દેશની સૌથી મોટી સરકારી બેંક SBI એ જૂન ક્વાર્ટરમાં રેકોર્ડબ્રેક કમાણી કરી, નફો 55 ટકા વધારા સાથે 6504 કરોડ થયો

દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (SBI) એ જૂન ક્વાર્ટરમાં રેકોર્ડ પ્રોફિટ કર્યો છે. નાણાકીય વર્ષ 2021-22ના એપ્રિલ-જૂન ક્વાર્ટરમાં SBIનો સ્વતંત્ર ચોખ્ખો નફો 55 ટકા વધીને 6,504 કરોડ રૂપિયા થયો છે. આ અગાઉ નાણાકીય વર્ષ 2020-21ના પ્રથમ ક્વાર્ટરમાં બેંકને 4,189.34 કરોડનો ચોખ્ખો નફો થયો હતો. બેંકે કહ્યું છે કે બેડ લોનમાં ઘટાડાથી ફાયદો થયો છે.

રેગ્યુલેટરી ફાઇલિંગ મુજબ નાણાકીય વર્ષ 2021-22ના પ્રથમ ક્વાર્ટરમાં બેંકની એકલ કુલ આવક વધીને રૂ 77,347.17 કરોડ થઈ છે. એક વર્ષ પહેલા સમાન ક્વાર્ટરમાં 74,457.86 કરોડ. બેન્ક નોન-પરફોર્મિંગ એસેટ્સ (NPA) જૂનના અંતે ઘટીને 5.32 ટકા થઈ ગઈ છે જે ગયા વર્ષના જૂનના અંતે 5.44 ટકા હતી. તેવી જ રીતે, નેટ એનપીએ પણ જૂન 2020 માં ઘટીને 1.7 ટકા થઈ ગયું, જે એક વર્ષ અગાઉ 1.8 ટકા હતું.

ઓપરેટિંગ પ્રોફિટ 5.06 ટકા વધ્યો એકીકૃત ધોરણે એસબીઆઈનો ચોખ્ખો નફો 55 ટકા વધીને રૂ 7,379.91 કરોડ થયો છે જે એક વર્ષ અગાઉના સમાન ત્રિમાસિક ગાળામાં રૂ 4,776.50 કરોડ હતો. એ જ રીતે કુલ આવક 87,984.33 કરોડથી વધીને 93,266.94 કરોડ થઈ છે. આ સમયગાળા દરમિયાન બેંકનો ઓપરેટિંગ નફો 5.06 ટકા વધીને રૂ 18,975 કરોડ થયો છે જે ગયા વર્ષના સમાન ક્વાર્ટરમાં રૂ. 18,061 કરોડ હતો.

ક્વાર્ટર-દર-ક્વાર્ટર ધોરણે બેંકની જોગવાઈ રૂ 11,051 કરોડથી વધીને 10,052 કરોડ થઈ છે. બીજી તરફ ગયા વર્ષે સમાન ક્વાર્ટરમાં બેન્કે 12,501 કરોડની જોગવાઈ કરી હતી. પ્રથમ ક્વાર્ટરમાં બેન્કનું નેટ ઇન્ટરેસ્ટ માર્જિન ત્રિમાસિક ધોરણે 3.11 ટકાથી વધીને 3.15 ટકા થયું છે. ત્રિમાસિક ધોરણે બેન્કની એનપીએ માટેની જોગવાઈ જૂન ક્વાર્ટરમાં રૂ 9,914.2 કરોડથી ઘટીને રૂ 5,029.8 કરોડ થઈ છે. ગયા વર્ષના પ્રથમ ક્વાર્ટરમાં બેન્કે NPA માટે 9,420 કરોડ રૂપિયાની જોગવાઈ કરી હતી.

આ પણ વાંચો : Kumar Mangalam Birlaએ VI ના નોન-એક્ઝિક્યુટિવ ચેરમેન પદેથી રાજીનામું આપ્યું, હિમાંશુ કપાનિયાને જવાબદારી સોંપાઈ

આ પણ વાંચો : Adani Wilmar IPO : ગૌતમ અદાણી લાવી રહ્યા છે 4500 કરોડનો IPO , સેબીમાં દસ્તાવેજ સબમિટ કર્યા