Viral Video : બોસે સેલેરી આપવાની ના પાડતા કર્મચારીએ JCB મશીનની કરી નાખી તોડફોડ

સોશિયલ મીડિયાની (Social Media) દુનિયામાં, દરરોજ ઘણા રમૂજી વીડિયોઝ વાયરલ (Funny Video) થાય છે. આમાંના કેટલાક વીડિયો તમને વારંવાર જોવાની ઈચ્છા થશે, તો કેટલાક એવા છે કે જે જોયા પછી તમે વિચારમાં પડી જશો કે આવું કેમ થયું. હાલમાં, સોશિયલ મીડિયા પર આવો જ એક વીડિયો (Viral Video) સામે આવ્યો છે. જેમાં એક વ્યક્તિ જેસીબી વડે મોટા વાહનોનો નાશ કરતો જોવા મળે છે. આ દરમિયાન, ત્યાં ઘણા લોકો તેને રોકવાનો પ્રયાસ કરે છે, પરંતુ તે રોકાતો નથી.

વાયરલ વીડિયો ક્લિપમાં, તમે જોઈ શકો છો કે એક વ્યક્તિ JCB મશીનની મદદથી એક પછી એક ઉભેલા ડમ્પરો અને ટ્રકનો નાશ કરી રહ્યો છે. ત્યાર બાદ તે જેસીબી સાથે લાઇનમાં પાર્ક કરેલા ટ્રક પર હુમલો કરે છે. આ દરમિયાન તેની આ હરકત જોઇને તેના બાકીના સાથીઓ આમ તેમ દોડવા માંડે છે. થોડા સમય બાદ ત્યાં હાજર બાકીના લોકો જેસીબીમાં ઘૂસીને વ્યક્તિને પકડી લે છે.

આ વીડિયો ક્યાંનો છે અને આ વ્યક્તિ આ કેમ કરી રહ્યો હતો તે અંગે કોઈ માહિતી નથી. જો કે, ટ્વિટર એકાઉન્ટનું કેપ્શન જેના પર તેને શેર કરવામાં આવ્યું છે તે જોયા પછી, લોકો તેને બોસ પાસેથી પગાર ન મળવાના કારણે નિરાશ કર્મચારીના કૃત્ય તરીકે જોઈ રહ્યા છે.

વાયરલ થયેલો આ વીડિયો @CrazyFunnyVidzz નામના ટ્વિટર હેન્ડલ સાથે શેર કરવામાં આવ્યો છે. વપરાશકર્તાએ કેપ્શનમાં લખ્યું છે, જ્યારે તમારો બોસ પગાર આપવાની ના પાડે છે. વીડિયો અપલોડ કર્યાના માત્ર થોડા કલાકોમાં તેને 12 હજારથી વધુ વ્યૂઝ મળ્યા છે. તે જ સમયે, સેંકડો લોકોએ તેને પસંદ કર્યો છે. લોકો આ વીડિયોને ખૂબ પસંદ કરી રહ્યા છે. લોકોએ આ અંગે પોતાનો પ્રતિભાવ આપવાનું પણ શરૂ કરી દીધું છે.

એક યુઝરે લખ્યું છે, આ વીડિયો કંપનીના દરેક બોસને મોકલવો જોઈએ. તે જ સમયે, કર્મચારીનો ગુસ્સો જોઈને, અન્ય વપરાશકર્તાએ હસતી  ઇમોજી મુકી અને પૂછ્યું કે તેનો પગાર કેટલો હતો? વીડિયો જોયા બાદ એક યુઝરે લખ્યું છે કે, હું તેને હારેલો માનું છું. આ કરવાથી તેને શું મળ્યું?

આ પણ વાંચો –

Ahmedabad: LG હોસ્પિટલના નવીનીકરણને લઈને મોટા સમાચાર, કોરોનામાં પડેલી હાલાકી બાદ અમદાવાદીઓ માટે રાહતના શ્વાસ

આ પણ વાંચો –

સૌરાષ્ટ્રમાં અતિવૃષ્ટિથી પ્રભાવિત અસરગ્રસ્તોની સહાય માટે મોરારી બાપુએ મુખ્યમંત્રી રાહત નિધિમાં 25 લાખ અર્પણ કર્યા

આ પણ વાંચો –

Pakistan Terrorist Module: મુંબઈ લોકલ પણ હતી આતંકીઓની રડાર પર, શું 26/11ના પુનરાવર્તનનું હતુ કાવતરુ?