Rajkot: રોડ-રસ્તા મુદ્દે સ્થાનિક મહિલાઓએ જેતપુર નગરપાલિકાને ઘેરી, પાલિકાના ગ્રાઉન્ડમાં જ નાખ્યા ધામા

Rajkot: લોકોને સ્પર્શતા પાયાના પ્રશ્નોને લઈને જેતપુર-નવાગઢ નગરપાલિકા (Jetpur Nagar palika) અવાર નવાર અહેવાલોમાં ચમકતું રહે છે. રોડ-રસ્તા કે પીવાના પાણીના પ્રશ્નો હોય કે પછી જાહેર રસ્તાઓ પર ઉભરાતી ગટરોના પાણી ફરી વળ્યાના અહેવાલો અવાર નવાર સામે આવતા હોય છે. તેવા જ રોડ-રસ્તાના એક પ્રશ્નને લઈને વોર્ડ નંબર 6ની સ્થાનિક મહિલાઓએ પાલિકાનો ઘેરાવ કર્યો હતો.

જેતપુર નગરપાલિકાના મહિલા કોંગ્રેસ સદસ્યોએ અવાર નવાર રજૂઆત કરવા છતાં પોતાના વિસ્તારના રોડ રસ્તાના પ્રશ્નોનું નિરાકરણ નહીં આવતા સ્થાનિક મહિલાઓ સાથે નગરપાલિકાની કચેરીએ ઘસી ગયા હતા. તંત્ર દ્વારા લેખિત બાહેંધરી આપી હોવા છતાં પણ કામગીરી શરૂ કરવામાં આવી નથી. જેને લઈને સ્થાનિક મહિલાઓ રોષે ભરાઈ હતી અને તંત્રને કાને વાત નાંખવા પાલિકા કંપાઉન્ડમાં જ ધામા નાખ્યા હતા.

આ પણ વાંચો : Sabarkantha: મોબાઈલ નહીં તો રસી નહીં ? હિમતનગરના રસી કેન્દ્રો પરથી લોકો પરત ફર્યા

આ પણ વાંચો: SURAT : SMC સંચાલિત SUMAN HIGH SCHOOLS માં ધોરણ-11 માં પ્રવેશ પ્રક્રિયા શરૂ, 24 નવા વર્ગો શરૂ કરાયા