Bytedanceનાં ભારતમાંથી સંકેલશે વાવટા, TikTok પરથી બેન નહી હટતા કર્મચારીઓની છટણીના સંકેત આપ્યા
ભારતમાં TikTok ઉપર પ્રતિબંધ બાદ પરત ફરવાના સંકેત નજરે ન પડતા ચાઇનીસ કંપની ByteDance એ ભારતમાં સ્ટાફની છટણી કરવાના સંકેત આપ્યા છે.
ભારતમાં TikTok ઉપર પ્રતિબંધ બાદ પરત ફરવાના સંકેત નજરે ન પડતા ચાઇનીસ કંપની ByteDance એ ભારતમાં સ્ટાફની છટણી કરવાના સંકેત આપ્યા છે. કંપની અનુસાર કોઈ અણસાર નથી કે ચાઇનીસ એપ ભારતમાં ક્યારે એક્ટિવ થશે?
કંપનીએ તેની લોકપ્રિય TikTok video app પર પ્રતિબંધના કારણે બુધવારે આંતરિક મેમોમાં કર્મચારીઓને સંકેત આપ્યા હતા.નિયમ પાલન અને ગોપનીયતા જેવા મુદ્દાઓ પર TikTok અને 58 અન્ય ચીની એપ્લિકેશનો પરનો પ્રતિબંધ જાળવી રાખવાના ભારતના નિર્ણય લેવામાં આવ્યા બાદ કંપનીએ આ પગલું ભર્યું છે.
ભારતીય સૈનિકો ઉપર ચાલાક ચીનના હુમલાની ઘટના બાદ ગયા વર્ષથી પ્રતિબંધ યથાવત છે. ByteDance એ ભારતના કર્મચારીઓને મેમોમાં લખ્યું હતું કે “અમને શરૂઆતમાં આશા હતી કે આ સ્થિતિ ટૂંકા સમયગાળા માટે રહેશે … અમને લાગે છે કે એવું બન્યું નથી.” વધુમાં ઉમેર્યું હતું કે “જ્યારે આપણી એપ્લિકેશનો કાર્યરત નહિ રહે ત્યારે અમે જવાબદારીપૂર્વક સંપૂર્ણ રીતે કર્મચારી રાખી શકતા નથી … આપણે જાણતા નથી કે આપણે ભારતમાં કમબેક ક્યારે કરીશું.” એક નિવેદનમાં ટિકટોકે કહ્યું કે તે નિરાશાજનક છે કે તેના પ્રયત્નો છતાં પણ તેની એપ્લિકેશન્સને કેવી રીતે અને ક્યારે ઇન્સ્ટોલ કરી શકાય તે અંગે સ્પષ્ટ નિર્દેશ મળી રહ્યા નથી.
“તે ખૂબ જ દુ:ખની વાત છે કે ભારતમાં અડધા વર્ષથી વધુ સમય માટે અમારા 2000 કરતા વધારે કર્મચારીઓને ટેકો આપ્યા પછી, અમારી પાસે અમારા પીછેહઠ સિવાય કોઈ વિકલ્પ નથી,” પરંતુ તેમાં કોઈ સ્પષ્ટતા આપવામાં આવી નથી.ભારત સરકારે એપ્લિકેશન્સના પ્રતિબંધને “prejudicial to sovereignty and integrity of India”તરીકે વર્ણવ્યું હતું. આ પગલું વિવાદિત હિમાલયની સરહદ સ્થળે ચીની સૈનિકો સાથેની ઘર્ષણ પછી બન્યું હતું જેમાં 20 ભારતીય સૈનિકો શાહિદ થયા હતા.
TikTok એ આ ક્ષેત્રમાં 1 બિલિયન ખર્ચ કરવાની ખાતરી આપી હતી. પ્રતિબંધ પહેલાં તે ભારતમાં સૌથી ઝડપથી વિકસતી સોશિયલ મીડિયા એપ્લિકેશનોમાંની એક બની ગઈ હતી, જે એક વખત વપરાશકર્તાઓની દ્રષ્ટિએ તેનું સૌથી મોટું બજાર હતું.