માનસિક સ્વાસ્થ્ય માટે કયા યોગ અને પ્રાણાયામ સારા છે? બાબા રામદેવ પાસેથી શીખો

દરેક વ્યક્તિ યાદશક્તિ વધારવા અને સારી એકાગ્રતા જાળવવા માટે રોજબરોજ નવા રસ્તાઓ શોધે છે. બાળકોથી લઈને પુખ્ત વયના લોકો સુધી, અભ્યાસ કરતા હોય કે ઓફિસમાં કામ કરતા હોય, દરેક જગ્યાએ મગજ તેજ હોવું જરૂરી છે. આથી, સ્વામી રામદેવે કેટલાક આસનો સૂચવ્યા છે જેનો દરરોજ અભ્યાસ કરવાથી મગજની શક્તિ અને યાદશક્તિ બંનેમાં સુધારો થઈ શકે છે.

બાબા રામદેવ “કાન પકડીને ઊઠક-બેઠક” કરવાની ભલામણ કરે છે. આ કસરતથી મગજને એનર્જિ મળે છે. આ માત્ર બાળકોની એકાગ્રતામાં સુધારો કરતું નથી પરંતુ પુખ્ત વયના લોકોમાં માનસિક થાકને પણ દૂર કરે છે.

સૂર્ય નમસ્કાર રક્ત પરિભ્રમણમાં સુધારો કરે છે

સ્વામી રામદેવના મતે, સૂર્ય નમસ્કાર ખૂબ જ ફાયદાકારક યોગાભ્યાસ છે. દરરોજ સૂર્ય નમસ્કારના થોડા રાઉન્ડ કરવાથી શરીરમાં રક્ત પરિભ્રમણ સુધરે છે અને મગજને વધુ ઓક્સિજન મળે છે. આ મનને સક્રિય અને તાજગી આપે છે. વધુમાં, પુશ-અપ્સ જેવી કસરતો પણ શરીર અને મનને મજબૂત બનાવવામાં મદદ કરે છે.

પ્રાણાયામ યાદશક્તિ સુધારે છે

પ્રાણાયામ અથવા શ્વાસ લેવાની કસરતો માનસિક સ્વાસ્થ્ય માટે જરૂરી માનવામાં આવે છે. ઊંડા શ્વાસ, કપાલભાતિ અને અનુલોમ-વિલોમ કસરત તણાવ ઘટાડે છે અને માનસિક શાંતિ આપે છે.

આહારમાં સુધારો કરો

યોગ અને પ્રાણાયામની સાથે યોગ્ય આહાર પણ મહત્વપૂર્ણ છે. જો તમારો આહાર પૌષ્ટિક ન હોય, તો તમારું મગજ તેની સંપૂર્ણ ક્ષમતા મુજબ કામ કરી શકશે નહીં. સ્વામી રામદેવ માને છે કે, તાજા ફળો અને લીલા શાકભાજી રોજ ખાવા જોઈએ. તળેલા, મીઠા અને જંક ફૂડથી શક્ય તેટલું દૂર રહો. વધુમાં, દિવસભર પૂરતું પાણી પીવું મહત્વપૂર્ણ છે.

આટલું ધ્યાન રાખજો

સૌથી મહત્વની બાબત એ છે કે, યોગ અને પ્રાણાયામનો તમારે દરરોજ અભ્યાસ કરવો પડશે. જો તમે આ કસરત નિયમિતપણે થોડી મિનિટો માટે પણ કરશો, તો તમારી યાદશક્તિ અને એકાગ્રતા ધીમે ધીમે સુધરશે. આ ઉપરાંત, તણાવ ઓછો કરવાનો પ્રયાસ કરો અને પૂરતી ઊંઘ લો. તણાવ અને ઊંઘનો અભાવ મગજ પર અસર કરે છે અને યાદશક્તિ નબળી પડે છે.