કંપની છોડી રહેલા કર્મચારીઓને રોકવા માટે IT કંપનીએ Diwali 2021 પર કરી બમ્પર બોનસ અને પ્રમોશનની જાહેરાત
સપ્ટેમ્બર ક્વાર્ટરમાં કંપનીની આવક વાર્ષિક ધોરણે 11 ટકાની વૃદ્ધિ નોંધાવી છે. જુલાઈ-સપ્ટેમ્બર ક્વાર્ટરમાં કંપનીની કુલ રેવન્યુ 4.7 બિલિયન ડોલર રહી હતી. આ ક્વાર્ટરમાં કંપનીએ 17 હજાર નવા કર્મચારીઓની ભરતી કરી છે.
કોરોના (Corona Virus) યુગમાં આઈટી કંપનીઓમાં મોટાપાયે હાયરીંગ ચાલી રહ્યું છે. બીજી તરફ આ કંપનીઓ કંપની છોડીને જતા કર્મચારીઓની ઝડપથી પરેશાન છે. ઉદ્યોગમાં આને એટ્રિશન રેટ કહેવામાં આવે છે. વધતા એટ્રિશન રેટને ધ્યાનમાં રાખીને આ IT કંપનીએ દિવાળી 2021 પર તેના કર્મચારીઓ માટે બમ્પર બોનસની જાહેરાત કરી છે. આઈટી જાયન્ટ કોગ્નિઝન્ટ ટેક્નોલોજીના સીઈઓએ જણાવ્યું હતું કે કંપની આ અનિશ્ચિત વાતાવરણમાં તેના કર્મચારીઓને જાળવી રાખવા માટે જંગી બોનસ આપશે.
કોગ્નિઝન્ટ ટેક્નોલોજી સોલ્યુશન્સ આઈટી સેક્ટરમાં સૌથી વધુ એટ્રિશન રેટ ધરાવે છે. આ કંપનીમાં કર્મચારીઓની નોકરી છોડવાનો દર 33 ટકા છે. કંપનીના ચીફ એક્ઝિક્યુટિવ ઓફિસર Brian Humphries કહ્યું કે ચોથા ક્વાર્ટરમાં કંપની શાનદાર બોનસ આપશે. આ સિવાય પ્રમોશન પણ આપવામાં આવશે. કંપનીના બે તૃતીયાંશ કર્મચારીઓ ભારતમાં કામ કરે છે.
રેવન્યુમાં 11 ટકાનો ઉછાળો
સપ્ટેમ્બર ક્વાર્ટરમાં કંપનીની આવક વાર્ષિક ધોરણે 11 ટકાની વૃદ્ધિ નોંધાવી છે. જુલાઈ-સપ્ટેમ્બર ક્વાર્ટરમાં કંપનીની કુલ રેવન્યુ 4.7 બિલિયન ડોલર રહી હતી. આ ક્વાર્ટરમાં કંપનીએ 17 હજાર નવા કર્મચારીઓની ભરતી કરી છે. કોગ્નિઝન્ટમાં કુલ કર્મચારીઓની સંખ્યા 3,18, 400 છે. છેલ્લા એક વર્ષમાં કંપનીએ પોતાની ટીમમાં 35 હજાર નવા લોકોને જગ્યા આપી છે.
આ વર્ષ શાનદાર રહેવાની આશા છે
આ અમેરિકન મલ્ટી-નેશનલ કંપની આ નાણાકીય વર્ષમાં તેની આવક વાર્ષિક ધોરણે 9.8 ટકા વધવાની અપેક્ષા રાખે છે. વર્ષ 2021માં કંપનીની આવક 18.5 બિલિયન હોવાનો અંદાજ છે. કંપનીના ઈતિહાસમાં આ સૌથી વધુ વાર્ષિક રેવન્યુ હશે.
TCS પાસે એટ્રિશન રેટ સૌથી ઓછો છે
છેલ્લા 12 મહિનાના આધાર પર સપ્ટેમ્બર ક્વાર્ટરમાં TCSનો એટ્રિશન રેટ 11.90 ટકા છે, જે સૌથી ઓછો છે. આ ક્વાર્ટરમાં ઈન્ફોસિસનો એટ્રિશન રેટ 20.10 ટકા, વિપ્રોનો 20.50 ટકા અને HCLનો 15.70 ટકા છે.
