Bank Holidays in August 2022 : ઓગસ્ટ મહિનામાં 17 દિવસ બેંકો બંધ રહેશે, યાદી તપાસી કરો કામનું પ્લાનિંગ નહીંતર પડશો મુશ્કેલીમાં
Bank Holidays in August 2022 : RBIની અધિકૃત વેબસાઇટ પર આપવામાં આવેલ Bank Holidays List 2022 મુજબબીજા અને ચોથા શનિવાર અને રવિવારે સાપ્તાહિક રજા રહેશે. એકંદરે બેંકો આવતા મહિને 17 દિવસ કામ કરશે નહીં.
Bank Holidays in August 2022 : ઓગસ્ટ મહિનાને તહેવારોના મહિના તરીકે ઓળખાય છે. ઓગસ્ટમાં રક્ષાબંધન (Rakshabandhan), જન્માષ્ટમી (Janmashtami), ગણેશ ચતુર્થી(Ganesh Chaturthi) અને પારસી નવું વર્ષ તેમજ સ્વતંત્રતા દિવસ (Independence Day) જેવા મોટા તહેવારો આવે છે. રિઝર્વ બેંક ઓફ ઈન્ડિયા (RBI) એ ઓગસ્ટ મહિનાની રજાઓની યાદી જાહેર કરી છે. આગામી મહિનામાં શનિવાર અને રવિવારની રજાઓ સહિત 17 દિવસ બેંકો બંધ રહેશે. જો તમારી પાસે ઓગસ્ટમાં બેંકને લગતું કોઈ કામ હોય તો રજાઓની માહિતી ચોક્કસજાણી લેવી જોઈએ. એવું ન થાય કે જે દિવસે તમે બેંકમાં જાઓ છો તે દિવસે બેંક બંધ હોય અને તમારે કોઈ કામ વિના પાછા ફરવું પડે.
રાજ્ય મુજબની રજાઓ અલગ – અલગ હોય છે
આ બધી રજાઓ તમામ રાજ્યોમાં એકસાથે લાગુ થશે નહીં. RBI (Bank Holidays List 2022) ની અધિકૃત વેબસાઇટ પર આપવામાં આવેલી રજાઓની યાદી અનુસાર બેંકિંગ રજાઓ પણ વિવિધ રાજ્યોમાં ઉજવાતા તહેવારો અથવા તે રાજ્યોમાં વિશેષ પ્રસંગોની સૂચના પર આધારિત છે. તેથી એવું નથી કે આખા દેશમાં ઓગસ્ટ મહિનામાં 17 દિવસ બેંકો કામ કરશે નહીં.
Bank Holidays in August 2022 ની યાદી આ મુજબ છે
- 1 ઓગસ્ટ 2022 – દ્રુપકા શે-જી ઉત્સવ (ગંગટોકમાં બેંકો બંધ રહેશે)
- 7 ઓગસ્ટ 2022 – પ્રથમ રવિવાર
- 8 ઓગસ્ટ 2022 – મોહરમ (જમ્મુ અને શ્રીનગરમાં બેંકોને રજા રહેશે)
- 9 ઓગસ્ટ 2022 – ચંદીગઢ, ગુવાહાટી, ઇમ્ફાલ, દેહરાદૂન, શિમલા, તિરુવનંતપુરમ, ભુવનેશ્વર, જમ્મુ, પણજી, શિલોંગ સિવાય સમગ્ર દેશમાં બેંકો બંધ રહેશે.
- 11 ઓગસ્ટ 2022 – રક્ષાબંધન (અમદાવાદ, ભોપાલ, દેહરાદૂન, જયપુર શિમલામાં રજા રહેશે)
- 12 ઓગસ્ટ – કાનપુર લખનૌમાં બેંકો કામ કરશે નહીં
- 13 ઓગસ્ટ 2022 – બીજો શનિવાર
- 14 ઓગસ્ટ 2022-રવિવાર
- 15 ઓગસ્ટ 2022 – સ્વતંત્રતા દિવસ
- 16 ઓગસ્ટ 2022 – પારસી નવું વર્ષ (મુંબઈ અને નાગપુરમાં બેંક હોલીડે)
- 18 ઓગસ્ટ 2022 – જન્માષ્ટમી (ભુવનેશ્વર, કાનપુર, દેહરાદૂન, લખનૌમાં બેંકોને રજા રહેશે)
- 19 ઓગસ્ટ 2022 – જન્માષ્ટમી – અમદાવાદ, ભોપાલ ચંદીગઢ ચેન્નાઈ ગંગટોક, જયપુર જમ્મુ, પટના રાયપુર રાંચી, શિલોંગ, શિમલા અને શ્રીનગરમાં બેંકો બંધ રહેશે
- 20 ઓગસ્ટ 2022 -હૈદરાબાદમાં બેંકો બંધ રહેશે.
- 21 ઓગસ્ટ 2022 – રવિવાર
- 28 ઓગસ્ટ 2022-રવિવાર
- 29 ઓગસ્ટ -ગુવાહાટીમાં રજા
- 31 ઓગસ્ટ 2022 – ગણેશ ચતુર્થી (ગુજરાત, મહારાષ્ટ્ર, કર્ણાટકમાં બેંકો બંધ રહેશે)
રજાની યાદી તપાસી કામનું પ્લાનિંગ કરવું જોઈએ
RBIની અધિકૃત વેબસાઇટ પર આપવામાં આવેલ Bank Holidays List 2022 મુજબબીજા અને ચોથા શનિવાર અને રવિવારે સાપ્તાહિક રજા રહેશે. એકંદરે બેંકો આવતા મહિને 17 દિવસ કામ કરશે નહીં. તમને જણાવી દઈએ કે ગ્રાહકો આ સમય દરમિયાન ATM, ઈન્ટરનેટ બેન્કિંગ, નેટ બેન્કિંગ અને અન્ય સેવાઓનો ઉપયોગ કરી શકે છે.
Latest News Updates
