમાં ડિજિટલ પેમેન્ટ કરવાનું સરળ બન્યું છે. તેમજ તેને વાપરનારા પણ વધ્યા છે. પરંતુ તેની સાથે ઓનલાઈન પેમેન્ટમાં લોકોમાં છેતરપિંડી પણ વધી છે. દરરોજ સ્કેમ કરનારા લોકો વધી રહ્યા છે. પૈસા કમાવા માટે શોર્ટકટ અપનાવે છે. લોકોએ તેમની મહેનતથી કમાયેલા પૈસા છેતરવા માટે નવા રસ્તાઓ શોધતા રહે છે. જેમ કે હવે 20,000 રૂપિયાની નવી છેતરપિંડી ચાલી રહી છે.

હા, આ દિવસોમાં UPI દ્વારા લોકો સાથે એક સમયે 20,000 રૂપિયા સુધીની છેતરપિંડી થઈ રહી છે. આ માટે સ્કેમર્સે સંપૂર્ણપણે નવી રીત શોધ કાઢી છે. ચાલો આ વિશે સમજીએ…

200માં 20 હજાર લેશે

હવે સ્કેમર્સ લોકોને તેમના UPI એકાઉન્ટમાં 200.00 રૂપિયા મોકલે છે. જે બાદ અચાનક અજાણ્યા નંબર પરથી લોકોને કોલ આવે છે કે તેમણે ભૂલથી 20,000 રૂપિયા ટ્રાન્સફર કરી દીધા છે. તેણે ક્યાંક ઈમરજન્સી પેમેન્ટ કરવું પડશે અથવા તમે આકસ્મિક રીતે રૂપિયા 200.00ની ક્રેડિટનો મેસેજ રૂપિયા 20,000 તરીકે વાંચી લો અને રૂપિયા 20,000 બીજી વ્યક્તિને ફરીથી ટ્રાન્સફર કરી આપો છો. આ રીતે તમારા ખાતામાં ફક્ત 200 રૂપિયા આવે છે, પરંતુ 20,000 રૂપિયા જાય છે. ઝીણવટથી જોવામાં આવે તો રૂપિયા 19,800ની સીધી ખોટ થાય છે.

આવા કોલ દિવસના સમયે આવે છે

આવા કૌભાંડીઓમાં પણ એક પેટર્ન જોવા મળી છે. આવા કોલ્સ મોટાભાગે લોકોને દિવસ દરમિયાન અથવા એવા સમયે કરવામાં આવે છે જ્યારે તેઓ વધુ વ્યસ્ત હોય છે. તેથી તેઓ રૂપિયા 200.00નો મેસેજ યોગ્ય રીતે વાંચવામાં મૂંઝવણમાં મૂકે છે અને પછી રૂપિયા 20,000ની છેતરપિંડી કરે છે.

આવા કૌભાંડોથી પોતાને કેવી રીતે બચાવવું?

આવા કૌભાંડોથી પોતાને બચાવવાનો સૌથી અસરકારક રસ્તો એ છે કે સૌ પ્રથમ તમારે અન્ય વ્યક્તિના કૉલથી ગભરાવું નહીં અથવા પરેશાન થવું જોઈએ નહીં. બીજું એ કે જો બીજી વ્યક્તિ કહે કે તેણે તમારા ખાતામાં પૈસા ટ્રાન્સફર કર્યા છે, તો પહેલા તમારું બેંક બેલેન્સ તપાસો. આ પછી જ કોઈપણ ચુકવણી પરત કરો.

તાજેતરમાં ભારતીય રિઝર્વ બેંક (RBI) એ તેના વાર્ષિક અહેવાલમાં માહિતી આપી હતી કે દેશમાં ડિજિટલ ફ્રોડની સંખ્યામાં 700 ટકાનો વધારો થયો છે. જ્યારે નાણાકીય વર્ષ 2022-23માં તેમની સંખ્યા 9,046 હતી, તે 2023-24માં વધીને 36,075 થઈ ગઈ છે.