માત્ર બે મહિનામાં સેન્સેક્સે 6 હજાર અંકની લગાવી છલાંગ
કોરોનાકાળમાં આર્થિક કટોકટીની સ્થિતિ સર્જાવા છતાં ભારતીય શેરબજારે મજબૂતી ટકાવી રાખી છે. 8 ઓક્ટોબરે 40 હજાર નજીક ટ્રેડિંગ કરતા સેન્સેક્સે માત્ર બે મહિનામાં 6 હજાર પોઈન્ટની છલાંગ ભરી આજે 46 હજારના પડાવને પાર કર્યો છે. આજે 494 અંકની વૃદ્ધિ સાથે બજારે સર્વોચ્ચ 46,103.50 અંકની સપાટી દર્જ કરી છે. Facebook પર તમામ મહત્વના સમાચાર વાંચવા માટે […]
કોરોનાકાળમાં આર્થિક કટોકટીની સ્થિતિ સર્જાવા છતાં ભારતીય શેરબજારે મજબૂતી ટકાવી રાખી છે. 8 ઓક્ટોબરે 40 હજાર નજીક ટ્રેડિંગ કરતા સેન્સેક્સે માત્ર બે મહિનામાં 6 હજાર પોઈન્ટની છલાંગ ભરી આજે 46 હજારના પડાવને પાર કર્યો છે. આજે 494 અંકની વૃદ્ધિ સાથે બજારે સર્વોચ્ચ 46,103.50 અંકની સપાટી દર્જ કરી છે.
છેલ્લા 6 દિવસથી ભારતીય શેરબજાર સતત વૃદ્ધિ જાળવી રાખી એક પછી એક નવી સર્વોચ્ચ સપાટી દર્જ કરી રહ્યું છે. સેન્સેક્સમાં સતત થતો વધારો બજારની મજબૂત સ્થિતિ વર્ણવી રહ્યો છે. અનલોક બાદ શેરબજારમાં પણ નવો જોશ જોવા મળ્યો છે. વેકસીન બજારમાં જલ્દી આવવાના અહેવાલોએ પણ સમયાંતરે પ્રાણ પૂર્યા છે તો વૈશ્વિક બજારમાં પણ સારી સ્થિતિથી ભારતીય શેરબજારને વૃદ્ધિનો મુકામ હાંસલ કરવામાં સારી મદદ મળી છે.
8 ઓક્ટોબરે ભારતીય શેરબજારમાં સેન્સેક્સ 40,182 ના સ્તરે નોંધાયો હતો. જેને 41 હજારના પડાવ સુધી પહોંચતા 25 દિવસ જેવો સમય લાગ્યો, પરંતુ નવેમ્બર માસથી બજારમાં સતત બુલ હાવી રહ્યો છે. 9 નવેમ્બરે 42,597, 4 ડિસેમ્બરે 45,079 અને આજે 9 ડિસેમ્બરે 46,103નો પડાવ સેન્સેક્સે પસાર કરી નાખ્યો છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો