Budget 2022: સ્ટાર્ટઅપ્સ અને ફિનટેક ક્ષેત્રે પ્રોત્સાહન ચાલુ રાખે સરકાર, પાછલા વર્ષોમાં થઈ છે જબરદસ્ત વૃદ્ધિ
જેટાના બેન્કિંગ અધ્યક્ષ મુરલી નાયરનું કહેવું છે કે, 2021નું વર્ષ ભારતીય ફીનટેક અને સ્ટાર્ટઅપ કંપનીઓ માટે અભૂતપૂર્વ રહ્યું. સામાન્ય બજેટ 2022-23માં આ ક્ષેત્રની મોટી વૃદ્ધિને ધ્યાનમાં લેવી પડશે અને આગામી સમયમાં આ ક્ષેત્રનો વિકાસ ચાલુ રહે તે માટે પ્રોત્સાહનો ચાલુ રાખવા પડશે.
કોરોના મહામારી (Corona Pandemic) દરેક ક્ષેત્રને અસર કરી છે અને વિશ્વભરની અર્થવ્યવસ્થાને પ્રભાવિત થઈ છે. પરંતુ મહામારીના સમયગાળા દરમિયાન પણ કેટલાક ક્ષેત્રોમાં જબરદસ્ત વૃદ્ધિ પણ નોંધાઈ છે. આવું જ એક ક્ષેત્ર ફાઇનાન્શિયલ ટેક્નોલોજી એટલે કે ફિનટેક (Fintech Sector) છે. સાથે જ સ્ટાર્ટઅપ વર્લ્ડ તરફથી પણ સારા સમાચાર આવ્યા છે. ખાસ કરીને ભારતની વાત કરીએ તો વર્ષ 2021માં આ બંને ક્ષેત્રોમાંથી સારા સમાચાર આવ્યા છે.
હવે થોડા દિવસો પછી ભારતનું સામાન્ય બજેટ રજૂ થવા જઈ રહ્યું છે. આવી સ્થિતિમાં, આ ઉદ્યોગો સાથે સંકળાયેલા નિષ્ણાતો ફિનટેક અને સ્ટાર્ટઅપના ક્ષેત્રમાં ગતિવિધિઓને ધ્યાનમાં રાખીને વાત કરી રહ્યા છે. વર્ષ 2021 ભારતીય ફિનટેક અને સ્ટાર્ટઅપ કંપનીઓ માટે અભૂતપૂર્વ રહ્યું છે. આ વર્ષે 40 થી વધુ સ્ટાર્ટઅપ્સે યુનિકોર્નનો દરજ્જો પ્રાપ્ત કર્યો છે.
એટલું જ નહીં, 2021માં આ ઉદ્યોગમાં જબરદસ્ત વૃદ્ધિ જોવા મળી હતી. બીજી તરફ, ફિનટેક ઉદ્યોગ વિશે વાત કરીએ તો, આ સમયગાળા દરમિયાન ભારતમાં ડિજિટલ પેમેન્ટના ક્ષેત્રમાં ભારે વૃદ્ધિ જોવા મળી હતી. આ વર્ષે લોકોએ મોટા પ્રમાણમાં પેમેન્ટની ડિજિટલ પદ્ધતિઓ અપનાવી છે. સામાન્ય બજેટ 2022-23માં આ ક્ષેત્રની મોટી વૃદ્ધિને ધ્યાનમાં લેવી પડશે અને આગામી સમયમાં આ ક્ષેત્રનો વિકાસ ચાલુ રહે તે માટે પ્રોત્સાહનો ચાલુ રાખવા પડશે.
આ ક્ષેત્ર પારદર્શિતા લાવવામાં મહત્વની ભૂમિકા ભજવી શકે છે
ડિજિટલ પેમેન્ટના ક્ષેત્રમાં તેજીને જોતા, આ વખતના બજેટમાં ગ્રાહકો, વેપારીઓ અને આ માટે ઇકોસિસ્ટમને મજબૂત કરનારા લોકો માટે ટેક્સ પ્રોત્સાહન આપવાનું વિચારવું જોઈએ. ડિજિટલ પેમેન્ટ માટે એક કાર્યક્ષમ ઇકોસિસ્ટમ આર્થિક વિકાસ માટે ફોર્સ મલ્ટીપ્લેયર સાબિત થઈ શકે છે. આ ક્ષેત્રને પ્રોત્સાહન આપીને આર્થિક વિકાસને વેગ આપી શકાય છે. સાથે જ આ પારદર્શિતા લાવવામાં પણ મહત્વપુર્ણ ભૂમિકા ભજવે છે.
ફિનટેક ક્ષેત્રમાં નવીનતાને વેગ આપવા માટે બજેટમાં બેંકો અને ફિનટેક વચ્ચેની વધુ ભાગીદારીને પણ સમર્થન આપવું જોઈએ. આનાથી અર્થતંત્રને નાણાકીય સમાવેશના ખ્યાલને મજબૂત બનાવવામાં મદદ મળશે. અમે અપેક્ષા રાખીએ છીએ કે નવા બજેટમાં મોર્ડન પેમેન્ટ ફ્રેમવર્ક તૈયાર કરવા માટે જરૂરી પહેલોનો સમાવેશ કરવામાં આવશે જે આવનારી પરિવર્તનની લહેરમાં પણ શાનદાર રીતે અને મજબૂત રીતે કાર્ય કરી શકશે.
આ પણ વાંચો : Budget 2022 Expectations: મહિલા ઉદ્યોગ સાહસિકોની નાણામંત્રી સીતારમણ પાસેથી અપેક્ષાઓ, બજાર પ્રમાણે તાલીમ આપવાની માંગ
