Gujarat Corona Update: રાજ્યમાં દર કલાકે નોંધાઈ રહ્યા છે 37 પોઝીટીવ કેસ, સંક્રમિતોની સંખ્યા 800ને પાર

Gujarat Corona Update:  રાજ્યમાં દર કલાકે નોંધાઇ રહ્યા છે 37 પોઝિટિવ કેસ. જી હા ચિંતાજનક રીતે રાજ્યમાં કોરોના મહામારી વકરી રહી છે. કોરોના વિસ્ફોટને પગલે રાજ્યમાં ચાલુ વર્ષે પ્રથમવાર સંક્રમિતોની સંખ્યા 800ને પાર પહોંચી છે અને રાજ્યમાં નવા 890 કેસ નોંધાયા છે

Gujarat Corona Update:  રાજ્યમાં દર કલાકે નોંધાઇ રહ્યા છે 37 પોઝિટિવ કેસ. જી હા ચિંતાજનક રીતે રાજ્યમાં કોરોના મહામારી વકરી રહી છે. કોરોના વિસ્ફોટને પગલે રાજ્યમાં ચાલુ વર્ષે પ્રથમવાર સંક્રમિતોની સંખ્યા 800ને પાર પહોંચી છે અને રાજ્યમાં નવા 890 કેસ નોંધાયા છે તો એક દર્દીનું કોરોનાથી મોત નિપજ્યું છે જ્યારે 594 દર્દીઓ સાજા થયા છે. કોરોનાની સ્થિતિ પર નજર કરીએ તો અત્યાર સુધી રાજ્યમાં કુલ 2 લાખ 69 હજાર 955 દર્દીઓ કોરોનાને હરાવી ચૂક્યા છે અને કુલ મૃત્યુઆંક 4,425 પર પહોંચ્યો છે જ્યારે રાજ્યમાં એક્ટિવ કેસની સંખ્યામાં પણ ચિંતાજનક રીતે વધારો નોંધાયો છે.

રાજ્યમાં એક્ટિવ કેસોની સંખ્યા વધીને 4,717 પર પહોંચી છે તો વેન્ટિલેટર પરના દર્દીઓની સંખ્યા વધીને 56 થઇ છે સાથે જ સાજા થવાનો દર ઘટીને 96.72 ટકાએ પહોંચ્યો છે જો રાજ્યના મહાનગરોની સ્થિતિ પર નજર કરીએ તો સુરતમાં એક દર્દીના મોત સાથે સૌથી વધુ 262 પોઝિટિવ કેસ નોંધાયા છે જ્યારે અમદાવાદમાં નવા 209 કેસ નોંધાયા. જ્યારે વડોદરામાં 93 અને રાજકોટમાં 95 પોઝિટિવ કેસ નોંધાયા.

તો આ તરફ અમદાવાદમાં પણ કોરોના આક્રમક ગતિએ આગળ વધી રહ્યો છે અને પોઝિટિવ કેસમાં વધારાનો સિલસિલો યથાવત રહ્યો છે અમદાવાદમાં નવા 209 કેસ નોંધાયા. અમદાવાદ શહેરમાં 205 કેસ નોંધાવાની સાથે 148 દર્દીઓ સાજા થયા જ્યારે અમદાવાદ જિલ્લામાં 4 કેસ નોંધાવાની સાથે 2 દર્દીઓ સાજા થયા..જોકે વધી રહેલા સંક્રમણ વચ્ચે શહેરના 8 વોર્ડમાં રાત્રી બજારો બંધ કરવા તંત્રએ ફરમાન જાહેર કર્યું છે..

 

Click on your DTH Provider to Add TV9 Gujarati