શું તમારે ડ્રાઇવિંગ લાઇસન્સ અપડેટ કરાવવું છે ? તો ક્યાંય જવાની જરૂર નથી, ઘરે બેઠા આ રીતે કરો અપડેટ

જે લોકો વાહન ચલાવે છે, તેમના માટે ડ્રાઇવિંગ લાયસન્સ સૌથી મહત્વપૂર્ણ દસ્તાવેજોમાંનું એક છે. ટુ વ્હીલર હોય, ફોર વ્હીલર હોય કે ઇલેક્ટ્રિક વાહન હોય, ડ્રાઇવિંગ લાયસન્સ જરૂરી છે. જો તમે નવા શહેરમાં રહેવા જાવ છો તો તમારું સરનામું બદલાય છે, તો તમારે તમારા ડ્રાઇવિંગ લાયસન્સમાં પણ નવું સરનામું અપડેટ કરવું પડે છે.

આ સિવાય જો તમે કોઈપણ પ્રકારનું અપડેટ કરાવવા માંગતા હોવ તો નીચે આપેલ પ્રોસેસ દ્વારા અપડેટ કરાવી શકો છો. આ માટે બે રીતો છે, એક છે ઓનલાઈન અને બીજી છે ઓફલાઈન જેમાં તમારે આરટીઓ ઓફિસ જવું પડશે. અહીં અમે તમને ઓનલાઈન પ્રોસેસ વિશે જણાવીશું.

આ રીતે અપડેટ કરો ઓનલાઇન ડ્રાઇવિંગ લાયસન્સ

• ઘરે બેઠા ડ્રાઇવિંગ લાયસન્સ ઓનલાઈન અપડેટ કરવા માટે, પહેલા Parivahan Sarathi ની સત્તાવાર વેબસાઇટ https://sarathi.parivahan.gov.in પર જાઓ
• આ પછી હોમપેજ પર દર્શાવેલ ડ્રોપડાઉન મેનુમાંથી તમારું હાલનું સરનામું પસંદ કરો
• અહીં તમને ઘણી સેવાઓ માટેના વિકલ્પો બતાવવામાં આવશે. આ તમામ વિકલ્પોમાંથી, એપ્લાય ફોર ચેન્જ ઓફ એડ્રેસ વિકલ્પ પર ક્લિક કરો
• એપ્લિકેશન સબમિશન પેજ દેખાશે, અહીં આપેલી તમામ સૂચનાઓને ધ્યાનથી વાંચો અને Continue વિકલ્પ પર ક્લિક કરો
• આ કર્યા પછી, એક નવું પેજ ખુલશે, અહીં તમારો DL નંબર, જન્મ તારીખ અને કેપ્ચા કોડ લખો. કેપ્ચા કોડ ભર્યા પછી ગેટ DL વિગતોના વિકલ્પ પર ક્લિક કરો
• આ બધું ભર્યા પછી, તમારી વ્યક્તિગત માહિતીની વિગતો આગલા પૃષ્ઠ પર બતાવવામાં આવશે. બધી વિગતો તપાસો અને yes વિકલ્પ પસંદ કરીને વિગતોની પુષ્ટિ કરો

આગળની પ્રોસેસ

• ડ્રાઇવિંગ લાઇસન્સ કેટેગરી પસંદ કરો અને તમારા વિસ્તારના આરટીઓ ઓટો-પિક અપ કરવા માટે તમારા હાલના સરનામાનો પિનકોડ દાખલ કરો
• આ પછી Continueના વિકલ્પ પર ક્લિક કરો, વિગતો એડિટ કરવાનો વિકલ્પ ખુલશે. તમારું નવું સરનામું અને કેપ્ચા કોડ દાખલ કરો, ચાલુ રાખો પર ક્લિક કરો
• આ પછી એપ્લિકેશન નંબરની પ્રિન્ટ આઉટ લો, જરૂરી દસ્તાવેજો અપલોડ કરો અને ફી ચૂકવો અને રસીદની પ્રિન્ટ લઈ લો

તમે ઉપર જણાવેલ પ્રોસેસને અનુસરીને તમારા ડ્રાઇવિંગ લાયસન્સમાં સરનામું અપડેટ કરી શકો છો. જો તમે કોઈપણ અન્ય વિગતો અપડેટ કરવા માંગતા હો, તો તમે હોમ પેજ પર આપવામાં આવેલા અપડેટ વિકલ્પોમાંથી પસંદ કરીને તેને અપડેટ કરી શકો છો.