Ganesh Chaturthi 2025 : 26 કે 27 ઓગસ્ટ, ગુજરાત સહિત દેશમાં ગણેશ ઉત્સવ કયા દિવસથી શરૂ થશે? જોઈ લો પંચાંગ

સનાતન ધર્મમાં ગણેશ મહોત્સવનું વિશેષ મહત્વ છે. આ પવિત્ર તહેવાર મહારાષ્ટ્ર, ગુજરાત સહિત ભારતના અનેક રાજ્યોમાં તેમજ વિદેશમાં પણ ઉત્સાહપૂર્વક ઉજવવામાં આવે છે. ખાસ કરીને મહારાષ્ટ્રમાં આ મહોત્સવ દરમિયાન ઘરો અને પંડાલોમાં ગણપતિ બાપ્પાની પ્રતિમાઓ સ્થાપિત કરીને પૂજા-અર્ચના કરવામાં આવે છે.

માન્યતા છે કે ભગવાન ગણેશની પૂજા કરવાથી સુખ-સમૃદ્ધિ, સૌભાગ્ય અને શાંતિ પ્રાપ્ત થાય છે તેમજ જીવનમાંથી દુ:ખ અને સંકટ દૂર થાય છે. સનાતન પરંપરા અનુસાર, કોઈપણ શુભ કાર્ય કરતાં પહેલાં ભગવાન ગણેશનું પૂજન અવશ્ય કરવામાં આવે છે.

ગણેશ મહોત્સવ ક્યારે શરૂ થશે?

દર વર્ષે ગણેશ મહોત્સવ ભાદ્રપદ મહિનાની શુક્લ પક્ષની ચતુર્થીથી શરૂ થાય છે અને ચતુર્દશી સુધી ઉજવવામાં આવે છે. આ અવધિ દરમિયાન દસ દિવસ સુધી ભક્તિભાવથી પૂજા કરવામાં આવે છે.

આ વર્ષે હર્તાલિકા તૃતીયા 25 ઑગસ્ટ બપોરે 12:34 વાગ્યે શરૂ થઈને 26 ઑગસ્ટ બપોરે 01:54 વાગ્યે પૂર્ણ થશે. જ્યોતિષીઓના મતે, હર્તાલિકા તીજ 26 ઑગસ્ટે ઉજવાશે.

ચંદ્ર દેવને સમર્પિત ચૌર્ચન તહેવાર 26 ઑગસ્ટે ઉજવાશે, ખાસ કરીને બિહાર અને મિથિલા વિસ્તારમાં આ તહેવાર ધામધૂમથી મનાવવામાં આવે છે.

આ વર્ષે ગણેશ મહોત્સવ 27 ઑગસ્ટ 2025થી શરૂ થશે અને વિસર્જન 6 સપ્ટેમ્બર 2025ના રોજ થશે. ગણેશ ચતુર્થી માટે ઉદય તિથિ માન્ય હોવાથી આ તિથી  યોગ્ય છે.

પંચાંગ જુઓ

• સૂર્યોદય – સવારે 06:28 વાગ્યે
• સૂર્યાસ્ત – સાંજે 06:14 કલાકે
• ચંદ્રોદય – સવારે 08:52 વાગ્યે
• ચંદ્રાસ્ત – રાત્રે 08:28 કલાકે
• બ્રહ્મ મુહૂર્ત – સવારે 03:58 થી 04:43 સુધી
• વિજયા મુહૂર્ત – બપોરે 01:58 થી 02:49 સુધી
• સંધિકાળ મુહૂર્ત – સાંજે 06:14 થી 06:36 સુધી
• નિશિતા મુહૂર્ત – બપોરે 11:28 થી 12:13 સુધી

ગણેશ ઉત્સવની શરૂઆત 1893માં મહારાષ્ટ્રમાં લોકમાન્ય બાલ ગંગાધર તિલક દ્વારા કરવામાં આવી હતી. તે સમયે દેશમાં આઝાદીની લડાઈ ચાલી રહી હતી. ગણેશ ઉત્સવના અન્ય સમાચાર વાંચવા અહીં ક્લિક કરો..